2022-06-03 10:25:56 | İQTİSADİYYAT
"Cənub Qaz Dəhlizi"nin gücünün genişləndirilməsi imkanlarını nəzərdən keçirmək üçün müəyyən əsaslar var - Laura Lokman

"Cənub Qaz Dəhlizi"nin ötürmə qabiliyyətinin genişləndirilməsi imkanlarını nəzərdən keçirmək üçün müəyyən əsaslar var.

Bu barədə Trend-ə özəl müsahibəsində ABŞ dövlət katibinin enerji diplomatiyası üzrə müavininin müşaviri Laura Lokman deyib.

"Bu, mənim Bakıya ilk səfərimdir və gözəl bir neçə gün idi. Mən üç ildən sonra ilk dəfə keçirilən Bakı Enerji Forumunda iştirak etmək üçün buradayam. Mən bunun bir hissəsi olmaqdan və Azərbaycanın regionda, eləcə də Avropada enerji təhlükəsizliyində oynadığı çox mühüm roldan danışmaqdan çox şadam. Biz ABŞ ilə Azərbaycan Respublikası arasında diplomatik münasibətlərin qurulmasının 30-cu ildönümünü qeyd edirik. Bu əlamətdar hadisədir. Biz uzun müddətdir ki, enerji, eləcə də ticarət və investisiya, daha geniş iqtisadi məsələlərlə bağlı əməkdaşlıq edirik. ABŞ Azərbaycanın enerji və iqtisadi məsələləri üzrə sadiq tərəfdaşıdır və cari təchizat problemlərini həll etmək, eləcə də gələcəkdə bərpa olunan enerjini inkişaf etdirmək, bu əməkdaşlığı dərinləşdirmək üçün müəyyən imkanlarımız var", - deyə L.Lokman bildirib.

L.Lokman qeyd edib ki, "Cənub Qaz Dəhlizi" mühüm nailiyyətdir və ABŞ bu layihəni əvvəldən dəstəkləyib. Onun sözlərinə görə, bu, regional tərəfdaşlar, eləcə də hökumətlər və özəl sektor arasında əməkdaşlığın əla nümunəsidir:

"Biz indi bu infrastruktura malik olmağın bəhrələrini görürük və bu, hazırda Avropanın regional enerji təhlükəsizliyinə böyük köməklik edir. Avropa qitəsinin əlavə ehtiyaclarını ödəmək üçün "Cənub Qaz Dəhlizi"nin imkanlarının genişləndirilməsi imkanlarını nəzərdən keçirmək üçün müəyyən səbəblər var. Bütün enerji mənbələrinin şaxələndirilməsi vacibdir. Biz hər hansı bir enerji formasının bir istehsalçısından asılı olmaq istəmirik. Hazırda Avropada “Cənub Qaz Dəhlizi” vasitəsilə Azərbaycandan əlavə təbii qaz tədarükünə ehtiyac var".

Azərbaycanda bərpa olunan enerji mənbələrinin potensialından danışan L.Lokman xatırladıb ki, Prezident İlham Əliyev çıxışında Azərbaycanın dəniz külək enerjisi üçün böyük potensiala malik olduğunu bildirib:

"Prezident külək enerjisi üçün böyük potensial olan 157 giqavat gücü nəzərdə tuturdu. Siz, həmçinin günəş enerjisi potensialına sahibsiniz və nəticədə hidrogen istehsal etmək üçün istifadə edilə bilər. Beləliklə, imkanlar çoxdur və Amerika şirkətlərinin bu texnologiyalarda çoxlu təcrübəsi və biliyi var".

