2022-05-24 08:45:35 | SİYASƏT
Azərbaycan Prezidentinin Aİ Şurasının Prezidenti və Ermənistanın baş naziri ilə görüşü sülh yolunda ümidverici addımdır

Mayın 22-də Azərbaycan Respublikasının Prezidenti İlham Əliyev Brüsseldə Avropa İttifaqı Şurasının Prezidenti Şarl Mişel və Ermənistan Respublikasının Baş naziri Nikol Paşinyan ilə görüşüb.

Görüşün yekunları üzrə yaxın günlərdə dövlətlərarası sərhəddə sərhəd məsələləri ilə bağlı sərhəd komissiyalarının birinci birgə iclasının keçirilməsi barədə razılıq əldə olunub. Bu iclasda sərhədin delimitasiyası və sabit vəziyyətin ən yaxşı şəkildə necə təmin edilməsi ilə bağlı bütün məsələlərə toxunulacaq. Həmçinin Azərbaycanın qərb hissəsi ilə Naxçıvan və Azərbaycan ərazisindən Ermənistanın müxtəlif hissələri arasında tranzitlər, habelə hər iki ölkənin kommunikasiya infrastrukturu vasitəsilə beynəlxalq nəqliyyat daşımalarını tənzimləyəcək prinsiplər üzərində razılıq əladə edilib. Tərəflər həmçinin Ermənistan ilə Azərbaycan arasında dövlətlərarası münasibətləri tənzimləyən gələcək sülh sazişi dair müzakirəni davam etdirmək barədə razılığa gəliblər. Yaxın həftələrdə xarici işlər nazirlərinin başçılıq etdikləri nümayəndə heyətləri bu prosesi davam etdirəcəklər.

Bu razılaşmaları Trend-ə şərh edən Avropa Siyasət Mərkəzinin siyasi məsələlər üzrə analitiki Amanda Pol bildirib ki, Azərbaycan Prezidenti İlham Əliyevin Aİ Şurasının Prezidenti Şarl Mişel və Ermənistanın baş naziri Nikol Paşinyanla görüşünün nəticələri gələcək sülh sazişi yolunda növbəti müsbət addımdır.

"Düşünürəm ki, görüş çox ümidvericidi oldu və Şarl Mişelin mətbuata bəyanatı daha öncə oxşar görüşlərdən sonra etdiyi hər üç bəyanatda ən anlamlısı oldu", - deyə A.Pol bildirib.

Onun sözlərin görə, məhz bu görüş Azərbaycan və Ermənistan arasında davam edən sülh prosesində əldə edilmiş irəliləyişi müşahidə etmək imkanı verir.

"Bu, Prezident İlham Əliyev, baş nazir Nikol Paşinyan və Aİ Şurasının Prezidenti Şarl Mişel arasında üçüncü belə görüş olub. Biz irəliləyişi görürük. Müzakirələr daha məzmunlu xarakter alıb, tərəflər sülhü təşviq etmək üzrə getdikcə daha ciddi öhdəliklər götürürlər", - deyə analitik bildirib.

Məsələn, o qeyd edib ki, bu öhdəliklərdən biri sərhəd komissiyalarının ilk birgə iclasının vaxtı ilə bağlı razılaşma, eləcə də gələcək sülh sazişinin müzakirəsinin təşviqinə dair razılaşma olub.

"Aİ indi müharibədən sonrakı dövrdə sülh sazişinin əldə edilməsi, sülh istiqamətində addımlar və uzunmüddətli davamlı sülh baxımından mərkəzi rol oynayır", - deyə A.Pol bildirib.

Öz növbəsində israilli hüquqşünas, beynəlxalq hüquq və beynəlxalq siyasət üzrə mütəxəssis Mixail Finkel Trend-ə bildirib ki, bu danışıqların lokomotivi, aparıcı qüvvəsi Azərbaycan Prezidenti İlham Əliyevdir.

