2021-10-03 08:10:37 | QHT VƏ MEDİA
Qarabağ Zəfərinə həsr olunmuş müsabiqələr keçiriləcək

.

“Gənclərin Töhfəsi” İctimai Birliyi Qarabağ Zəfərinin birinci ildönümünə həsr olunmuş “Zəfərə doğru addımla” layihəsinin icrasına başlayıb.

İctimai Birlikdən 525.az-a bildiriblər ki, oktyabrın 1-də start verilən layihənin donoru Azərbaycan Respublikasının Gənclər Fondu, tərəfdaşları Diasporla İş üzrə Dövlət Komitəsi, Mənəvi Dəyərlərin Təbliği Fondu, Sosial Tədqiqatlar Mərkəzi, Bakı Beynəlxalq Multikulturalizm Mərkəzi, Bakı Şəhər Gənclər və İdman Baş İdarəsi və Qardabani Gənclər Mərkəzidir.

Layihənin məqsədi 44 günlük Vətən müharibəsində rəşadətli Azərbaycan Ordusunun hərb meydanında yazdığı qəhrəmanlıq dastanının yeniyetmə və gənc nəsil arasında təbliğ etməkdir.

Layihə çərçivəsində Azərbaycan, Türkiyə və Gürcüstanda 16-25 yaşlı gənclər arasında rəsm və ya karikatura, videoçarx, fləşmob ssenariləri, esse və gənc jurnalistlər arasında yazı müsabiqələri keçiriləcək.

Bu müsabiqələr ölkəmizin digər regionları kimi, Naxçıvan Muxtar Respublikasında da təşkil olunacaq. Münsiflər heyəti tərəfindən seçilmiş müsabiqə qalibləri diplomlar və qiymətli hədiyyələrlə mükafatlandırılacaqlar.

Müsabiqə qaliblərinin əl işlərinin təqdimatı Azərbaycan üzrə Bakı və Naxçıvanda, Gürcüstan üzrə Tbilisidə, Türkiyə üzrə isə altı bölgədə olacaq. Müsabiqədə iştirak etmək istəyən üç ölkənin gəncləri müsabiqə üzrə əl işlərini şəxsiyyətini təsdiq edən sənədin surətini və əlaqə vasitələrini ölkələr üzrə müvafiq email ünvanlardan (Azərbaycan üzrə musabiqeazerbaycan2021@gmail.com, Gürcüstan üzrə musabiqegurcustan2021@gmail.com və Türkiyə üzrə - musabaka_turkiye2021@hotmail.com) birinə göndərə bilərlər.

Müsabiqə qaliblərinin mükafatlandırılması və təqdimatı noyabrın 1-dən 10-dək mərhələli şəkildə Bakı və Naxçıvanda, Tbilisidə və Türkiyənin altı bölgəsində keçiriləcək.

Rəsm və ya karikatura müsabiqəsi üzrə işlər ağ, qara və yaxud rəngli ola, karandaş və ya boya ilə çəkilə bilər.

Təqdim olunacaq videoçarxın müddəti 3-5 dəqiqə olmalıdır. İştirakçılar videoçarx janrını (videoklip, reportaj, müsahibə və s.) seçməkdə sərbəstdirlər. Hər iştirakçı yalnız bir videoçarx ssenarisi təqdim edə bilər. Müsabiqədə iştirakçının öz duyğu və düşüncələri ilə işlənmiş, orijinal ideyası, ustalığı ilə seçilən işlərə üstünlük veriləcək.

Fləşmobun əhatə müddəti 3-5 dəqiqədən artıq olmamalı, ideya mövzunu əhatə etməlidir. Hər iştirakçı yalnız bir fləşmob ssenarisi təqdim edə bilər.

Esselər 2-5 səhifə həcmində olmalı, “Times New Roman” və ya “Arial” şriftləri ilə 14 ölçüdə olmalıdır. Mətnin həcmi 700 sözdən çox olmamalıdır.

Gənc jurnalistlər arasında yazı müsabiqəsi üçün materiallar nəzərdə tutulan istiqamətləndirici mövzuların dolğun əhatə olunması səviyyəsinə, analitik keyfiyyətə, faktların və məsələlərin düzgün təhlilinə, faktlardan istifadə xüsusiyyətlərinə və araşdırmanın keyfiyyətinə, ifadə vasitələrinin zənginliyinə, oxucu üçün informasiyalılıq dərəcəsinə və qabaqcıl dünya təcrübəsi ilə məzmunlu müqayisənin aparılmasına görə dəyərləndiriləcək.

