2021-07-19 11:05:03 | QHT VƏ MEDİA
Politoloq: Ermənistan sərhəddə təxribatlar törətməklə Azərbaycanı cavab addımları atmağa vadar edir

Son günlər Azərbaycan-Ermənistan sərhədində xoşagəlməz hadisələr baş verir. Ermənistan Azərbaycan torpaqlarını 30 ilə yaxın işğal altında saxlayaraq işğalçılıq siyasəti yürüdüb və indi də bu siyasəti davam etdirir. Qarşı tərəf sərhəddə ajiotaj yaratmaqla dünya dövlətlərinin diqqətini buraya cəlb etmək istəyir.

Fact-info.az-ın məlumatına görə, bunu AZƏRTAC-a açıqlamasında Siyasi və Hüquqi Strateji Araşdırmalar Mərkəzinin rəhbəri, politoloq Xəyal Bəşirov deyib.

Politoloq bildirib ki, Ermənistan ötən 30 ilə yaxın müddətdə artıq keçmişdə qalmış Qarabağ münaqişəsindən öz çirkin məqsədləri üçün istifadə edib. Məqsəd isə dünya ölkələrinin, hətta Şərqlə Qərb, xristian və müsəlman dünyaları arasında gərginliyin yaradılması idi. Azərbaycan dövlətinin yürütdüyü uğurlu siyasət və müdrik diplomatiya nəticəsində bunun qarşısı alındı. Azərbaycan 44 günlük Vətən müharibəsində Ermənistanı diplomatik və siyasi baxımdan təcrid etməyi bacardı. Şanlı Azərbaycan Ordusu düşmənə döyüş meydanında diz çökdürdü. İllərlə kağız üzərində qalan BMT qətnamələri məhz ölkəmiz tərəfindən yerinə yetirildi, ərazi bütövlüyümüz təmin olundu.

Ermənistan rəhbərliyini ən çox narahat və məyus edən məsələnin 30 ilə yaxın müddətdə nə qədər çalışsa da, heç bir ölkənin yüksək vəzifəli rəsmi nümayəndəsini Qarabağa gətirə bilməməsi olduğunu deyən X.Bəşirov vurğulayıb: “Təbii ki, bunun səbəbi Azərbaycanın beynəlxalq nüfuzu və dünya ölkələrinin Ermənistanın işğal altında saxladığı ərazilərin Azərbaycana aid olduğunu qəbul etmələri idi. Ancaq biz ərazilərimizi işğaldan azad etdikdən bir neçə ay sonra regionun və dünyanın aparıcı dövlətlərindən olan, NATO-da böyük nüfuza malik Türkiyənin dövlət başçısını Rəcəb Tayyib Ərdoğanı Şuşaya dəvət etdik. 2021-ci il iyunun 15-də Azərbaycan ilə Türkiyə arasında tarixi Şuşa Bəyannaməsi imzalandı. Ermənistanın çirkin məqsəd güdən səylərinə baxmayaraq, dünya ölkələri bu məsələyə normal münasibət göstərdi”.

Politoloq diqqətə çatdırıb ki, Ermənistan müharibənin başa çatdığı və münaqişənin tarixə qovuşduğu bir vaxtda çirkin niyyətindən və işğalçılıq siyasətindən yenə də əl çəkmir. Ermənistan Azərbaycanın delimitasiya və demarkasiya məsələlərini həyata keçirdiyi zaman prosesə mane olmağa çalışır. Bu ölkə, həmçinin vəziyyəti gərginləşdirməklə və sərhəddə təxribatlar törətməklə Azərbaycanı cavab addımları atmağa vadar edir. Cənubi Qafqaz artıq əvvəlki region deyil. Azərbaycan 44 günlük Vətən müharibəsi ilə regionda yeni reallıqlar yaradıb. Dünya dövlətlərinin, beynəlxalq təşkilatların ortaya qoyduğu iddialara diqqət yetirsək görərik ki, bütün dünya sülhün, təhlükəsizliyin tərəfdarıdır. Belə olan halda, Azərbaycan düşməni işğal edilmiş torpaqlardan öz gücü hesabına çıxarmaqla sülhün və təhlükəsizliyin tərəfdarı olduğunu göstərdi.