L.Lokman Avropada davam edən enerji böhranı və onun təsirlərini yumşaltmaq üçün atılan addımlara da toxunub:

"Dünyada biz keçən payızdan etibarən COVID-19 pandemiyasından sonra bərpa prosesi ilə əlaqədar olaraq daha yüksək enerji qiymətləri, daha az təklif və daha çox tələb müşahidə etməyə başladıq. Və təbii ki, bu, Rusiyanın Ukraynaya qarşı müharibəsi ilə daha da ağırlaşıb. Hazırda Avropa Rusiya kömüründən, eləcə də neft və qazdan asılılığını azaltmaq üçün çox çalışır. Beləliklə, ehtiyac böyükdür və ABŞ təbii qazdan asılılığı azaltmaq üçün səmərəlilik, ağıllı termometrlər, istilik nasosları və digər oxşar texnologiyalardan istifadə etməklə qalıq yanacağa tələbatı azaltmağın yollarını avropalılarla müzakirə edərək öz töhfəsini verir".

L.Lokman qeyd edib ki, ABŞ prezidenti Co Bayden mart ayında Avropa Komissiyasının sədri Ursula fon der Leyenə ABŞ-ın 2022-ci ildə Avropaya 15 milyard kubmetr təbii qaz gətirməsinə kömək edə biləcəyinə söz verib:

"Bunun çox hissəsi ABŞ təbii qaz və maye qaz (LNG) istehsalçılarından gələcək. Buna dünyanın hər yerindən başqa mənbələr də əlavə olunacaq ki, bu il biz 15 milyard kubmetrə çatdıracağıq. Biz qarşıdakı bir neçə il ərzində bu həcmləri ildə 50 milyard kubmetrə çatdırmağı öhdəmizə götürmüşük. Bu, Prezidentimizin Aİ qarşısında götürdüyü öhdəlikdir".

Baxış sayı : 231
“Şuşa - Qarabağın dünəni, bu günü, sabahı”: Firidun bəy Köçərli Anastasiya Lavrina: Ermənistan başa düşməlidir ki, istənilən təxribata müvafiq cavab veriləcək Kiyevdə 55 ölkənin səfirliyi işini bərpa edib Komitə sədri FHN əməkdaşları ilə birlikdə yanğınsöndürmə əməliyyatında Sərhəd bölmələri müasir silahlarla təmin edilir - DSX rəisi Birinci vitse-prezident Mehriban Əliyeva Müslüm Maqomayevin 80 illik yubileyi ilə bağlı paylaşım edib Yaponiyanın YouTube kanalı Azərbaycanın “Qisas” əməliyyatı barədə xüsusi veriliş yayımlayıb “Qaçqınkom”dan Laçın ziyalılarına ikili münasibət... Zelenski Rusiyaya çağırış etdi «Xəzər» jurnalın yeni sayı nəşr olunub Azərbaycan XİN: "Ermənistan sülhə belə hazırlaşır?!” İnformasiya təhlükəsizliyi ixtisaslarının keçid balı hüquqdan yüksək olacaq Yeni dünya nizamının formalaşması prosesi növbəti mərhələdə: siyasi analiz və proqnozlaşdırma Azad edilmiş ərazilərdə 110 sərhəd-döyüş məntəqəsi yaradılıb - General-leytenat Abbas Xəlilov Ukraynada Rusiya ordusunun generalı öldürülüb Ermənilərin bu əməli ekoloji terrordur - ETSN Azərbaycan QHT-ləri beynəlxalq təşkilatlara müraciət edib Laçın şəhərinə daxil olmadan yeni avtomobil yolunun tikintisi yekunlaşıb Şuşanın Yuxarı Gövhərağa məscidində erməni vandalizmini əks etdirən sənədli film çəkilir Ukraynada öldürülən rus hərbçilərin sayı 44 minə ÇATIR Fatma Yıldırım: Bu gün diktə edən tərəf qalib Azərbaycandır Azərbaycan və Türkiyə hərbçiləri birgə təlim keçir Şəhidlərin xatirəsinə həsr olunan anım mərasimləri keçirilib Fazil Mustafa: Prezident İlham Əliyevin son açıqlamaları tarixi-strateji əhəmiyyətə malikdir