CƏMİYYƏT

Münaqişənin həllində alternativ vasitələr tapılmalıdır

ATƏT-in Minsk Qrupunun həmsədrlərinin vasitəçiliyi ilə Nyu-Yorkda Azərbaycanın və Ermənistanın xarici işlər nazirləri arasında keçirilən ən son görüşün nəticəsiz bitməsi əslində gözlənilən idi.

. Belə deklorativ xarakterli görüşlər mütəmadi olaraq keçirilsə də heç bir irəliləyişin şahidi olmuruq. Dişsiz qurum olan ATƏT-in Dağlıq Qarabağ münaqişənin həllinə töhfə verəcəyi inandırıcı olmasa da, bu, görüş ərəfəsində cəmiyyətdə zəif ümid yaranmışdı. Lakin ümid doğrulmadı.

Qarabağ münaqişəsinin həlli istiqamətində aparılan tənzimləmə prosesinin cari vəziyyəti və Ermənistanın işğalçılıq siyasətinin davam etməsi ilə bağlı BMT-nin son toplantısı zamanı məsələ dəfələrlə qaldırıldı. Sanki bu qurum problemlərin həllindən daha çox onun səslənməsi üçün bir tribuna funksiyasnı yerinə yetirir.

ATƏT-dən o qədərdə fərqlənməyən BMT vaxtı ilə Təhlükəsizlik Şurasının Ermənistandan işğalçılıq siyasətinə son qoyulmasını tələb edən 4 məlum qətnamənin icrasına belə cəhd göstərmədi. Bu qurumun öz qətnamələrinə etinasız yanaşması münaqişənin ömrünü uzatmaqla bərabər həm də özünü nüfuzsuz, bəzi dövlətlərdən asılı bir struktura çevirimiş olduğunu bir daha sübut edir.

Bu onu göstərir ki, BMT-nin tərkibində ciddi islahatlara ehtiyac var. Gerçəkdən belə fikir formalaşır ki, BMT-nin üzvü olan 193 dövlət deyil, Təhlükəsizlik Şurasının 5 daimi üzvü bu qurumu ədalətsizcəsinə idarə edir. Həmin 5 üzv əgər istəsə çox qısa zaman kəsiyində Ermənistanın işğalçılıq siyasətinə son qoyaraq məlum qətnamələri yerinə yetirər. Məsələ bundan ibarətdir ki, BMT-nin TŞ 5 üzvününün hər biri öz maraqları çərçivəsində bu hadisələrə yanaşır. Bir məqamı da qeyd etmək yerinə düşər. Dünya siyasətində maraqları uzlaşmayan ABŞ və Rusyanın nədənsə Dağlıq Qarabağ məsələsində istəkləri çox rahat şəkildə üst-üstə düşür.

Bu gün Ermənistanda Paşınyan rejimini güzəştə vadar etmək və yaxud onu yola salmaq, bu, dövlətlər üçün çətin deyil. Lakin strateji maraqlar, dini faktorlar naminə həm ABŞ-a, həm də Rusiyaya Ermənistan adlı yarım müstəqil, iqtisadi cəhətdən asılı dövlət lazımdır. Məqamı gələndə Ermənistandan bütün förmalarda bir təzyiq vasitəsi kimi qonşu ölkələrə qarşı istifadə olunur. Məhz buna görə də münaqişənin acı bağırsaq kimi uzanması bu dövlətlərə, müxtəlif təşkilatlara gərəkdir.

Bəs nə etməli?

Mən dediklərim fikirlər şablon çıxmasın. Hər-halda bu tezislərin üzərində düşünmək olar. Bu gün bəzi yazarlar, siyasətçilər yarıtmaz fəaliyyətinə görə, ATƏT-in Minsk qrupundan imtina etməklə bağlı fikirlər səsləndirirlər. Xeyr, heç bir beynəlxalq təşkilatdan imtina etmək lazım deyil. Hər bir qurum çərçivəsində Azərbaycanın diplomatik mübarizəıni davam etdirməsi zəruridir. Çox müsbət haldır ki, Azərbaycan tərəfi bu prosesi, yəni diplomatik müharibəni davam edir. Artıq bu müharibəni cəbhədə davam etdirmək zərurəti artır.

Digər bir vacib məqam var ki, biz itirilmiş bütün torpaqlarımızı qaytarmaq, münaqişəyə son qoymaq üçün vətəndaş olaraq, millət olaraq bütün fəaliyyətimiz qələbəyə köklənməlidir. Qələbə dedikdə növbətçi vətənpərvərlikdən, şablon şüarçılıqdan, qeyri səmimi münasibətdən söhbət getmir.

Ədalət naminə deməliyik ki, Müdafiə Nazirliyində müsbət tendensiya davam edir. Digər qurumların da həmin tendensuyanı davam etdirməsi və vətəndaş məmnunluğunun təmin edilməsi mühüm qələbənin tərkib hissəsindən biridir.

Bir sözlə müharibə şəraitində yaşayan ölkənin vətəndaşları yalnız qələbəyə köklənməlidir. Qələbə, vətənpərvərlik dedikdə yalnız gedib səngərdə xidmət etmək nəzərdə tutulmamalıdır. Hər kəs ləyaqətlə öz üzərinə düşən işi yerinə yetirməli, millətə, dövlətə vicdanla xidmət etməlidir. Dağlıq Qarabağın azərbaycanlı icması isə hər zaman hücumda və orada yaşyan erməni icmasnı informasiya hədəfində saxlamalıdır.