Yazıların həcmi bir A3 səhifəsi, “Times New Roman” şrifti ilə (12 ölçüdə) 9-11 min işarə həcmində olmalıdır. Yazılar çap və onlayn mediada dərc edilməli və “Qarabağ Zəfəri”nin ildönümünə həsr olunmuş “Zəfərə doğru addımla” layihəsi çərçivəsində keçirilən müsabiqədə iştirak üçün yazıldığı qeyd edilməlidir. Məqalələr orijinal olmalı, yəni, ilk dəfə müsabiqə dövründə mediada (Azərbaycan dilində) yayımlanmalıdır. Jurnalist araşdırmalarına və innovativ ideya təkliflərinə üstünlük veriləcək. Hər kütləvi informasiya vasitəsindən yalnız bir material qəbul ediləcək. Yazı istənilən KİV-də işıqlandırıla bilər. Müsabiqədə iştirak edən şəxslərin məqalələri çap və ya onlayn mediada oktyabrın 5-dən 20-dək yayımlanmalıdır.

Müsabiqəyə təqdim olunan məqalənin dərc olunduğu qəzetin nüsxəsinin skan versiyası, yazının elektron variantı və yayımlandığı saytın linki mütləq e-poçt ünvanına göndərilməlidir.

Müsabiqəyə beş istiqamətdən yalnız bir istiqamət seçilə bilər. Müstəsna hallar olarsa bu məsələyə təşkilat komitəsi tərəfindən baxıla bilər. Müsabiqəyə daha əvvəl yayımlanmış təkrar işlər təqdim oluna bilməz.

Baxış sayı : 219
ATƏT-in Minsk Qrupu Azərbaycan və Ermənistan XİN rəhbərlərinin görüşünü keçirməyə hazırdır 2021-12-04 19:20:58 Ermənistan işğaldan azad olunan digər ərazilərin mina xəritələrini Azərbaycana verib 2021-12-04 16:15:14 QHT Agentliyi 2021-ci il kiçik qrant müsabiqəsini elan etdi 2021-12-03 21:00:20 Hərbi qulluqçumuza hücum edən erməni əsilli şəxs zərərsizləşdirilib 2021-12-03 15:05:30 Azərbaycanın minatəmizləmə fəaliyyətlərinə beynəlxalq ictimaiyyət tərəfindən dəstəyin artırılmasına ehtiyac var 2021-12-03 11:50:35 Agentlik QHT Evlərinin yaradılmasını BMT-nin ölkə əlaqələndiricisi ilə müzakirə etdi 2021-12-03 11:35:49 Xalq şairi Ramiz Rövşənin şeirlər kitabı ingilis dilində 2021-12-03 11:10:30 "Ermənistan silahlı qüvvələrini Azərbaycan ərazilərindən tam çıxarmayıb" 2021-12-03 09:35:40 Ermənistanın Azərbaycana məxsus mədəniyyət ocaqlarında törətdiyi dağıntılarla bağlı Hesabat 2021-12-02 19:00:01 Prezident İlham Əliyev Qrant müsabiqəsi ilə bağlı fərman imzaladı 2021-12-02 18:25:41 "UNESCO-nun azad edilmiş ərazilərə faktaraşdırıcı missiya göndərməsini gözləyirik” 2021-12-02 10:40:42 Bakıda 41 küçəyə Vətən müharibəsi şəhidlərinin adı verilib 2021-12-02 10:10:59 Gələn il 45 milyona yaxın insan aclıqla üzləşə bilər - BMT 2021-12-02 09:45:06 Azərbaycan-İran əlaqələrinin tənzimləməsi ilə bağlı əldə olunan müsbət nəticələr Aşqabad Sammitinin ən maraqlı tərəflərindəndir 2021-12-02 09:20:24 Regionda yaranmış yeni geosiyasi vəziyyət Azərbaycanın gələcək inkişafı üçün yol açır - Səfir 2021-12-02 07:10:36 Nursultan Nazarbayev helikopter qəzasına görə Prezident İlham Əliyevə başsağlığı verib 2021-12-01 18:15:35 Türk Dövlətləri Təşkilatı helikopter qəzası ilə əlaqədar Azərbaycan xalqına başsağlığı verib 2021-12-01 10:30:38 “Qalib sərkərdə” adlı kitab çapdan çıxıb 2021-12-01 09:30:53 Laçına suyun verilməsi təmin edilib 2021-12-01 09:10:30 Laçının işğaldan azad edilməsinin ildönümüdür 2021-12-01 08:30:33 Soçidə imzalanmış bəyanatda Azərbaycanın mövqeyi tam olaraq öz əksini tapdı 2021-12-01 07:15:53 Ermənistanın mina xəritələrini Azərbaycana tam verməməsi ciddi problem yaradır 2021-11-30 19:15:30 Prezident İlham Əliyev helikopter qəzasında həlak olanların ailələrinə başsağlığı verib 2021-11-30 19:10:12 BMT məhkəməsi Azərbaycanın iddiası üzrə Ermənistana qarşı qərarını dekabrın 7-də açıqlayacaq 2021-11-30 10:55:54