2021-05-09 09:35:05 | MÜSAHİBƏ
Dmitri Savelyev: Əminəm ki, Azərbaycan xalqının əməksevərliyi Ağdamı ən qısa müddətdə dirçəltməyə imkan verəcək

Rusiya Federasiyası Dövlət Dumasının deputatı, Rusiya-Azərbaycan parlamentlərarası dostluq qrupunun rəhbəri Dmitri Savelyev AZƏRTAC-a eksklüziv müsahibəsində dağıdılmış Ağdama səfərindən söhbət açıb. Fact-info.az həmin müsahibəni təqdim edir.

-Mayın əvvəlində rusiyalı deputatlardan və ictimai xadimlərdən ibarət nümayəndə heyəti bu yaxınlarda işğaldan azad edilən Ağdama səfər edib. 30 il işğal altında qalan şəhərin vəziyyəti hər kəsi hiddətləndirib. Sizcə, nümayəndə heyətinin bütün üzvləri arasında belə fikir həmrəyliyinə səbəb nədir?

-Ağdamdan qalanları hətta fotoşəkillərdə görən istənilən adam əsl sarsıntı yaşayar. Bilavasitə təəssürat isə daha dərindir. Ağdam bu gün özündə müharibənin bütün dəhşətlərini təcəssüm etdirir. Bu, 40 min əhalisi olan şəhərin cansız daş yığınına çevrilməsinin canlı sübutudur. Bizim burada gördüklərimiz şəhərin planauyğun şəkildə total məhv edilməsinin nəticəsidir. Əgər Ağdamın Qarabağın düzəngah hissəsində yerləşməsini və münaqişənin mərkəzinə çevrilən Dağlıq Qarabağın tərkibinə heç vaxt daxil olmamasını yada salsaq, o halda şəhərin indiki vəziyyətini müharibə əməliyyatları zamanı baş verən dağıntılarla izah etmək mümkün deyil. Bu, onun nəticəsidir ki, işğalçı ordu Azərbaycan torpağında olan hər şeyi məqsədyönlü şəkildə məhv edib.

- Ermənistan Ağdamı işğal etdikdən sonra BMT-nin Təhlükəsizlik Şurası 853 nömrəli qətnamə qəbul edib. Həmin qətnamədə şəhərin işğalı pislənilir və münaqişədə iştirak edən işğalçı qüvvələrin Ağdam rayonundan çıxarılması tələb olunur. Lakin digər qətnamələr kimi, bu qətnaməyə də Ermənistan rəhbərliyi tərəfindən məhəl qoyulmadı. Halbuki erməni tərəfdən qondarma “Dağlıq Qarabağ respublikası”nın müstəqilliyinin tanınması kimi tamamilə qəbuledilməz şərt müqabilində Ağdamın Azərbaycana qaytarılması təklifi səslənmişdi. Siz şəhərin vəziyyətini nəzərə alaraq, bu faktı necə qiymətləndirirsiniz?

-Bu bəyanatın riyakarlığının sadəcə həddi-hüdudu yoxdur: mahiyyətcə, orada qaytarılası artıq heç nə qalmayıb, şəhərdə bircə dənə də olsa salamat bina qalmayıb. Bundan başqa, qədim memarlıq və mədəniyyət abidələri məhv edilib və ya ciddi xəsarət alıb, keçmiş Sovet İttifaqında yeganə olan Çörək Muzeyinin unikal kolleksiyası itirilib, hətta qəbirlər təhqir olunub. Azərbaycanın şərq hissəsində yerləşən, əvvəllər mədəniyyət, turizm, logistika mərkəzi olan, intensiv inkişaf edən şəhərə dəyən böyük ziyanı təsəvvür etmək çox çətindir. Hər şey yerlə-yeksan edilib! Halbuki Ağdam rayonunun ərazisində 17 sənaye və 12 nəqliyyat müəssisəsi uğurla fəaliyyət göstərirdi... Dağ yerləri üçün münasib olan minik atlarının qədim cinsinə aid edilən Qarabağ atlarının yetişdirilməsi ilə məşğul olan Ağdam Atçılıq zavodunun da praktik olaraq bütün nailiyyətləri məhv edilib. Ağdamın 30 illik işğalı həm Azərbaycanın mədəni irsinə, həm də kənd təsərrüfatına vurulan bərpa olunmayan ziyandır. Sahibsiz qaldığı dövrdə həmin yerlərin nəyə çevrilməsini görmək çox kədərləndiricidir. İşğalçılar şəhəri 30 il özününkü hesab ediblər. Nəticə budurmu? Yalnız dağıntılar. Xəstəxana, doğum evi, teatr... yerlə-yeksan edilib. Saymaqla bitən deyil.

-Ermənistanın minalanmış ərazilərin xəritəsini təqdim etməkdən hələ də boyun qaçırması faktını necə izah edərdiniz?

-Qarabağ münaqişəsində Azərbaycanın zərər çəkən tərəf olmasına baxmayaraq, o, münaqişəni həmişə beynəlxalq hüquq çərçivəsində sülh yolu ilə həll etməyə çalışıb. Lakin Azərbaycanın bütün konstruktiv təşəbbüsləri rəsmi Ermənistan tərəfindən maneələrlə qarşılanıb. Mən indi də Ermənistan rəhbərliyinin öz əməllərinin nəticələrinin aradan qaldırılmasına hazır olmalarının xeyrinə real addımlarını görmürəm.

