FACT-INFO.AZ » SİYASƏT » AŞPA-da Dilqəm Əsgərovun və Şahbaz Quliyevin azad olunması üçün Ermənistana təzyiq göstərməyə çağrılıb
3-07-2017, 07:00 | SİYASƏT
AŞPA-da Dilqəm Əsgərovun və Şahbaz Quliyevin azad olunması üçün Ermənistana təzyiq göstərməyə çağrılıb

Avropa Şurası Parlament Assambleyasının (AŞPA) yay sessiyasının iyunun 30-da keçirilən plenar iclasında sərbəst müzakirələrdə Azərbaycan nümayəndə heyətinin üzvü Qənirə Paşayeva çıxış edərək Dilqəm Əsgərovun və Şahbaz Quliyevin hələ də erməni girovluğundan azad edilməməsi məsələsini diqqətə çatdırıb. O, AŞPA-nı onların azad olunması istiqamətində səylərini artırmağa çağırıb. Deputat Azərbaycan dövlətinin səylərinə, Avropa Şurasının baş katibi Torbyorn Yaqlandın açıqlamalarına baxmayaraq, hər iki azərbaycanlı girovun azadlığa buraxılması istiqamətində heç bir müsbət irəliləyişin olmadığını təəssüflə qeyd edib. Bildirib ki, Ermənistan dövləti azərbaycanlı Dilqəm Əsgərovu və Şahbaz Quliyevi girov saxlamaqda davam edir. Onlara zülm edilir, əziyyət verilir və səhhətləri çox ağır vəziyyətdədir. Onların heç bir günahı yoxdur, onlar sadəcə öz evlərini, ailə üzvlərinin, yaxınlarının məzarlarını ziyarət etməyə gedirdilər. Amma Ermənistan dövləti aylardır ki, bu insanlara zülm edir.

Milli Məclisin deputatı Dilqəm Əsgərovun və Şahbaz Quliyevin ailəsi və yaxınlarının onların qısa zamanda azad edilməsi üçün Avropa Şurasından daha böyük səylər gözlədiyini qeyd edərək, Assambleya üzvlərini bu insanlıqdan kənar, qeyri-qanunu əməllərə son qoymaq üçün Ermənistan dövlətinə ciddi etiraz etməyə, təzyiq göstərməyə çağırıb.

“AŞPA-dan bu girovların azad olunması üçün ciddi dəstək gözləyirik. Ermənistan AŞPA-nın qəbul etdiyi və bu ölkəni işğal etdiyi Azərbaycan torpaqlarını geri qaytarmağa çağıran qətnamənin həyata keçirilməsi istiqamətində heç bir addım atmayıb. Ermənistan bir neçə ay əvvəl Sərsəng su anbarı ətrafında müzakirələr zamanı qəbul edilmiş qətnamənin həyata keçirilməsi istiqamətində də heç bir iş görmür”, - deyə Q.Paşayeva qeyd edib.

Deputat bildirib ki, AŞPA-da qəbul olunan bu qətnamələrə Ermənistan tərəfindən məhəl qoyulmaması bölgədəki gərginliyi daha da artırır. Bölgədəki gərginliyin azalması üçün AŞPA-nın qəbul etdiyi qərarların həyata keçirilməsi istiqamətində Ermənistana təzyiq göstərmək lazımdır.

