Lakin Ermənistanda baş nazir səlahiyyətlərini icra edən zavallı Nikol Paşinyanın bu prosesi dayandırmaq məqsədilə apardığı dezinformasiya siyasəti müəyyən mənada çaşqınlıq yaratdı. Hətta prezident Makron Fransanın papağını yerə soxaraq bu dezinformasiya siyasətinin tələsinə düşərək ermənipərəst bəyanat səsləndirdi. İlk anda bir çoxları düşünürdü Paşinyanın dezinformasiya siyasəti effekt verəcək. Proseslərə nəzər salanda görürük dünya liderləri, geniş ictimaiyyət məsələnin mahiyyəti ilə tanış olduqdan sonra əsl reallığı qəbul etmək qənaətində qalır.

Nikol Paşinyanın Kollektiv Təhlükəsizlik Müqaviləsi Təşkilatına (KTMT) üzv ölkələrin başçılarına zəngələri və digər çabaları, həmçinin dünyada kök salmış erməni diasporunun təhdidləri bizi haqq yolumuzdan çəkindirməməlidir. Əgər zərurət yaranarsa, ermənilər davamlı olaraq təxribatçı əməllərindən əl çəkməsələr, o zaman onlara dəmir yumruğu xatırlatmaq zərurəti yaranacaq.

Lakin postmüharibə dövründə, çox təlatümlü regionda informasiya siyasətində çevik addımların atılması zəruridir. Mütəmadi olaraq sərhədlərin demarkasiyası və ümumilikdə regionda gedən proseslər, beyin mərkəzlərinin analitik təhlillərinə əsaslanan məlumatlandırıcı vidokonfransların keçirilməsi vacibdir. İstər dünyananın rəsmi strukturlarını, istərsə yetərincə məlumatı olmayan müxtəlif toplumların məlumatlandırıması prosesi davam etməlidir. Bu işdə axsamalar, ləngimələr ermənilərin dezinformasiya siyasətinə təkan verə bilər.

Nəhayət 2020-ci il 10 noyabr üçtərəfli bəyanatından irəli gələn məsələlərin həlli ilə bağlı Rusiya öz məsuliyyətini dərk edib beynəlxalq sərhədlərin demarkasiyası üçün tərəflərin konstruktiv müzakirəsinə öz töhfəsini verməlidir. Əks halda Rusiyanın regionda nüfuzu tamam düşəcək.

Əkrəm Bəydəmirli