FACT-INFO.AZ » MEDİA » Elçin Əmirbəyov: Ümid edirəm, ermənilərlə azərbaycanlıların mehriban qonşu kimi birgə yaşaya biləcəyi gün gələcək
1-05-2024, 09:30 | MEDİA
Elçin Əmirbəyov: Ümid edirəm, ermənilərlə azərbaycanlıların mehriban qonşu kimi birgə yaşaya biləcəyi gün gələcək

Azərbaycan Prezidentinin xüsusi tapşırıqlar üzrə nümayəndəsi, səfir Elçin Əmirbəyov Vatikana işgüzar səfəri zamanı “Sir” İnformasiya Agentliyinə müsahibə verib.

Elçin Əmirbəyov müsahibəsində Ermənistan və Azərbaycan arasında sülh prosesindən, cəmiyyətimizin çoxmillətli və multikultural xarakterindən və regionda gələcək birgəyaşayış imkanlarından bəhs edib. Müsahibəni təqdim edirik.

- Azərbaycanla Ermənistan arasında dialoq hansı mərhələdədir? Papa Fransisk danışıqların hər şeydən əvvəl humanitar böhrana son qoya biləcək “davamlı razılaşmaya” şərait yaratmasını rica edir. Bu gün hansı addımların atılması lazımdır?

- İlk olaraq, biz Papa Fransisk həzrətlərinin Ermənistan və Azərbaycan arasında sülhün əldə edilməsinə göstərdiyi diqqəti yüksək qiymətləndiririk. Bakı ilə İrəvan arasındakı dialoq müxtəlif formalarda və müsbət ruhda davam etməkdədir. Vurğulamaq lazımdır ki, təxminən iki il əvvəl sülh danışıqlarının və sülh müqaviləsinin layihəsinin təşəbbüskarı məhz Azərbaycan olub və o vaxtdan bəri sülh prosesində mühüm irəliləyişlər əldə edilib. Ən son müsbət irəliləyişlər ötən ilin sentyabr ayında Azərbaycan öz suverenliyini və ərazi bütövlüyünü tam bərpa etdikdən, Qarabağ regionu üzərində özünün effektiv nəzarətini bərpa edəndən sonra mümkün olub. Bu gün biz inanırıq ki, Ermənistanla birlikdə bütün yerdə qalan məqsədlərimizə siyasi vasitələrlə və nisbətən daha qısa müddət ərzində nail ola bilərik. İki həftə əvvəl Ermənistan öz qüvvələrini Azərbaycanın şimal-qərbində yerləşən Qazax rayonunun otuz ildən çox işğal altında qalan dörd kəndindən çıxarmağa razılaşdı və dərhal sonra biz ölkələrimiz arasında bir gün dövlət sərhədinə çevriləcək ikitərəfli delimitasiya və demarkasiya prosesinə başladıq. Paralel olaraq, Azərbaycan özünün otuz ildən bəri davam edən münaqişə və qanunsuz işğal nəticəsində dağıdılmış bütün ərazilərinin yenidən qurulması və bərpası istiqamətində genişmiqyaslı səylərini qətiyyətlə davam etdirir.

- 2023-cü il oktyabrın 15-də Angelus mərasimində Papa Fransisk bu regionun səlahiyyətlilərinin və sakinlərinin “yerli mədəniyyətin bir hissəsi, inancın ifadəsi və fərqliliklərə baxmayaraq, birlikdə yaşamağa imkan verən qardaşlığın əlaməti kimi hörmətlə davranılacağına və qoruna biləcəyinə” ümidvar olduğunu bildirmişdi. Bu yerdə, onların evlərinə qayıtma prosesinə necə yardım etmək olar?

