2015-12-14 11:45:07 | TƏDQİQATLAR-ANALITIKA
Nəyə görə jurnalistika fakultələri bağlanma təhlükəsilə üzləşsin?

Təhlil

Bu yaxınlarda  Vəfa Allahverdiyevanın   “Jurnalistika fakultələri bağlanma təhlükəsində” adlı yazısını oxudum.  Vəfa  xanıma   bu yazıya  və  qaldırdığı məsələyə  görə  təşəkkür edirəm. Müəllifin toxunduğu məqamlarla razıyam. Bu gün həqiqətən jurnalist təhsilinə meyl azalır. Bunun bir sıra səbəbləri var.  Orta məktəblərdə mövcud olan problemlər, şagirdlərin əzbərçiliyə  meyliliyi, mütaliəsizlik və digər faktorlar  narahatlıq yaradır.

Ancaq burada daha ciddi səbəblər var. Heç şübhəsiz ki,  media  QHT sistemindən fərqli olaraq biznez sahəsidir. Əslində medianının normal biznes sahəsi kimi fəaliyyəti həm cəmiyyət, həm dövlət, həm də jurnalistlər və bu sahədən əmək haqqı alan insanlar üçün faydalı olardı. Bu da o deməkdir ki, medianın öz iqtisadiyyatı formalaşmalı idi. Bəs, bu gün azad rəqabət şəraitində həmin media iqtisadiyyatı formalaşa bildimi?

Etiraf etmək lazımdır ki, jurnalistikada lazımı qədər maddi-texniki baza formalaşa bilməyib. Reklam bazarındakı  vəziyyətin təhlili başqa bir söhbətin mövzusudur. Qısaca onu qeyd etmək olar ki, reklam bazarındakı problemlər ümumilikdə media mühitinə sirayət edib.

 Digər tərəfdən hər hansı peşə seçimində və yaxud ixtisasların müəyyən edilməsində bir sosial sifariş olur. Belə demək mümkünsə  cəlbedicilik  nəzərə alınır.  Bugünkü gənclər daha çox  iqtisadiyyatda müxtəlif peşələrə yiyələnmək istəyir. Məsələn bank, vergi, gömrük və s. sahələrə daha çox axın olur.  Çünki bu sahədə çalışan insanların daha yaxşı qazanmaq ehtimalı var. 

Bu gün çox az gənc tapılar ki, üzmçülük sahəsində aqranom və yaxud şərabçılıqda texnoloq  kimi  və digər belə peşələrə yiyələnməyə can atsın. Ona görə ki, həmin sahələrdə heç bir inkişaf yoxdur.  Bəlkə bu müqayisələr bir az  qüsurlu görünər. Ancaq bu faktorlar bütün hallarda gənclərin peşə, ixtisas seçiminə təsir göstərir.

Bəzi insanlar mütəmadi olaraq qeyd edirlər  mediada,  QHT-də maliyyə, qazanc haqqında düşünmək düzgün deyil. Mən bu fikirlə heç cürə razılaşa bilmirəm. Sosial varlıq olmaqla yanaşı, həm də  bioloji varlıq olan media, QHT işçisi nəyə görə, normal yaşayış, təmiz maddi gəlir haqqında fikirləşməməlidir?  Gənclərin  jurnalistikaya marağının azalmasının səbəblərini burada axtarmaq lazımdır.

Elə insanlar var  artıq jurnalistika sənətinə  bağlanıb. Bu işdə  pul azda qazansa, çoxda qazansa bu peşədən heç cür ayrıla bilmir.  Xüsusilə, bunu ortayaşlı qələm sahiblərinə  aid etmək olar. Bəlkə də düşünürlər geriyə yol yoxdur.  Ancaq bugünkü gəncin düşüncəsində bir maddiyyat var.  Əslində buna çox normal yanaşmaq lazımdır. Gənc öz intellekti, bacarığı hesabına  müəyyən dövr çərçivəsində həm tanınmaq, həm də  sözün yaxşı mənasında mövqeyə, geniş maddi imkanlara sahib olmaq istəyir. 

Jurnalistikaya  yeni başlayan gənclər üçün  bu şəraitin olmaması peşə seçimində  mühüm rol oynayır. Məhz bununda mənifi nəticələri zaman keçdikcə  hiss olunacaq. Jurnalistikaya ürəkdən bağlı olan  gənclər,  bəlkə də bu sənətin fəadiləri  bu sahəyə gəlmirsə o zaman  təsadüfi şəxslər gələcək. Jurnalistikaya dəxli olmayan  şəxslərin bu sahəyə  gəlişi  ağır nəticələrini göstərməkdədir. Reket “jurnalistikası”nda belə acınacaqlı durumun şahidi oluruq.   

