QHT və MEDİA

Milli dəyərlərimizi aşağılayan hər kəs cəzalanmalıdır

.

Azərbaycanın milli dəyərlərinə, adət-ənənələrinə, torpaq bütövlüyünə xor baxan istənilən şəxs, milləti, dövləti aşağılayan hər kəs lənətlənməlidir. O cümlədən Rüstəm İbrahimbəyov çəkdiyi “Qafqaz üçlüyü” filminə görə birmənalı şəkildə lənətlənməlidir. Bu film, müəllifin kosmopalit düşüncələrinin məhsulu deyil. Burada daha ciddi, təhlükəli hədəflər var. Həmin film heç şübhəsiz ki, bəzi gizli dairələrin çox düşünülmüş çirkin planının, Azərbaycan millətinə qarşı həqarətin, dərin kökləri olan nifrətin tərkib hissəsidir.

Vaxtılə zirvədə olan, bütün möhtəşəm titulara sahib bir insanın bu addımı necə atması başadüşülən deyil. Ermənini və bu regionu yetərincə tanımayan hər hansı əcnəbi müəllif belə film çəksəydi bəlkə də ona əhəmiyyət verməmək olardı. Bu ahil çağında ağlını itirmiş Rüstəm İbrahimbəyovun belə addım atması bağışlanası deyil. Bu film saxtakar erməni təbliğatına təkan verməklə bərabər Cənubi Qafqazda yaranmış münaqişələrin əsl günahkarlarının aşkar olunmasına əngəl yaradacaq.

“Qafqaz üçlüyü” filmi həm də Azərbaycanda film çəkən və bu sahədə çalışan insanlara bir mesajdır. Nəhayət, biz millət olaraq oz tarixi-bədii filmlərimizi ortalığa qoymalıyıq. Milli düşüncəmizə yad olan, heç bir informasiya yükü olmayan bu gün bəzi serialları çəkib televiziyalarda nümayiş etdirənlər nəhayət, papaqlarını qabaqlarına qoyub düşünməlidirlər. Mən bu mövzuya yenidən qayıtmaq istərdim. Niyə görə bizim 1918-ci il hadisələri haqqında, azərbaycanlıların soyqırıma məruz qaldığı dövrlə bağlı, ümumilikdə ermənilərin Cənubi Qafqaza köçürülməsi prosesini özündə ehtiva edən qanlı tarix haqqında bədii filmlərimiz yoxdur? Millətin, regionun faciələrinin bir çox səbəbləri məhz ermənilərin bu torpaqlarda məskunlaşmasından qaynaqlanır.

Əlqərəz, “Qafqaz üçlüyü”-nə deyil “Qafqaz dördlüyü” filminə ehtiyac var. Ona görə ki, bir çox tarixi proseslərin, bizim istəyimizdən asılı olmayaraq Cənubi Qafqazda ermənilərin yerləşdirilməsinin əsas səbəbkarı çar Rusiyası olub. Məhz həmin imperiyanın xeyir-duası ilə bu regionun xəritəsi yenidən çəkilib. Bu gün həmin siyasətin girovuna çevrilən Cənubi Qafqaz münaqişəsiz ötüşmür. Qafqazda dördüncü tərəf məhz çar Rusiyası və onun bu regiona gətirdiyi erməni fəlakətidir. Bu fəlakətlərdən qurtulmaq üçün hamının başa düşə biləcəyi dildə tarixi həqiqətləri əks etdirən “Qafqaz dördlüyü” filmi ərsəyə gəlməlidir.

Əsl gerçəyi dünyaya çatdırmaq üçün bədii filmlərimiz çox yaxşı bir vasitə ola bilər. Mənim qənaətimcə, yəhudilərin II dünya müharibəsində üzləşdikləri soyqırımı hadisəsini geniş auditoriyaya daha çox “Pianoçu” filmi tanıtdı. Bu kino nümayiş olunanda mən hər dəfə bu ekran əsərinə məmuniyyətlə baxıram. Həmin filmdə peşəkarlıq, kino sənətinə xas olan bütün sənət növlərinin sintezi, bəşərilik, insan ağrıları və digər incə məqamlar çox ustalıqla əks olunub. Tamaşaçı sanki unudur hansı xalqın faciəsindən söhbət gedir. Burada yəhudilərin faciəsi ümumi insanlıq dərdi kimi təqdim olunur. Bu filmdə dünyəvi kodlar var.

Azərbaycanın ədəbiyyat, incəsənət adamları belə uğurlu kodları tapıb dünya arenasına çıxa bilirlər. Bu baxımdan erməni xislətini ifşa edən “Əli və Nino” əsəri dünya xalqları tərəfindən çox maraqla oxunur. Digər sənət nümunələrimizdə belə uğurlu faktlar və kodlar var. Təəssüf ki, kino sahəsində vəziyyət fərqlidir. Baş qatan serillardan qurtulub o mötəşəm filmləri ortalığa çıxara bilsək o zaman Rüstəm İbarahimbəyovun çəkdiyi “Qafqaz üçlüyü” filmi tarixin zibilliyinə gömüləcək.