“Ermənistanın işğal etdiyi Azərbaycan torpaqlarından çıxmasını tələb edən 1416 saylı qətnamə bu Assambleyada qəbul olunmayıbmı? Qətnaməni sizlər qəbul etmədinizmi? Sizin 1416 saylı qətnamə nə üçün həyata keçirilmir? Siz Ermənistandan bu qərarların həyata keçirilməsini tələb etməlisiniz. Qəbul etdiyiniz qərarlara məhəl qoymurlarsa təzyiq göstərməlisiniz. AŞPA nə üçün Azərbaycan torpaqlarının 20 faizini 25 ildir işğal altında saxlayan, Assambleyanın işğal edilmiş torpaqlardan geri çəkilməsinə dair qətnaməsinə əməl etməyən Ermənistanın buradakı nümayəndə heyətinin səsvermə haqqının alınması ilə bağlı məsələni müzakirə etmir? 25 ildir öz evlərinə dönə bilməyən bir milyon azərbaycanlı qaçqın və məcburi köçkün sizdən sadəcə aldığınız qərarların, qəbul etdiyiniz qətnamələrin həyata keçirilməsi üçün Ermənistana təzyiq göstərmənizi gözləyir, sizi buna çağırır və bu istiqamətdə qısa zamanda ciddi addımlar atmağa çağırır”, - deyə Azərbaycan nümayəndə heyətinin üzvü AŞPA-nı ədalətə çağırıb.

Deputat diqqətə çatdırıb ki, Avropa Şurasının sərhədləri yaxınlığında artan gərginliklər, müharibə və münaqişə ocaqları hamını ciddi narahat etməlidir. Assambleya mədəniyyətlər, dinlərarası müstəvidə gərginliklərin surətlə artmasından ciddi narahat olmalı, bu gərginliklərin gələcəkdə böyük faciələrə səbəb ola biləcəyini, Avropanın və bütün dünyanın gələcəyi üçün böyük təhlükələr yaradacağını unutmamalıdır. Bunun qarşısını almağın yolu isə ikili standartlara yol vermədən birlikdə daha çox çalışmaqdır. O, mədəniyyətlərarası, dinlərarası dialoqun, multikulturalizmin genişlənməsi mövzusunun Assambleyanın gündəliyində olmasının vacibliyini vurğulayıb. Həmişə bu məsələyə böyük önəm verən Azərbaycanda 2016-cı ilin “Multikulturalizm İli” elan edildiyini və bir sıra ölkədaxili tədbirlərlə yanaşı, il ərzində beynəlxalq aləmin diqqətini bu mövzuya daha çox çəkmək üçün beynəlxalq səviyyəli konfrans, forum və tədbirlər keçirildiyini bildirib. Qeyd edib ki, 2017-ci ildə ölkəmizdə bu istiqamətdə çoxlu sayda yerli və beynəlxalq tədbir keçirilib, bütün beynəlxalq təşkilatların iştirakı ilə Azərbaycanda bu mövzu diqqət mərkəzində olub. Azərbaycan bu sahədə dünyada örnək ölkələrdən biridir.

Q.Paşayeva deyib ki, müasir dünyada tolerantlıq və multikulturalizmə heç bir alternativ yoxdur. Avropa Şurasına üzv ölkələrdə bu məsələ daim nəzarət altında saxlanılmalıdır. Harada baş verməsindən asılı olmayaraq, mənfi meyillərin qarşısının alınması istiqamətində, ayrı-seçkiliyə qarşı mübarizədə ümumi səylər gücləndirilməlidir. Bütün üzv ölkələrdə multikulturalizmin əhəmiyyəti ilə bağlı daha çox işlərin görülməsinə və Assambleyada bu istiqamətdə daha çox müzakirələr aparılmasına böyük ehtiyac var. Avropada islamofobiyanın, antisemitizmin artması hamımızı ciddi narahat etməlidir və buna qarşı birgə mübarizəmizi gücləndirməliyik. Əgər dünyanı bir insan olaraq təsəvvür etsək o, indi çox ağır xəstədir, onu ancaq birlikdə xilas edə bilərik. Gələcək nəsillər üçün bu vacib missiyanı yerinə yetirməliyik.