Ermənistanın minalanmış ərazilərin xəritəsini təqdim etməkdən hələ də boyun qaçırması faktı zənnimcə, işğaldan azad edilmiş ərazilərə azərbaycanlıların qayıtması prosesini maksimum ləngitmək üçün atılan, olduqca düşünülməmiş cəhddir. İndi, hərbi əməliyyatların dayandırıldığı bir vaxtda müharibənin əks-sədası gəlməkdə davam edir: basdırılan minalara həm dinc sakinlər, həm də başı çox bəlalar çəkən bu torpaqda sülhə zamin olan rusiyalı sülhməramlılar da düşərək partlayır. İnsanlar əziyyət çəkir, Ermənistan rəhbərliyi isə siyasi oyunlar oynamaqda davam edir. Qeyd etmək istəyirəm ki, Ermənistan xalqı 30 il iqtisadi blokadadan əziyyət çəkib. Ölkə bu vəziyyətə onun rəhbərliyinin hərəkətləri ucbatından düşüb. Hazırda Ermənistanda həyat səviyyəsi acınacaqlıdır, sağlam düşüncənin ziddinə gedən hakimiyyət orqanları ölkənin inkişaf perspektivlərinə maneçilik törədirlər.

-Siz Ağdamın gələcəyini necə görürsünüz?

-Ağdamın coğrafi mövqeyi və əlverişli iqlimi onun böyük potensialını səfərbər etmək üçün hər cür şans verir. Əlbəttə, 30 ildən sonra hətta sıfırdan da aşağı səviyyədən başlamaq olduqca çətindir. Lakin mən əminəm ki, Azərbaycan xalqının əməksevərliyi vaxtilə gözəl şəhər olan Ağdamı ən qısa müddətdə dirçəltməyə imkan verəcək. Qaçqınlar doğma yurdlarına qayıda biləcək və gözəl nar bağları yenidən göz oxşayıb, qəlbləri sevindirəcək.

Baxış sayı : 1298
Zəngilanın Sarılı Xəştab kəndi - VİDEO 2021-06-21 08:50:01 Azərbaycanlı şərqşünasın Zəngəzur dəhlizi haqqında məqaləsi ərəb KİV-lərində dərc olunub 2021-06-21 08:20:08 Ermənistanda seçki pozuntuları barədə prokurorluqdan açıqlama 2021-06-21 07:55:47 İsraildə Ermənistanın müharibə cinayətləri əleyhinə aksiya keçirilib 2021-06-21 07:55:07 Ermənistan düşmənçilik münasibətlərindən əl çəkməli və qonşularla yaxşı münasibət qurmağa başlamalıdır - Türkiyə XİN 2021-06-21 06:50:29 Azad edilmiş ərazilərdə aeroportların tikintisi üçün idxal olunan bəzi mallar gömrük rüsumundan azad edilib 2021-06-20 10:40:35 Şuşa Bəyannaməsi Azərbaycan və türk diasporlarının birgə fəaliyyəti üçün ciddi hüquqi əsaslar yaradıb - Fuad Muradov 2021-06-20 08:50:44 Yeni Zəngəzur Dəhlizi regional inkişaf fürsətlərini ortaya çıxaracaq 2021-06-20 07:45:17 Milli Qəhrəmanımızın məzarı ziyarət olundu 2021-06-19 20:45:51 Azərbaycan Prezidentinin köməkçisi Antalya Diplomatiya Forumu çərçivəsində keçirilən paneldə çıxış edib 2021-06-19 11:25:19 Gürcü ekspert: Türkiyə Prezidentinin Şuşaya səfəri regionda yaranmış yeni reallıqların göstəricisidir 2021-06-19 08:10:32 Leyla Abdullayeva beynəlxalq insan hüquqları təşkilatlarına çağırış edib 2021-06-19 07:30:24 Ermənistanın təcavüzü nəticəsində dəymiş ziyanın aradan qaldırılması məsələləri müzakirə edilib 2021-06-18 21:25:41 Azərbaycan-Rusiya xalqlarının dostluq əlaqələri möhkəmlənir 2021-06-18 21:10:30 Nüvədi kəndinin sakinləri dünya birliyinə müraciət ediblər 2021-06-18 14:15:57 “Səhnədən səngərə” layihəsi şəhid Zamin Rəhimov haqqındadır 2021-06-18 09:40:52 Ukraynalı hərbi jurnalist: Mülki şəxslərin mina partlayışı nəticəsində həlak olmasının məsuliyyəti Ermənistan üzərinə düşür 2021-06-18 09:35:17 Siyasi ekspert: Şuşa Bəyannaməsi Robert Köçəryanın təxribatçı çıxışlarına öldürücü zərbədir 2021-06-18 08:55:15 Ermənistanın mina xəritələrini verməsi üçün beynəlxalq ictimaiyyətə çağırış edilib 2021-06-18 07:40:22 Ermənistan çətin durumda: Yeni reallıqlar beynəlxalq güclər tərəfindən qəbul edilir 2021-06-18 07:35:18 Ana dilimizin tədqiqinə töhfə 2021-06-17 18:15:50 Regionda təhlükəsizliyi təmin etmək üçün yeni güc platformasının yaranması zəruri idi- Əkrəm Bəydəmirli 2021-06-17 10:15:40 Heydər Əliyev Fondu “Qarabağın mədəni irsi” nəşrini təqdim edib 2021-06-17 10:00:49 “Cənubi Qafqazda uzunmüddətli sülh istiqamətində işləməkdə qətiyyətliyik” 2021-06-17 09:15:42