Nəhayət, 2016-cı ilin aprel döyüşlərinin daha yeni metodlarla və nisbətən uzunmüddətli baş verməsi zəruridir. Bunun üçün ciddi hazırlıq işlərinə ehtiyac var. XİN və digər qurumlar çox əhatəli fəaliyyətə keçməlidir. Müxtəlif dövlətlərin başçıları ilə, dünyada tanınmış media quruluşları ilə, beynəlxalq təşkilatlarla və digər səlahiyyətli şəıxslərlə ciddi danışıqların aparılması və müxtəlif formalı dəstək razılığının əldə olunması gərəkdir.

Bundan əlavə internet üzərindən, sosial şəbəkələr vasitəsilə həlledici informasiya müharibəsinin davamlı, dünyada qəbul olunmuş metodologiyalarla aparılması üzərində düşünməyə dəyər.

Əkrəm Bəydəmirli


Kateqoriya : CƏMİYYƏT Müəllif : Əkrəm Bəydəmirli Baxış sayı 1468 Digər yazılar : QHT ictimai nəzarəti necə təmin edə bilər?
Zaman ən vicdanlı hakimdir...
Seçki prosesində mediada hüquqi məsuliyyət
Seçki, islahat, hədəf
Münaqişənin həlli üçün sehirli çubuğa ehtiyac varmı?
Dünyanın neftə bulaşmış Orta Şərq siyasəti
Müharibə şəraitində mediamız
Hərbi cinayətkarların cəzasız qalması münaqişənin ömrünü uzadır
Siyasətə əxlaqi dəyərlər gətirən və tarix yazan liderlər
Münaqişənin həlli ilə bağlı politoloji terminlər tükənməkdədir
Sülh danışıqları səmərə verməsə…
Ermənilərlə barış planı necə ola bilər?
Kəskinləşən Rusiya-Ermənistan münasibətləri
Bu parad türk dünyasına qardaşlıq və səmimi dostluq mesajı idi
QHT-nin inkişafı üçün mühüm məqamlar
Milli dəyərlərimizi aşağılayan hər kəs cəzalanmalıdır
Şərqdə sivil yaşam tərzinin tənəzzülü
Televiziyada şou proqramlar və məsuliyyətli davranış məsələsi
Deyəsən, Orta Şərqi münaqişəsiz heç zaman görməyəcəyik
Müharibə şəraitində medianın davranışı
İqtisadi faktor Qarabağ münaqişəsinin həllinə nə dərəcədə təsir edir?
Telekanallar cəmiyyətin nəbzini tuta bilirmi?
Bəşəriyyəti təhdid edən əməllərinin qarşısı alınmalıdır
Təhlükəli tendensiyalar sabitliyə zərbə vurur
Erməni saytlarının monitorinqi, aşkar olunan saxtakarlıqlar
Yol-nəqliyyat qəzalarının qarşısını almaq üçün nə etmək lazımdır?
Hərbi çevriliş ölkəni hara aparacaqdı?
Cənubi Qafqazın radiasiya təhdidləri
Bu müharibə dünyaya ciddi mesajlar verməkdədir
Dünya sabitlik və terror dilemması qarşısında
Bədii filmlərimiz xarici auditoriyaya niyə çıxa bilmir?
Nəyə görə jurnalistika fakultələri bağlanma təhlükəsilə üzləşsin?

QHT və MEDİA

2020-06-05 16:35:29

QHT və MEDİA
Ermənilərin soydaşlarımıza qarşı törətdi...
Ermənilərin soydaşlarımıza qarşı törətdi...

Demokratik cəmiyyət quruculuğu yolunda sürətlə irəliləyən, sosial-iqtisadi sa...

2020-06-05 09:05:03

QHT və MEDİA
Vətən fədaisi, istiqlal mücahidi - Musta...
Vətən fədaisi, istiqlal mücahidi - Musta...

O, 1878-ci ildə keçmiş Göyçay qəzasının Kürdəmir kəndində anadan olmuş, ilk ...

CƏMİYYƏT

2020-06-04 18:35:30

CƏMİYYƏT
Ekoloji təhlükəsizlik siyasəti
Ekoloji təhlükəsizlik siyasəti

Əvvəl "Ekoloji təhlükəsizlik" nədir sualına aydınlıq gətirməyə çalışaq. Ekolo...

2020-06-03 08:40:48

CƏMİYYƏT
Azərbaycan Ordusu - 102
Azərbaycan Ordusu - 102

“Danışıqlar öz yerində, ancaq indi dünyada siz də yaxşı görürsünüz ki, güc a...

İQTİSADİ

2020-05-29 09:30:52

İQTİSADİ
Azərbaycan postpandemiya dövründə biznes...
Azərbaycan postpandemiya dövründə biznes...

Dünyanın aparıcı şirkətlərinin Azərbaycana marağı artmaqdadır. Hətta pandemiy...

2020-05-15 10:35:56

İQTİSADİ
Azərbaycan Qafqazdan keçən Avrasiya nəql...
Azərbaycan Qafqazdan keçən Avrasiya nəql...

Azərbaycan Qafqaz regionundan keçən Avrasiya nəqliyyat marşrutlarının inkişaf...