2015-12-15 09:15:07 | AKTUAL
Tatyana Borzova: Ermənistan “Kim erməni deyilsə ərazilərimizi tərk etsin!” siyasətini yürüdür

Ermənistan hələ sovet dövründə digər millətləri öz ərazisindən sıxışdırıb çıxaran və ya özünə tabe edən mono respublika idi. İndi isə vəziyyət daha da acınacaqlıdır

Son 10 il ərzində Ermənistandan köçənlərin 64 faizi rusdilli əhalidir. Bundan başqa, Ermənistanda əsrlərlə yaşayan azərbaycanlılar, gürcülər, belaruslar, ukraynalılar da bu ölkəni tərk etmək məcburiyyətində qalıblar. Bu gün Ermənistan “Kim erməni deyilsə, zəhmət çəkib bizim əraziləri tərk etsin!” siyasətini yürüdür.

Bu fikirləri Rusiyanın “İnterfaks” agentliyində “MDB və Baltikyanı ölkələrdə rusdilli vətəndaşların vəziyyətinin öyrənilməsi” mövzusunda keçirilən mətbuat konfransında Avrasiya Strateji Tədqiqatlar İnstitutunun eksperti Tatyana Borzova deyib. Ekspert qeyd edib ki, Azərbaycanın işğal altında olan Dağlıq Qarabağ bölgəsindən rusdilli əhali kütləvi şəkildə köçür. İnstitutun Dağlıq Qarabağdakı rusdilli icma ilə telefon vasitəsilə apardığı sorğunun nəticələri göstərib ki, son bir ildə bu bölgəni min rusdilli ailə tərk edib.

Avrasiya Strateji Tədqiqatlar İnstitutunun “NGO Acceptare” qeyri-hökumət təşkilatı ilə birlikdə apardığı tədqiqatın nəticələrinə görə, MDB ölkələrində rusdilli əhaliyə münasibət Azərbaycanda daha ürəkaçandır. Azərbaycanda rus dilində orta və ali təhsil almaqla yanaşı, rusdilli əhali bütün dövlət və qeyri-dövlət strukturlarında işlə təmin oluna bilir, rus icmasının nümayəndəsi parlamentdə təmsil olunur. T.Borzova deyib: “Azərbaycana səfərim zamanı Bakı Slavyan Universitetində oldum. Bu ali məktəbin mütəxəssisləri bizi ölkənin digər bölgələrinə səfərlərdə də müşayiət edirdilər. Heydər Əliyev Beynəlxalq Aeroportundan tutmuş ən ucqar bölgələrədək heç yerdə rus dilində ünsiyyət bizim üçün maneə yaratmırdı. Rusdilli əhaliyə bu cür münasibətə görə Azərbaycana minnətdarıq”. Tədqiqat çərçivəsində aparılan sorğunun “Fikrinizcə, yaşadığınız ölkədə rusdilli əhalinin hüquqlarının pozulması üçün hansı səbəblər ola bilər” sualına Azərbaycanda dini əqidə səbəbini heç kim misal gətirməyib. Halbuki dini baxımdan Rusiyaya yaxın Ermənistanda rəyi soruşulan rusdilli əhalinin 3,27 faizi dini əqidəsinə görə hüquqlarının pozulmasından şikayət edib.

Ermənistana səfərindən danışan T.Borzova vurğulayıb ki, rusdilli mətbuatda yazılanlarla Ermənistandakı vəziyyət arasında böyük fərq var. O deyib: “Mən Ermənistanda sovet dövründə də olmuşam. Ancaq budəfəki səfərim məni şok vəziyyətinə saldı. Hətta Amerikada belə mənə yolu göstərə biləcək rusdilli yerli sakin tapmaq çətin deyildi. Ermənistanda bununla bağlı çox böyük problemlərim oldu. Bu ölkədə rus dilində danışan qonağa olduqca pis münasibətlə rastlaşdım”.

Mətbuat konfransının digər iştirakçısı, “NGO Acceptare” qeyri-hökumət təşkilatının prezidenti Viktoriya Pavlenko deyib ki, Azərbaycanda qanunvericiliyə görə, rusdilli əhalinin rus dilində informasiya almaq, təhsil almaq hüququ var. Azərbaycanda qanunvericiliklə faktiki vəziyyət arasında tam uyğunluq müşahidə olunur.