Bir məqamı da qeyd etmək istərdim. Son illər qardaş Türkiyə öz tarixi keçmişini, qəhrəmanlıq tarixini ekranlaşdırır. Hətta Azərbaycanda da həmin filmlər çox maraqla izlənilir. Çox vacib məqamlardan biri odur ki, bu kateqoriyadan olan türk filmlərində səmimi olaraq millət, dövlət sevgisi əsas hədəfdir.

Nəhayət, bizdə öz tariximizi möhtəşəm ssenarilərlə ekranlaşdırmalıyıq. Azərbaycanda çox peşəkarcasına film çəkmək ənənəsi türklərdən zəif deyil. Yetər ki, bu işlərə start verilsin. Azərbaycanın kino sənayesinə, ssenarilərin yazılışına münasibət dəyişməlidir. Qeyri peşəkar, cəsarətsiz, zəif ssenarilərdən qurtulmaq üçün şəffaf müsabiqələr elan olunmalıdır. Bəlkə papaq altında elə oğlanlar var ki, sanballı ssenarilər ortalığa qoyacaq.

Əkrəm Bəydəmirli


Kateqoriya : QHT və MEDİA Müəllif : Əkrəm Bəydəmirli Baxış sayı 2327 Digər yazılar : QHT ictimai nəzarəti necə təmin edə bilər?
Zaman ən vicdanlı hakimdir...
Seçki prosesində mediada hüquqi məsuliyyət
Seçki, islahat, hədəf
Münaqişənin həlli üçün sehirli çubuğa ehtiyac varmı?
Dünyanın neftə bulaşmış Orta Şərq siyasəti
Münaqişənin həllində alternativ vasitələr tapılmalıdır
Müharibə şəraitində mediamız
Hərbi cinayətkarların cəzasız qalması münaqişənin ömrünü uzadır
Siyasətə əxlaqi dəyərlər gətirən və tarix yazan liderlər
Münaqişənin həlli ilə bağlı politoloji terminlər tükənməkdədir
Sülh danışıqları səmərə verməsə…
Ermənilərlə barış planı necə ola bilər?
Kəskinləşən Rusiya-Ermənistan münasibətləri
Bu parad türk dünyasına qardaşlıq və səmimi dostluq mesajı idi
QHT-nin inkişafı üçün mühüm məqamlar
Şərqdə sivil yaşam tərzinin tənəzzülü
Televiziyada şou proqramlar və məsuliyyətli davranış məsələsi
Deyəsən, Orta Şərqi münaqişəsiz heç zaman görməyəcəyik
Müharibə şəraitində medianın davranışı
İqtisadi faktor Qarabağ münaqişəsinin həllinə nə dərəcədə təsir edir?
Telekanallar cəmiyyətin nəbzini tuta bilirmi?
Bəşəriyyəti təhdid edən əməllərinin qarşısı alınmalıdır
Təhlükəli tendensiyalar sabitliyə zərbə vurur
Erməni saytlarının monitorinqi, aşkar olunan saxtakarlıqlar
Yol-nəqliyyat qəzalarının qarşısını almaq üçün nə etmək lazımdır?
Hərbi çevriliş ölkəni hara aparacaqdı?
Cənubi Qafqazın radiasiya təhdidləri
Bu müharibə dünyaya ciddi mesajlar verməkdədir
Dünya sabitlik və terror dilemması qarşısında
Bədii filmlərimiz xarici auditoriyaya niyə çıxa bilmir?
Nəyə görə jurnalistika fakultələri bağlanma təhlükəsilə üzləşsin?

QHT və MEDİA

2020-07-09 09:25:58

QHT və MEDİA
Ramin Məmmədov: Azərbaycan artıq dünyada...
Ramin Məmmədov: Azərbaycan artıq dünyada...

130-dan çox dövlətin Prezident İlham Əliyevin BMT Baş Assambleyasının xüsusi ...

2020-07-08 11:10:13

QHT və MEDİA
Azərbaycanın diplomatik xidmət orqanları...
Azərbaycanın diplomatik xidmət orqanları...

“Azərbaycan Respublikası diplomatik xidmət orqanlarının 100 illiyi” yubiley m...

CƏMİYYƏT

2020-07-07 16:10:31

CƏMİYYƏT
"Azərbaycan Ordusunun təlimləri düşmənin...
"Azərbaycan Ordusunun təlimləri düşmənin...

"Azərbaycan Ordusunun gecə vaxtı keçirdiyi döyüş atışlı taktiki təlimlər çox ...

2020-07-06 08:45:47

CƏMİYYƏT
Ellər unutmayıb o sənətkarı...
Ellər unutmayıb o sənətkarı...

H.Hüseynov 1927-ci ildə Kürdəmir rayonunun Muradxan kəndində anadan olub. Or...

İQTİSADİ

2020-07-06 08:00:56

İQTİSADİ
"Azərbaycan beynəlxalq nəqliyyat-kommuni...
"Azərbaycan beynəlxalq nəqliyyat-kommuni...

“Prezident İlham Əliyevin uğurlu xarici siyasəti nəticəsində hətta pandemiya ...

2020-07-01 11:25:59

İQTİSADİ
Davamlı inkişaf məqsədləri indeksinə gör...
Davamlı inkişaf məqsədləri indeksinə gör...

Azərbaycan “Davamlı inkişaf hesabatı - 2020” sənədində dünyanın 166 ölkəsi ar...