2022-01-14 09:50:49 | AKTUAL
Geosiyasi reallıqlar çərçivəsində istənilən vəziyyətə uyğun davranmaq Azərbaycanın siyasi, hərbi, iqtisadi gücünün göstəricisidir

Azərbaycan Prezidenti İlham Əliyevin yerli televiziya kanallarına müsahibəsində olduqca mühüm məsələlərə toxunulub.

Belə ki, Prezidentin səsləndirdiyi fikirlər sosial-iqtisadi vəziyyət və perspektivlərlə, şəhid ailələrinə və müharibə iştirakçılarına dövlət qayğısı, işğaldan azad olunmuş ərazilərdəki vəziyyət və fəaliyyətlə, ölkəmizin xarici siyasəti ilə bağlı və s. cəmiyyəti düşündürən suallara dəqiq cavab oldu. Prezident növbəti dəfə nümayiş etdirdi ki, vətəndaşın rifahının yüksək təmin olunması onun fəaliyyətinin mərkəzində dayanır. Ölkədə ərzaq təhlükəsizliyinin təmin olunması istiqamətində təsirli addımların atıldığını və bundan sonra da atılacağını vurğulayan ölkə Prezidenti işğaldan azad olunmuş ərazilərin də potensialından istifadə edildiyini dedi. Qısa zaman kəsiyində işğaldan azad olunmuş ərazilərin iqtisadi potensialının səfərbər edilməsi istiqamətində addımların atılması həqiqətən də milli iqtisadi sisteminin kifayət qədər çevik və funksional olduğunun göstəricisidir. Dövlətimizin başçısı müsahibə zamanı ölkənin iqtisadi müstəqilliyini siyasi müstəqillik amili ilə olduqca dəqiqliklə uzlaşdırır. Prezidentin strateji yanaşması məhz ondan ibarətdir ki, xarici siyasətin keçərli olması, tam müstəqil siyasət yürütmək imkanlarının genişləndirilməsi hər şeydən öncə iqtisadi müstəqillikdən asılıdır. Belə ki, Prezident ərzaq məhsullarının ixracından asılılığın azaldılmasının vacibliyini vurğuladı və istiqamətdə artıq təsirli addımların atıldığını bildirdi.

Fact-info.az-ın məlumatına görə, bu fikirləri AZƏRTAC-a açıqlamasında Milli Məclisin deputatı Elşad Mirbəşiroğlu bildirib.

Deputat diqqətə çatdırıb ki, müsahibə zamanı Prezident İlham Əliyevin toxunduğu mühüm məsələlərdən biri də Laçın dəhlizi ilə bağlı idi. Laçın dəhlizində vəziyyətin tam Azərbaycanın nəzarəti altında olduğunu qeyd edən dövlətimizin başçısı Xankəndiyə girişin sərbəst olduğunu, lakin çıxış zaman ləngitmələrə cəhdlər edildiyini bildirib. Bu, ciddi bir mesajdır. Birincisi, Prezident ermənilərin Xankəndində və digər ərazilərdə artıq qalmaq istəmədiklərinə işarə etdi. Laçın dəhlizindəki müşahidələrə istinad edərək, Prezident Azərbaycan ərazilərində təxmini 27 min erməninin yaşadığını bildirdi. İkinci Qarabağ müharibəsindən sonra Azərbaycan ərazilərinin tərk etmiş 38 min ermənin geri döndüyü, lakin sonradan onlardan 11 mininin birdəfəlik çıxıb getdiyini səsləndirən Prezident proseslərlə bağlı aydın təsəvvürlərə malik olduğunu nümayiş etdirdi. İkincisi, Prezident Azərbaycan tərəfinin icazəsi olmadan əraziyə qeyri-qanuni səfərlərin yolverilməzliyini və sülhməramlıların bu məsələdə diqqətli olmalı olduqları mesajını vermiş oldu. Postmünaqişə dövründə ölkənin mövqeyi bir daha bəyan edildi. Təbii ki, Azərbaycan hər zaman sərhədlərin delimitasiyası və demarkasiyası ilə bağlı, həmçinin yekun sülh sazişinin bağlanması ilə bağlı Ermənistana təkliflər edib. Prezident bir daha ölkəmizin bu mövqedə olduğunu səsləndirdi. Lakin müharibədən sonra ilk dəfə olaraq, Prezident İlham Əliyev Azərbaycanın bu mövqeyinin dəyişə bilmə ehtimalını səsləndirdi. Hesab edirəm ki, Prezidentin bu fikirləri təcavüzkar Ermənistanı ciddi düşündürməlidir.

Dövlətimizin başçısının Vətən müharibəsinə qədər mənasız danışıqları sonsuzluğa qədər davam etdirməyəcəyimiz barədə fikirləri çatdıran E.Mirbəşiroğlunun sözlərinə görə, Ermənistanın Prezident İlham Əliyevin bu mövqeyinə lazımi səviyyədə yanaşmaması təcavüzkar ölkəyə olduqca daha başa oturdu. Belə ki, hər zaman münaqişənin dinc vasitələrlə ədalətli həllinə çağırış etdik. Nə Ermənistan, nə də onun havadarları reaksiya vermədilər. Belə olan halda işğalçı Ermənistan ordusunu darmadağın edilərək torpaqlarımız azad olundu. Azərbaycan Ordusu nəyə qadir olduğunu bütün dünyaya nümayiş etdirdi. İndiki halda da ölkəmiz sülh sazişinin imzalanması ilə bağlı çağırış etməkdədir. Ermənistan yenə də məsələni uzatsa, təxribatlarını davam etdirsə, Azərbaycan düşməni sərt şəkildə cəzalandıracaq. Hətta, hesab edirəm ki, Azərbaycan Prezidenti Ermənistana altı ay vaxt vermiş oldu. Ölkəmiz təhlükəsizliyinin etibarlı təmin olunması üçün bütün zəruri tədbirləri görüb və bu istiqamətdə işləri davam etdirməkdədir.

