2015-10-21 12:35:51 | SİYASƏT
Nur Xolis: Azərbaycanlı məcburi köçkünlərin öz torpaqlarına qayıda bilməməsi böyük ədalətsizlikdir

“Azərbaycan Respublikası Dağlıq Qarabağ Bölgəsinin Azərbaycanlı İcması” İctimai Birliyinin sədri Bayram Səfərov ölkəmizdə səfərdə olan İndoneziya Respublikasının İnsan Hüquqları üzrə Milli Komissiyasının sədri Nur Xolis ilə görüşüb

 Görüşdə Bayram Səfərov Ermənistan-Azərbaycan, Dağlıq Qarabağ münaqişəsinin tarixi, ağır nəticələri, Dağlıq Qarabağın azərbaycanlı icmasının fəaliyyəti haqqında məlumat verib. O, Ermənistan silahlı qüvvələrinin Azərbaycana hərbi təcavüzü nəticəsində torpaqlarımızın 20 faizinin – Dağlıq Qarabağ və ona bitişik 7 inzibati rayonun işğal olunduğunu, bir milyondan artıq soydaşımızın qaçqın və məcburi köçkünə çevrildiyini, milli-mədəni sərvətlərimizin talan edildiyini, bütün infrastrukturun dağıdıldığını qonağın diqqətinə çatdırıb. B.Səfərov ermənilərin azərbaycanlılara qarşı tarixən törətdikləri soyqırımı cinayətlərinin dünya ictimaiyyətinə çatdırılmasının vacib məsələ olduğunu vurğulayıb.

Qeyd edilib ki, bu gün Azərbaycanda məcburi köçkünlərin problemlərinin həllinə xüsusi diqqət göstərilir. Bu qəbildən olan insanların problemləri yüksək səviyyədə həll edilir. Lakin bütün məcburi köçkünlərin bir arzusu var - ata-baba torpaqlarına qayıtmaq.

Problemin həlli istiqamətində fəaliyyət göstərməli olan beynəlxalq təşkilatların hələ də ikili standartlarla çıxış etdiklərini deyən B.Səfərov vurğulayıb ki, Ermənistan-Azərbaycan münaqişəsi beynəlxalq hüququn prinsiplərinə uyğun şəkildə Azərbaycanın ərazi bütövlüyünün təmin olunması şərti ilə həll olunmalıdır. Biz bu istiqamətdə böyük dövlətlərdən, eləcə də bu məsələ ilə məşğul olan qurumlardan qətiyyətli mövqe gözləyirik.

Nur Xolis deyib ki, Dağlıq Qarabağ və ətraf rayonlardan olan qaçqın və məcburi köçkün insanların hüquqlarının pozulması, onların öz doğma torpaqlarına qayıda bilməməsi böyük ədalətsizlikdir. Münaqişənin sülh yolu ilə və Azərbaycanın ərazi bütövlüyü çərçivəsində həll olunması mütləq şərtlərdəndir. O, İndoneziya parlamentinin illik hesabatına Ermənistan-Azərbaycan, Dağlıq Qarabağ münaqişəsi ilə bağlı dörd bənd daxil edildiyini diqqətə çatdırıb. Bunların içərisində Xocalı faciəsinin soyqırımı kimi tanınmasının da yer aldığını vurğulayıb.

Görüşdə çıxış edən İctimai Birliyin idarə heyətinin üzvləri Rövşən Rzayev və Elman Məmmədov Ermənistanın təcavüzkar siyasətindən, münaqişənin həlli ilə bağı tutduğu qeyri-konstruktiv mövqedən, Azərbaycan dövlətinin məcburi köçkünlər üçün yaratdığı şəraitdən danışıblar. Onlar problemin həlli istiqamətində beynəlxalq ictimaiyyətin daha qətiyyətli mövqe tutmasının zəruriliyini vurğulayıblar.

Görüşdə Azərbaycanın İndoneziyadakı səfiri Tamerlan Qarayev də iştirak edib.

Həmin gün İndoneziyanın İnsan Hüquqları üzrə Milli Komissiyasının sədri Nur Xolis Xocalı soyqırımının şahidləri ilə görüşüb.

Xocalı Rayon İcra Hakimiyyətinin başçısı Şahmar Usubov qonağa soyqırımı haqqında ətraflı məlumat verib. Bildirib ki, 1992-ci il fevralın 25-dən 26-na keçən gecə Xocalıda baş vermiş dəhşətli faciə XX əsrdə ermənilər tərəfindən xalqımıza qarşı törədilmiş növbəti kütləvi qırğın olmaqla bərabər, həm də Azərbaycanın ərazi bütövlüyünə və dövlət müstəqilliyinə qarşı yönəlmiş terror siyasətinin tərkib hissəsidir. Beynəlxalq hüququn norma və prinsiplərinə əsla məhəl qoyulmadan həyata keçirilən bu soyqırımı aktı xalqımızın azadlıq və müstəqillik istəyini məhv etməyə yönəldilmişdi.