- İlk əvvəl aydınlıq gətirmək istərdim ki, Azərbaycanın Qarabağ bölgəsinin ərazisini tərk edib Ermənistana getmək qərarı orada məskunlaşmış əhali tərəfindən könüllü şəkildə qəbul olunub. Baxmayaraq ki, Azərbaycan hakimiyyəti onlara dəfələrlə müraciət edərək ölkəni tərk etməməyə çağırıb. Bir gün davam edən antiterror əməliyyatından dərhal sonra Ermənistanın bizə qarşı başlatdığı dezinformasiya kampaniyasına baxmayaraq, Azərbaycan yerli mülki əhaliyə orada qalıb, qanunlarımız çərçivəsində dinc şəkildə cəmiyyətimizə inteqrasiyanı təklif edib. Lakin həqiqət ondan ibarətdir ki, gedənlərin bir çoxu, Azərbaycanın həmin regionunda ermənilərlə azərbaycanlıların dinc yanaşı yaşamalarına qarşı çıxan yerli qanunsuz separatçıların liderləri tərəfindən əslində buna “israrla sövq edilib”. Azərbaycan hakimiyyətinin daha öncəki fürsətlərdə də dəfələrlə bəyan etdiyi kimi, erməni və ya azərbaycanlı olmasından asılı olmayaraq bütün köçkün əhalinin öz evlərinə könüllü qayıtmaq hüququna qarşılıqlı əsasda hörmət edilməlidir. Unutmayaq ki, 1980-ci illərin sonlarında münaqişənin lap əvvəlində Ermənistanda 250 mindən çox mülki azərbaycanlı etnik təmizləməyə məruz qalıb.

- Elə həmin Angelus mərasimi zamanı Papa Fransisk, həmçinin bölgədəki monastırların və ibadət yerlərinin qorunması ilə bağlı xüsusi müraciət edib. Hökumətiniz həmin torpaqlarda xristian ibadət yerlərinin qorunması üçün hansı addımları atır?

- Azərbaycan ərazisindəki bütün ibadət yerləri, dini mənşəyindən asılı olmayaraq, cəmiyyətimizin çoxmillətli və multikultural xarakterini əks etdirən zəngin mədəni və dini irsimizin bir hissəsini təşkil edir. Hökumətimiz isə hər bir dini ibadət yerini heç bir ayrı-seçkilik qoymadan qorumaq vəzifəsinə ciddi yanaşır. 2020-ci ilin noyabr ayında İkinci Qarabağ müharibəsi başa çatdıqdan sonra Azərbaycanın aidiyyəti qurumları tərəfindən xarici dövlətin qanunsuz işğalı altında olan və münaqişənin təsirinə məruz qalmış ərazilərdəki bütün mədəni və dini abidələrin inventarizasiyası aparılıb. İki müharibədən sonra ayaqda qalan, lakin zədələnən abidələr hazırda bərpa mərhələsindədir, ancaq təəssüf ki, bir çox mədəni və dini abidələr işğalçı qüvvələr tərəfindən tamamilə məhv edilib. Bir misal gətirim: Qarabağda və əvvəllər işğal olunmuş digər ərazilərdə 67 məsciddən 65-i yerlə yeksan olunub.

- Münaqişələrdən və böhranlardan güclü şəkildə təsirlənən bir dünyada bəlkə də bu böhrana diqqəti canlı tutan yeganə insan Papa Fransiskdir. Papanın “sözü” haqqında nə düşünürsünüz və hər şeydən əvvəl xristianlar bu ölkələrdə hansı “rol” oynaya bilərlər? Orada onlar üçün yer varmı?

- Söhbətimizin əvvəlində artıq qeyd etdiyim kimi, biz Azərbaycanda Papa Fransiskin, eləcə də dünyanın bir çox digər yüksək səviyyəli şəxslərinin Ermənistan və Azərbaycan arasında sülh və münasibətlərin normallaşması məsələsinə göstərdikləri diqqəti yüksək dəyərləndiririk. Azərbaycan öz mədəni və dini müxtəlifliyi ilə fəxr edən dünyəvi ölkədir, burada müsəlmanlar, xristianlar, yəhudilər və digər konfessiyaların nümayəndələri əsrlər boyu harmoniya, əmin-amanlıq və dostluq şəraitində birgə yaşayıb. Biz doğrudan da inanırıq ki, ölkələrimiz arasında tezliklə bağlana biləcək sülh müqaviləsi nəinki dünyanın ən uzun və faciəli etnik münaqişələrindən birinə rəsmi olaraq son qoyacaq, həmçinin ermənilərlə azərbaycanlılar arasında etimadın yaranmasına xidmət edəcək, onların yaxşı qonşu və ola bilsin bir gün hətta dost kimi yaşamasına yol açacaq.




