Fact-info.az  Modern.az saytına  istinadən  xəbər verir ki, bunu Rusiyanın xarici işlər naziri Sergey Lavrov bu gün İrəvanda jurnalistlərə açıqlamasında bildirib. S.Lavrov Dağlıq Qarabağ münaqişəsi tərəflərinin nizamlanmanın qarşılıqlı faydalı konsensus əsaslarının hazırlanması üzrə səyləri davam etdirməsinin vacibliyinə əmin olduğunu bildirib.

ATƏT-in Minsk qrupunun amerikalı həmsədri Ceyms Uorlik isə bildirib ki, diplomatiyada Qarabağ münaqişəsinin həllinin alternativi yoxdur: “Həmsədrlər və tərəflərin iştirakı ilə danışıqların aparılmaması münaqişənin hərbi yolla həlli təhlükəsini artırır. ATƏT-in monitorinq qrupu və həmsədrlərin təmas xəttində olarkən baş verən hadisə qəbuledilməzdir. Atəşin hansı tərəfdən açıldığını müəyyən etmək mümkün deyil. Amma bu, danışıqlar prosesini pozmaq üçün qəsdən edilib. ATƏT müşahidəçiləri təmas xəttində təhlükəsizliyi və stabilliyi təmin edərək mühüm funksiyanı yerinə yetirirlər. Heç bir şey onların təhlükəsizliyini təhdid etməməlidir".