Bu illər  ərzində Mətbuat Şurası  reket “jurnalistikası”nın  qarşısını almağa çalışaraq  papağını günə verdi. Reket “jurnalistikası” var. Haqlı olaraq onları ifşa etmək lazımdır. Əslində onların məsələsi  hüquq mühafizə orqanlarının  məşğul olacağı sahədir.  Belə qorxulu tendensiyalardan qaçmaq üçün media iqtisadiyyatı formalaşmalıdır.  Təəssüf ki,  Mətbuat Şurası  medianın  daha ciddi  məsələsi olan  media iqtisadiyyatının formalaşması istiqamətində ciddi addımlar ata bilmədi.  

 Son bi neçə  ildə  Azərbaycan  dövləti  KİV-in inkişafına dəstək  məqsədilə  vəsait ayırır.  Bu çox normal haldır. Müəyyən dövr çərçivəsində belə dəstəyin göstərilməsi mümkündür.  Nəhayət müstəqil media  normal bazar qanunlarını əsas tutaraq  öz iqtisadiyyatını formalaşdırmaq haqqında düşünməlidir. Peşəkar jurnalistikanın  inkişafı, ən əsası  reklam problemlərini çozmək məqsədilə Reklam Şurasının yaradılması zəruridir. Ümid edək ki, zaman keçdikcə bu  problem həllini tapar.

Baxış sayı : 3867
Digər yazılar
Fransalı senator Azərbaycanın İrandakı səfirliyində törədilən terror aktını pisləyib 2023-01-27 18:20:48 Avropa Şurası Azərbaycanla həmrəy olduğunu açıqlayıb 2023-01-27 15:10:39 Ombudsman Azərbaycanın İrandakı səfirliyinə hücumu pisləyən bəyanat yayıb 2023-01-27 14:55:39 AŞPA Ukrayna üzrə beynəlxalq tribunalın yaradılmasına çağırıb 2023-01-27 10:50:11 Erməni terrorunun üçüncü dalğası: Hədəf türk diplomatlarıdır 2023-01-27 09:55:36 Qərbi Azərbaycana Qayıdış Konsepsiyası qəbul edildi 2023-01-27 09:35:29 Rusiya Ermənistana missiya göndərilməsinə etiraz edir 2023-01-27 09:40:03 İşğal altındakı 8 kəndimiz BMT-də gündəmə gətirildi 2023-01-27 07:45:45 Azərbaycan hərbçiləri Türkiyədə beynəlxalq təlimdə iştirak edir 2023-01-26 18:55:53 Süni intellekt üzrə Milli Strategiya ilə bağlı yol xəritəsi hazırlanıb 2023-01-26 16:40:05 ABŞ institutu: “İrandakı etiraz aksiyaları kuliminasiya nöqtəsinə çatıb” 2023-01-26 11:10:18 Deputat: Azərbaycanlı ekoloqlar Ermənistandan yataqlarımızın qeyri-leqal istismarına son qoyulmasını tələb edirlər 2023-01-26 10:55:54 “Heydər Əliyev - 100” videolayihəsinə start verilib 2023-01-26 10:10:35 İsveçrə Aİ-nin Rusiyaya qarşı doqquzuncu sanksiyalar paketinə qoşulub 2023-01-26 09:50:21 Totalitar rejimin qurbanı olan Firidun bəy Köçərlinin bu gün doğum günüdür 2023-01-26 09:30:09 Rəsmi Bakı növbəti dəfə Ermənistana xəbərdarlıq edib 2023-01-26 08:00:28 Cənub Qaz Dəhlizi Məşvərət Şurası fevralın 3-də Bakıda toplanacaq 2023-01-25 14:10:42 Beynəlxalq Türk Mədəniyyəti və İrsi Fondunun daha bir mühüm tədbiri 2023-01-25 10:35:20 Qərbi Azərbaycan İcmasında Qayıdış Konsepsiyasının layihəsi üzrə yekunlaşdırıcı müzakirələr keçirilib 2023-01-25 10:25:52 Lavrov ABŞ-ni bütün qırmızı xətləri keçməkdə ittiham edib 2023-01-25 09:45:35 Laçın yolundakı aksiya 45 gündür davam edir 2023-01-25 09:30:34 İlk hüquq professorunun zindan məktubları 2023-01-25 08:50:40 Agentlik “Şuşa İli”nə həsr olunmuş qrant müsabiqəsinin yekunlarına dair mətbuat konfransı keçirib 2023-01-24 18:25:32 Səməd Vəkilov: “Azərbaycan QHT-lərinin başladığı bu aksiyanın nəticəsində Azərbaycan xalqı və dövləti faydalanacaq”. 2023-01-24 17:55:16