Tədqiqatın nəticələrindən məlum olur ki, Ermənistan təhsil müəssisələrində rus dili hətta fakültativ səviyyədə belə öyrənilmir. V.Pavlenko deyib: “Ermənistanda rus dilində təhsilin səviyyəsinin getdikcə aşağı düşməsi həm də onunla əlaqədardır ki, bu ölkədə rus dilində təhsil alan əhali, demək olar qalmayıb. Bütün bunlar Ermənistanın tamamilə monomilli dövlətə çevrilməsi istiqamətində atılan addımlardır. Rusdilli əhalinin ölkədən köçməsi baxımından Ermənistan MDB respublikaları arasında birinci yeri tutur ”(AZƏRTAC)

 

 

Baxış sayı : 1550
Şuşaya səfər edənlər bu qaydalara riayət etməlidir 2022-01-24 20:50:31 Ağdam istiqamətində müntəzəm avtobus marşrutları fəaliyyətə başlayır 2022-01-24 13:45:14 “Azərbaycan xalqının hüzn və şərəf günü – 20 Yanvar” videoçarxı xarici KİV-də 2022-01-24 10:15:15 Azad edilən ərazilərdə daha 67 hektar ərazi minalardan təmizlənib 2022-01-24 10:35:07 Azad edilmiş ərazilərə reinteqrasiya ilə bağlı qanun layihəsi hazırlanacaq 2022-01-24 09:30:21 Zəngəzur dəhlizi vasitəsilə iqtisadi və strateji üstünlük reallaşacaq - Türkiyəli ekspert 2022-01-24 09:15:57 Fransada müəyyən siyasi dairələr heç bir halda postmüharibə dövrünün reallıqlarını qəbul etmək istəmirlər 2022-01-24 08:10:13 Şəhidlərin xatirəsinə həsr olunmuş anım mərasimləri keçirilib 2022-01-23 18:20:58 Ərdoğan Türkiyədə 3+3 formatında görüşü planlaşdırdığını açıqlayıb 2022-01-23 17:05:09 “Azıx mağarası” adlı videoçarx hazırlanıb 2022-01-22 10:30:27 Azad olunmuş ərazilərin qış turizm potensialı genişdir 2022-01-22 10:10:54 Şəhid və şəhid ailəsi statusunun verilməsi qaydası dəyişir 2022-01-22 09:50:46 QHT Agentliyi 2021-ci ilin hesabatını dövlət başçısına təqdim edəcək 2022-01-21 21:30:56 Silahlı Qüvvələrlə bağlı qanunvericilik dəyişdirilir 2022-01-21 21:40:04 Azərbaycan yeni strateji inkişaf mərhələsinə qədəm qoyub 2022-01-21 11:10:41 Dünyada inflyasiya sürətlənir: Azərbaycan hansı addımları atır? 2022-01-21 10:35:51 Vaşinqtonda 20 Yanvar faciəsi anılıb 2022-01-21 09:55:32 Əcnəbi media 20 Yanvar faciəsi barədə yazıb 2022-01-21 09:15:54 Kəlbəcərdə yeni hərbi obyektlər istifadəyə verilib 2022-01-21 09:05:32 ABŞ səfirliyi 20 yanvar faciəsi ilə bağlı paylaşım edib 2022-01-20 14:20:58 Ermənistan regionda yaranmış yeni geosiyasi reallıqları düzgün qiymətləndirməlidir - Hikmət Hacıyev 2022-01-20 09:45:11 Prezident İlham Əliyev və Birinci xanım Mehriban Əliyeva 20 Yanvar faciəsinin ildönümü ilə əlaqədar Şəhidlər xiyabanını ziyarət ediblər 2022-01-20 09:30:04 Birinci vitse-prezident Mehriban Əliyeva 20 Yanvar faciəsinin 32-ci ildönümü ilə bağlı paylaşım edib 2022-01-20 09:15:25 Prezident İlham Əliyev 20 Yanvar faciəsi ilə bağlı paylaşım edib 2022-01-20 08:00:25