"Azərbaycan Prezidenti bütün dünyaya göstərdi ki, o, əsl sülhməramlıdır. O, yaxın zamanda sülh müqaviləsinin imzalanmasının zəruriliyi bildirirdi və bunun üçün mümkün və -qeyri-mümkün hər şeyi edirdi. Heç kimə sirr deyil ki, Azərbaycan Prezidenti ölkənin Xarici İşlər Nazirliyinə, bütün köməkçilərinə, bütün məmurlara bütün lazımi göstərişləri verib ki, sülh müqaviləsinin imzalanması üçün bütün lazımi sənədlər hazırlansın", - deyə M.Finkel bildirib.

İsrailli hüquqşünas vurğulayıb ki, Ermənistanda, eyni zamanda, tamamilə əks əhval mövcuddur.

"Biz görürük ki, Ermənistan cəmiyyəti və Yerevanda minlərlə insanı toplayan mitinqləri təşkil edən müxalifət hər vasitə ilə bu sülh sazişinin imzalanmasını pozmağa çalışır. Prezident İlham Əliyevin təşəbbüslərinin öz dövrünü, qonşuların baxışını necə qabaqladığını görürük. Ermənistanda insanlar başa düşmürlər ki, onların başqa seçimləri yoxdur və Ermənistanı hazırda düşdüyü dəhşətli iqtisadi, siyasi və demoqrafik böhrandan çıxara biləcək yeganə şey sülh sazişidir", - deyə M.Finkil bildirib.

Ekspertin sözlərinə görə, döyüş meydanında məğlub olan Ermənistan tərəfi öz təqsiri üzündən diplomatik danışıqlar meydanında da məğlub ola bilər.

Baxış sayı : 154
Azərbaycan və Türkiyə hərbçiləri birgə təlimlər keçib Zelenski azad edilən yaşayış məntəqələrinin sayını açıqlayıb Azərbaycan Transxəzər Beynəlxalq Nəqliyyat Marşrutunun səmərəli istifadəsinə səy göstərir Zakir Həsənov revanşist qüvvələrin təxribatlarının qarşısını almağa hazır olmaqla bağlı tapşırıqlar verib Azərbaycanda hərbi xidmətə növbəti çağırış başlayıb Sevil Mikayılova: Azərbaycan azad olunmuş əraziləri bərpa etməklə yanaşı, həm də beynəlxalq nəqliyyat əlaqələrinin inkişafı üçün əsaslı işlər görür Türk dövlətlərinin təhlükəsizlik şuralarının katibləri Ankara və İstanbulda bir araya gəliblər Şuşa adından istifadə qaydası müəyyənləşib "Discovery" telekanalı azad edilmiş Ağdam şəhərinə videoreportaj həsr edib Azərbaycan Ordusunun Komando bölmələrində təlim məşqləri keçirilir - Video Ukrayna Rusiyanın bir milyard dollarlıq əmlakına həbs qoyub 7000 nəfərə "Müharibə veteranı" adının verilməsi ilə bağlı qərar qəbul edilib “İlham Əliyev. İnkişaf - məqsədimizdir” çoxcildliyinin 118-ci kitabı çapdan çıxıb "Şuşa İli"nə həsr olunmuş muğam festivalına yekun vurulub “Ordümüz Gücümüzdür”Silahlı qüvvələrin 104 illiyinə həsr olunmuş tədbir keçirilib "Qoşulmama Hərəkatındakı dostlarımız Azərbaycana qarşı təxribatların qarşısını aldılar" Trans-Xəzər beynəlxalq nəqliyyat marşrutunun rolu artıb - Tokayev Brüsseldə Azərbaycanın “Ağıllı kənd” modelindən danışılıb "Şuşa məişət əşyaları" adlı virtual sərgi hazırlanıb Prezident İlham Əliyev Aşqabadda Xəzəryanı Dövlətlərin Dövlət Başçılarının VI Zirvə Toplantısında iştirak edib Silahlı Qüvvələr gününə həsr olunan tədbir keçirildi Prezident İlham Əliyev: Azərbaycan Avrasiyanın mühüm nəqliyyat və logistika mərkəzlərindən biridir "Müharibə yalnız Ukraynanın qələbəsi ilə başa çatacaq" Azərbaycan Prezidenti Qurbanqulu Berdiməhəmmədovla görüşüb