“Prezident İlham Əliyev yol infrastrukturunu təkcə əhəmiyyətli deyil, strateji əhəmiyyətli adlandırdı. Azərbaycanın Ermənistanla sərhəd ərazilərində yolların çəkilməsi təbii ki, hər şeydən öncə təhlükəsizliyin təmin olunması, Ermənistanın təxribatlarının qarşısının alınması baxımından strateji əhəmiyyət kəsb edir. Sərhəd ərazilərdə yerləşən hərbi hissələrin rahat kommunikasiyanın olması onların hərbi, maddi-texniki təchizatının davamlı və səmərəli təmin olunması baxımından həyati vacib əhəmiyyət kəsb edir. Ərazilərdə ən yüksək tələblərə cavab verən hərbi hissələrin qurulması, sərhəd zastavalarının yaradılması erməniləri növbəti təxribatlardan çəkindirə bilər. Prezidentin dediyi kimi, qarşı tərəfdə erməni postları acınacaqlı şəraitdədir. Azərbaycan Ermənistanla sərhəd ərazilərdə hərbi imkanlarını genişləndirmək üçün ciddi addımlar atır və gələcək təxribatların qarşısının alınması, ümumiyyətlə operativ təhlükəsizlik tədbirlərinin görülməsi baxımından çox vacibdir”, deyə Elşad Mirbəşiroğlu qeyd edib.

Deputatın sözlərinə görə, Prezident İlham Əliyev müsahibəsində bir daha Azərbaycanın müasir beynəlxalq münasibətlər sistemində, geosiyasi reallıqlar çərçivəsində istənilən vəziyyətə uyğun davranmağa və maraqlarını qorumağa hazır olduğunu bildirdi. Bu da bir dövlət kimi Azərbaycanın siyasi, hərbi, iqtisadi gücünün göstəricisidir.

Baxış sayı : 114
Sosial ədalətsizlik, qeyri-adekvat psixi durum, yoxsa mənəvi dəyərlərin fiaskoya uğraması? 2022-01-16 10:50:54 Devid Harris: Bizim üçün Azərbaycanın regional və qlobal əhəmiyyəti böyükdür 2022-01-16 09:55:53 Qazaxıstandakı iğtişaşlarda ölənlərin sayı açıqlanıb 2022-01-16 09:45:33 QHT-lərin Korrupsiyaya qarşı mübarizə və ictimai nəzarətin gücləndirilməsində roluna dair tədbir keçirilib 2022-01-15 22:20:18 Şair-publisist Faiq Balabəylinin 20 Yanvar hadisələri ilə bağlı yeni kitabı çapdan çıxıb 2022-01-15 11:25:42 Professor Surxay Musayev: “Tarixi Zəfərimizin yaratdığı ruh yüksəkliyi hər zaman bizim fəaliyyətimizə stimul verir” 2022-01-15 11:50:59 "Azərbaycanda bərpa işlərinin aparılmasında iştirak etmək fikrindəyik" 2022-01-15 09:50:34 QHT sədri uşaq bağçasındakı hadisəyə kəskin etirazını bildirir 2022-01-15 10:30:09 İctimai Nəzarət Mərkəzinin onlayn konfransı keçirilib 2022-01-14 20:15:52 Azad edilmiş ərazilərdə yol infrastrukturu layihələrinin icra vəziyyəti açıqlanıb 2022-01-14 15:35:40 BMT Azərbaycan iqtisadiyyatının proqnozlaşdırılan artım səviyyəsini açıqlayıb 2022-01-14 10:15:04 “Şuşa” adlı virtual sərgi onlayn rejimdə istifadəçilərə təqdim olunub 2022-01-14 10:00:52 Geosiyasi reallıqlar çərçivəsində istənilən vəziyyətə uyğun davranmaq Azərbaycanın siyasi, hərbi, iqtisadi gücünün göstəricisidir 2022-01-14 09:50:49 "Səudiyyə Ərəbistanı nadir ölkələrdəndir ki, Ermənistanla diplomatik əlaqələr qurmayıb" 2022-01-14 09:30:16 “Azərbaycanla həmişə birlikdəyik, birlik olmağa davam edəcəyik” - Mövlud Çavuşoğlu 2022-01-14 09:05:33 Zakir Həsənov Ali Hərbi Məktəbin şəxsi heyəti ilə görüşüb 2022-01-13 11:50:05 Ermənistan təxribatlar törətməklə sülhün bərqərar olmasına əngəl yaradır 2022-01-13 10:15:23 Britaniya səfiri Qarabağ atlarından yazıb 2022-01-13 09:25:10 Əcnəbi media jurnalistlərin Şuşa səfərindən yazıb 2022-01-13 08:40:34 Qazaxıstan səfiri göstərilən dəstəyə görə Azərbaycana təşəkkür edib 2022-01-13 08:05:44 "Yeni dünya düzənində təşəbbüs göstərən ölkələrdən biri olacağıq" 2022-01-13 07:55:04 Prezident İlham Əliyevin yerli televiziya kanallarına müsahibə verib 2022-01-12 21:25:39 Əhməd İsmayılov: "MEDİA islahatları: Yeni hədəflərə doğru" 2022-01-12 14:50:17 “Euronews” Azərbaycanın xalq mahnıları və rəqsləri barədə süjet hazırlayıb 2022-01-12 11:20:33