 

 

 




Baxış sayı: 1 536
Azərbaycan Avropanın enerji təhlükəsizliyinə və inkişaf gündəliyinə töhfə verən mühüm tərəfdaşdır Dünən, 17:00 “The Wall Street Journal”: İran müharibəyə rəğmən 2500-ə qədər raketə malikdir Dünən, 17:00 Prezident İlham Əliyev Mahmud Abbası təbrik edib Dünən, 16:30 “Keçmişdən sabaha yol kəlağayı” kitabı oxuculara təqdim olunub Dünən, 13:30 Yol polisi küləkli hava şəraiti ilə bağlı sürücülərə müraciət edib 14-11-2026, 18:00 Azərbaycan–Birləşmiş Krallıq əlaqələri: Etibarlı münasibətlərdən strateji tərəfdaşlığa 14-11-2026, 16:30 “Sabirin sözü, zamanın gözü” kitabının təqdimatı reallaşıb 14-11-2026, 16:30 Tələbələrin fotolarını süni intellektlə montaj edərək hədə-qorxu ilə pul tələb edən şəxs saxlanılıb 13-11-2026, 19:30 COP31-də növbəti tematik gün maliyyə və ticarət məsələlərinə həsr olunub 13-11-2026, 14:30 Media və Yayım Şurası açıqlama yayıb 13-11-2026, 14:30 Azərbaycan Prezidenti İlham Əliyev Dublində Böyük Britaniyanın Baş naziri ilə görüşüb 13-11-2026, 12:30 Qarabağ təbiətinin şəfa mənbəyi 13-11-2026, 11:30 Baş prokuror Binəqədi rayonunda vətəndaşların müraciətlərini dinləyəcək 13-11-2026, 11:30 Bakıda “Eternity-2026” təliminin açılışı olub 13-11-2026, 11:30 Prezident İlham Əliyev “Avropa Siyasi Birliyi”nin 9-cu Zirvə Toplantısı çərçivəsində dəyirmi masada iştirak edib 13-11-2026, 09:30 Bir əsrin işığında türkologiya 12-11-2026, 19:00 “Azercell” Gəncə və Xankəndidə 100 müəllimin süni intellekt bacarıqlarını inkişaf etdirib 12-11-2026, 18:30 12 noyabr – Konstitusiya Günü 12-11-2026, 18:30 Prezident İlham Əliyev “Avropa Siyasi Birliyi”nin 9-cu Zirvə Toplantısının açılış plenar sessiyasında iştirak edib 12-11-2026, 18:30 Prezident İlham Əliyev Dublində Volodimir Zelenski ilə görüşüb 12-11-2026, 16:00 Qərbi Azərbaycana həsr olunmuş kitab əcnəbi dildə nəşr edilib 12-11-2026, 11:00 Azərbaycanın təşəbbüsü ilə irəli sürülmüş itkin düşmüş şəxslərlə bağlı qətnamə BMT-nin Komitəsində qəbul edilib 12-11-2026, 10:00 “IRS-Naslediye” jurnalının yeni nömrəsi işıq üzü görüb 12-11-2026, 10:00 Birinci vitse-prezident Mehriban Əliyeva Konstitusiya Günü ilə bağlı paylaşım edib 12-11-2026, 09:30 G7 ölkələrinin XİN rəhbərləri Ukraynaya uzaqmənzilli silahların tədarükünü müzakirə ediblər 12-11-2026, 09:30 Mədəni və yaradıcı sənaye sahəsində qrant müsabiqəsi elan edilib 11-11-2026, 21:00 "Rəqəmsal Media Ayı" çərçivəsində növbəti təlim proqramına başlanılıb 11-11-2026, 18:00 İrəvandakı tarixi Göy məsciddə müsəlman dini mərasimi ilə bir araya sığmayan tədbirin keçirilməsi vandalizmdir - QMİ 11-11-2026, 16:30 Prezident İlham Əliyev və birinci xanım Mehriban Əliyeva COP31-in Liderlər Sammitində iştirak ediblər 11-11-2026, 16:00 Xəzərin səviyyə tərəddüdləri və Günəş fəallığı, yeni tədqiqatlar 11-11-2026, 14:30
Köşə yazarları
Təqvim
«    Noyabr 2026    »
BeÇaÇCaCŞB
 1
2345678
9101112131415
16171819202122
23242526272829
30