IV Ümumdünya Mədəniyyətlərarası Daloq Forumu çərçivəsində “Ərzaq təhlükəsizliyi və dayanaqlı cəmiyyət naminə mədəniyyətlərarası  dialoq: Davamlı inkişaf və sülhün təmin olunması üçün əsas elementlər” adlı plenar sessiyası  maraqlı çıxışlarla yadda qaldı.

Həmin toplantı çıxış edən Heydər Əliyev Fondunun vitse-prezidenti, BMT-nin Ərzaq və Kənd Təsərrüfatı Təşkilatının Xoşməramlı səfiri Leyla Əliyeva bildirib ki, mədəniyyətlərarası dialoq dünyada sülh və çiçəklənmə üçün vacib şərtdir. O qeyd edib ki, Azərbaycan əsrlər boyu  müxtəlif dillərin, sivilizasiyaların qovuşduğu məkan olub: “Tarix boyu Azərbaycandakı müxtəlif xalqlar istər müsəlmanlar, istər xristianlar, istərsə də yəhudilər sülh şəraitində yaşayıb. Heç kim bunu mədəniyyətlərarası dialoq kimi görməyib və adlandırmayıb. Bu kimi əlaqələr gündəlik həyatın bir hissəsi olub”.

L. Əliyeva qeyd edib ki,  bu plenar sessiyada iştirak etməkdən məmnundur: “Bu günkü  mövzu ətraf mühit carçısı və FAO-nun xoşməramlı səfiri kimi əhəmiyyətlidir. Ərzaq təhlükəsizliyi, davaml inkişaf və sülh arasında əlaqə bu tədbiri  olduqca zəruri edir. Mədəniyyətlərarası dialoq irqçiliyin qlobal səviyyədə artmasına qarşıdır. Mədəniyyətlərarası mübadilələr ümumi məqsədlərimizə nail olmaqda yeni innovativ yolların yaradılmasını şərtləndirir”. 

O qeyd edib ki, gündəliyin birinci iki məqsədi yoxsulluğun aradan qaldırılması məsələsinə yönəlib. “Əslində biz məyusuq  ki, 21-ci əsrəd bütün dünyada 870 milyon insan aclıq və az qidalanmadan əziyyət çəkir. Ərzağın üçdə bir hissəsi tullantı kimi atılır. Qloballaşma kənd təsərrüfatı sahəsində biomüxtəlifliyin itkisi ilə xarakterizə edilir”. O əlavə edib  ki,tarixboyu millətlər mətbəx mədəniyyəti üzrə əlaqə yaradıb: “Mədəniyyətlərarası dialoqla kənd təsərrüfatı biliklərinin yayılmasına və qorunun saxlamasına xidmət edir.Ərzaq bölünməsi  də öz-özlüyündə bir dialoqdur”. L. Əliyeva bildirib ki, 2011-ci ildə biz İDEA təşkilatını təsis edilib: “Bizim məqsədimiz o idi ki, ətraf mühitə uyğun sağlam gələcək təmin üçün onu ictimai platformaya çevrilək. Bu gün bizim bir şüarımız var : tək planetimizdə tək vahid gələcək olsun.İDEA-nın layihələrinin miqyasına gəldikdə, təhsil, tullantıların aradan qaldırılması, dayanıqlı inkişaf  kimi  mövzular üzərində işləyirik”.(Azadinform)