Baxış sayı: 75
Ərdoğan: CHP-nin öz oyununu təbəssümlə izləməyə davam edəcəyik Bu gün, 07:30 Nant şəhərindəki “Qarabağ” məktəbində Novruz bayramı qeyd edilib Dünən, 16:00 Peskov: Ər-Riyaddakı danışıqlarda gəmiçiliyin təhlükəsizliyi müzakirə edilir Dünən, 16:00 Zelenski: Səudiyyə Ərəbistanında Ukrayna və ABŞ nümayəndə heyətlərinin görüşü texniki xarakter daşıyır Dünən, 12:30 İsveçrənin paytaxtında Novruz bayramına həsr olunmuş tədbir keçirilib Dünən, 11:30 Müdafiə Nazirliyinin həftəlik icmalı - VİDEO 23-03-2025, 19:00 BMT: 2024-cü ildə miqrantlar arasında ölüm halları rekord həddə çatıb 23-03-2025, 11:30 Azərbaycan Prezidenti: Pakistanla strateji tərəfdaşlığın hazırkı səviyyəsi böyük məmnunluq doğurur 23-03-2025, 11:00 XİN: Ermənistan xarici işlər nazirinin iddiaları tamamilə əsassızdır 23-03-2025, 09:30 Üzeyir Hacıbəylinin 140 illik yubileyi: “Arşın mal alan” operettası Vyanada yenidən səhnəyə qoyulacaq 23-03-2025, 09:00 Böyük Britaniya Ukraynada mümkün sülhməramlı qüvvə planlarını sürətləndirəcək 22-03-2025, 11:30 DİN kibertalama cinayətləri ilə bağlı vətəndaşlara müraciət edib 22-03-2025, 10:30 Bu gün Şəhid Elmar Nəbiyevin doğum günüdür 22-03-2025, 10:00 Si Cinpin Prezident İlham Əliyevi Novruz bayramı münasibətilə təbrik edib 21-03-2025, 19:00 Türkiyə Prezidenti Rəcəb Tayyib Ərdoğan: Qarabağın azad edilməsi regionda yeni səhifə açıb 21-03-2025, 18:30 Gədəbəydə qar uçqununa düşən hərbi qulluqçuların nəşi tapılıb 21-03-2025, 17:30 21 Mart - Beynəlxalq Novruz Günüdür 21-03-2025, 10:30 Ölkə ərazisində – FAKTİKİ HAVA 21-03-2025, 10:00 Aİ liderləri Brüsseldə Avropa və Ukraynanın təhlükəsizliyini müzakirə edir 21-03-2025, 07:30 Qrant müsabiqələrində layihələri qalib gələn QHT-lərin rəhbərləri ilə görüş keçiriləcək 20-03-2025, 14:00 İğdır şəhərində Novruz bayramı təşkil olunub 20-03-2025, 12:07 Azərbaycan Ordusunun mövqeləri Keşişkənd istiqamətindən atəşə tutulub 20-03-2025, 12:00 Azərbaycan iqtisadiyyatına yatırılan xarici investisiyaların həcmi açıqlanıb 20-03-2025, 10:30 Azərbaycanın 2025-2028-ci illər üçün süni intellekt Strategiyası təsdiqlənib 19-03-2025, 20:00 Türkiyənin energetika naziri Xəzər dənizində yataqların işlənməsində yeni tərəfdaşlığa hazır olduğunu bəyan edib 19-03-2025, 18:30 Avropa İttifaqı Trampla Putin arasındakı danışıqdan sonra Ukrayna məsələsində irəliləyişə ümid edir 19-03-2025, 16:30 İğdır şəhər Xalq Kitabxanasına Azərbaycanla bağlı kitablar təqdim olunub 19-03-2025, 11:30 Zelenski Tramp-Putin danışıqlarına münasibət bildirdi 19-03-2025, 11:30 Ağdərə rayonunun Sərsəng su anbarı-Umudlu kəndinə gedən avtomobil yolunda yenidənqurma işləri başa çatıb 19-03-2025, 11:00 “Tramp-Putin danışıqları çox yaxşı keçdi” - “NBC News” 19-03-2025, 09:30
Köşə yazarları
Təqvim
«    Mart 2025    »
BeÇaÇCaCŞB
 12
3456789
10111213141516
17181920212223
24252627282930
31