“Ermənistana havadarlıq edən qüvvələr, xüsusilə Fransa və ABŞ kimi dövlətlər, əslində, Azərbaycanın ortaya qoyduğu reallıqlarla barışmaq və dəstək vermək əvəzinə, regionda vəziyyətin yenidən gərginləşməsinə maraq göstərirlər. Ermənistanı idarə edən şəxslər, xüsusilə seçkilərdən sonrakı hakimiyyət anlamalıdır ki, onlar üçün sülh müqaviləsinin imzalanmasından başqa çıxış yolu yoxdur. Ermənistan hakimiyyəti isə sülh müqaviləsi bağlamaq əvəzinə, Naxçıvanı və Şuşanı atəşə tutur, təxribatçı hərəkətlərə yol verir. Belə olan təqdirdə, Azərbaycan təhlükəsizliyi nöqteyi-nəzərindən antiterror əməliyyatı keçirməyə məcburdur və bu barədə qarşı tərəfə dəfələrlə bildirilib. Genişmiqyaslı antiterror əməliyyatı keçirilərsə, bu, Ermənistan dövlətinin apardığı siyasətin ifşası ilə nəticələnəcək”, - deyə X.Bəşirov vurğulayıb.

Politoloq vurğulayıb ki, Azərbaycan beynəlxalq hüquq çərçivəsindən çıxış edərək 44 günlük Vətən müharibəsi ilə ərazi bütövlüyünü bərpa etdi. Ölkəmiz yenə də beynəlxalq hüquqa əsaslanaraq, öz hüquqlarını tam təmin edəcək və tutduğu haqq yolunda inamla irəliləyəcək.

Baxış sayı : 71
Cəbrayılın Sofulu kəndi - VİDEO 2021-07-24 17:25:41 İşğaldan azad olunan əraziləri görəndə çox təsirləndik - Fransalı deputat 2021-07-24 08:30:01 "Ermənistanın bölgədəki vəziyyəti gərginləşdirmək cəhdləri qəbuledilməzdir" 2021-07-24 07:55:49 Cavid Qurbanov: "İşğaldan azad olunan ərazilərdə dəmiryol infrastrukturunun yaradılması istiqamətində sürətli işlər aparılır" 2021-07-24 07:25:16 Fransa Milli Assambleyasının üzvləri Ağdama səfər edib 2021-07-23 15:30:06 Nəzirməmməd Zöhrablının “İgid ömrü” kitabı çapdan çıxıb 2021-07-23 15:10:17 Jerom Lamber: Qarabağ müharibəsinin əsas səbəblərindən biri Minsk qrupunun diplomatik uğursuzluğudur 2021-07-23 11:05:13 Üçtərəfli bəyanatın prinsiplərinə sadiqlik regionda sülh və sabitliyin təminatıdır - Rusiyalı politoloq 2021-07-23 10:25:12 “Leyli və Məcnun” kitabının təqdimatı Ukrayna mətbuatında 2021-07-23 09:05:11 Kəlbəcərin Bəzirxana kəndinin görüntüləri - Video 2021-07-23 07:30:05 Prezident İlham Əliyev: Bizim Zəfərimiz Ermənistanın bütün ideoloji sütunlarını darmadağın edib 2021-07-22 21:05:45 Azərbaycan Respublikası “Beynəlmiləlçi Əlil Döyüşçülər” Fondu Milli Mətbuat günü münasibətilə təbrik edir 2021-07-22 16:00:47 Bakıda Polad Həşimov parkı istifadəyə verildi 2021-07-22 10:35:13 Dövlət sərhədinin delimitasiyası və demarkasiyası prioritet məsələdir 2021-07-22 09:50:53 Könül Nurullayeva: Moskva görüşündə bir daha aydın oldu ki, Azərbaycan və Rusiya 10 noyabr bəyanatının icrası ilə bağlı vahid mövqedən çıxış edir 2021-07-22 09:45:56 Xocavənd rayonu ərazisində yeni hərbi hissələrin açılışı olub 2021-07-22 08:00:53 “Yoluxmanın artması ciddi və təxirəsalınmaz tədbirlərin görülməsini tələb edir” 2021-07-22 07:20:42 Bir qrup media nümayəndəsi mükafatlandırılıb 2021-07-21 21:20:58 Media və iqtisadi faktor 2021-07-21 20:05:12 Azərbaycan əsilli alman polisi kitab yazıb 2021-07-21 10:05:43 Ermənistan rəhbərliyi Cənubi Qafqazda silahlı toqquşmanı təşviq etdiyi üçün məsuliyyətə cəlb olunmalıdır - Piter Teys 2021-07-21 09:05:47 Qurban bayramı Şuşa şəhərində təntənə ilə qeyd olunub 2021-07-21 09:00:26 Prezidentlər arasında Qarabağ müzakirəsi 2021-07-20 22:10:12 Makron elektoral simpatiyanın artması naminə istənilən şəkildə "erməni" kartını işə salacaq - Oleq Kuznetsov 2021-07-20 09:25:31