Görüşdə iştirak edən səfir Tamerlan Qarayev deyib ki, “Xocalıya ədalət” beynəlxalq kampaniyası çərçivəsində İndoneziyada da tədbirlər keçirilib. Bu il Xocalının anım günündə İndoneziyanın 30-dək məscidində “Qarabağın son azanı” səsləndirilib. İnsan haqlarının müdafiəçisi olan Nur Xolisin Dağlıq Qarabağ münaqişəsi ilə bağlı yazıları dərc olunub. Digər çıxış edənlər Xocalı soyqırımının həm bəşəriyyətə, həm də insanlığa qarşı yönəlmiş ən qəddar cinayətlərdən biri olduğunu vurğulayıblar.

Xocalı faciəsinin görüşdə iştirak edən şahidləri başlarına gələn müsibətlərdən, yaşadıqları ağrı-acılardan danışıb, bu qətliamın beynəlxalq ictimaiyyət tərəfindən soyqırımı kimi tanınmasının vacibliyini bildiriblər. Nur Xolis səfərinin yekunu olaraq araşdırdığı və topladığı məlumatlar hesabına XX əsrin ən dəhşətli qətliamı olan Xocalı soyqırımı ilə bağlı kitab yazacağını bildirib

 

 

 

 

 

 

 

 

Baxış sayı : 1658
Azərbaycan Prezidenti Dövlətyarlı kəndində yeni “ağıllı kənd”in təməlini qoyub 2021-10-18 10:55:32 Bu gün Azərbaycanın Ermənistana qarşı iddiası ilə bağlı Beynəlxalq Ədalət Məhkəməsində dinləmə olacaq 2021-10-18 09:35:01 Xudafərin körpüsünün işğaldan azad edilməsinin ildönümüdür 2021-10-18 08:50:43 Ukrayna Ali Radasının nümayəndə heyəti Ağdamda erməni vəhşiliklərinin şahidi olub 2021-10-18 08:30:32 Bu gün Azərbaycanın Müstəqilliyinin Bərpası Günüdür 2021-10-18 07:40:59 Füzuli şəhərinin təməl daşı qoyuldu - Prezident bölgədə 2021-10-17 21:20:50 Şəhidlərimizi tanıyaq, tanıdaq 2021-10-17 14:35:38 Füzulinin işğaldan azad edilməsindən 1 İL ötür 2021-10-17 10:05:04 Vətən müharibəsinin 21-ci günü: Xronika 2021-10-17 09:45:26 Şəhidimiz Nadir Rzayevin xatirəsi anıldı 2021-10-16 11:00:26 Vətən müharibəsinin xronikası: 16 oktyabr 2021-10-16 10:15:19 Diplomatik korpus nümayəndələrinin Suqovuşana səfəri başlayıb 2021-10-16 09:20:02 ”Torpağı Vətənə çevirənlər”: AGF ilə Yeni Yazarlar və Sənətçilər İB-nin kreativ layihəsi 2021-10-15 18:40:30 “Azərbaycan iqtisadiyyatı müstəqillik illərində” mövzusunda respublika elmi konfransı keçirilib 2021-10-15 14:30:20 Prezident İlham Əliyev: "Ermənistan minalanmış ərazilərin xəritəsini təqdim etmir" 2021-10-15 14:10:41 “Müstəqillik Günü haqqında” qanun layihəsi qəbul edildi 2021-10-15 11:05:49 QHT uşaqların sosial problemlərinin həllinə dəstək olur 2021-10-15 10:40:40 Misirli professor: Azərbaycan sübut etdi ki, qüdrətli Ordu ilə qəsbkarı cəzalandırıb, torpaqları azad etmək mümkündür 2021-10-15 09:30:56 "Törədilən bu təxribat bölgədəki vəziyyətin gərginləşdirilməsinə xidmət edir" 2021-10-15 08:45:21 44 günlük Vətən müharibəsinin xronikası: 15 oktyabr 2021-10-15 08:10:20 "Ermənistanın cinayət məsuliyyətinə cəlb olunmasını və təzminat ödəməsini istəyirik" 2021-10-14 18:45:24 Tehranın qorxulu yuxuları 2021-10-14 16:20:50 Dini liderlərdən birgə BƏYANAT 2021-10-14 09:55:28 Akkan Suver: Azərbaycan dövlətinin Qarabağda gördüyü işlər bu torpaqların əsl sahibinin kim olduğunu bir daha göstərdi 2021-10-14 09:35:05