QHT və MEDİA

Dünya sabitlik və terror dilemması qarşısında

Terrorizm getdikcə dünya üçün daha dəhşətli olur

Qloballaşma prosesində terrorizmin nəticələrinə dünyanın gələcək taleyi konteksində yanaşmaq lazımdır.  Baxmayaraq ki, bu gün heç bir ölkə terrordan sığortalanmayıb ancaq təəssüflə qeyd etməliyik ki,  terrora, separatizmə  birbaşa və yaxud  dolayısı ilə dəstək verən dövlətlər var.

Hazırda  dünyanın xeyli hissəsi sabitlik və  terror dilemması qarşısında qalıb desək yanılmarıq. Hətta bəzi qüvvələr siyasi və hegemon maraqları naminə  yüzlərlə, minlərlə  dinc insanın qətlinə bais olaraq  bu cinayət prosesində yaxından iştirak edirlər.

Təbii ki, bizi daha çox  Türkiyədə baş verən qanlı hadisələr narahat edir. Türk xalqına qarşı törədilən  terror aktları  hər birimizi kədərləndirir. Terrora dəstək verən  qüvvələri bir daha lənətləmək zorunda qalırıq. Dünyada terrorun,  separatizmin  böyük  güclərin  layihəsi olması artıq  heç kimdə şübhə doğurmur. Türkiyəni zəiflətmək, Şərqdə gərginliyi  daha da artırmaq, ən əsası  dini  amilləri önə çəkərək  müsəlmanların kütləvi qətllərinə  rəvac vermək və digər  çox çirkin planların şahidi oluruq.

Bu gün  nəinki  terrorizmə  fərqli münasibət var, hətta  bir çox hallarda  belə terror təşkilatlarına  rəsmi dövlət dəstəyi  açıq -aydın ortadadır. Dağlıq Qarabağda və ümumilikdə Ermənistanda, həmçinin  Şərqdə  mövcud olan terror şəbəkələrinə münasibətdə ABŞ-la Rusiyanın  mövqeyləri üs-üstə düşür.  Hətta bu vaxta qədər ABŞ  Dağlıq Qarabağdakı separatçı rejimə  dövlət yardımları ayırırdı. Həmin vəsaitlər   humanitar dəstək adı altında terrorda birbaşa rolu və iştirakı olan  rejim başçılarına çatdırılırdı.

Ən qəribəsi odur ki,  bəzi terror təşkilatlarının, xüsusilə, Dağlıq Qarabağdakı separatçı rejimin Rusiyada,  Avropa məkanında, hətta ABŞ-da nümayəndəlikləri  var. Bu isə onu göstərir ki, qanunsuz,  regionda  sabitliyi pozan terrorçu  rejim de-fakto tanınır.  Bunun özü birbaşa separatizmin dəstəklənməsi  və münaqişənin uzadılması deməkdir.

Aydın görünür  ATƏT-in  Minsk qrupu Ermənistan-Azərbaycan münaqişəsini  həll etmək fikrində deyil.  İmitasiya xarakterli bu sülh yaratma prosesi, regiona davam turist səfərləri münaqişənin ömrünü uzatmağa  hesablanıb. Düşünmək olar ki, həmsədr  ölkələrin  planı odur ki, bu münaqişənin həllinə deyil, onu öz nəzarətlərində  saxlamaqda daha çox maraqlı olduqlarını ortaya qoymaqdır.

ABŞ, Fransa və Rusiyanın Ermənistanı müdafə etməsi və status kvonun dəyişməsi üçün heç bir əməli addım atmaması  bunu bir daha sübut edir. Siyasi riyakarlıq isə beynəlxalq təşkilatların,  həmin aparıcı dövlətlərin  nüfuzuna zərbə vurmaqda davam edir.  Siyasi proseslərə nəzər salanda həmsədrlərin Ermənistana lobbiçilik etməsi  fikri bir daha təsdiqini tapır.

Məhz bunun nəticəsidir ki,  dünyada  konfliktlərin həllində  nəinki yumşalmalar hiss olunmur, əksinə təhlükəli tendensiyalar  getdikcə daha da artmaqdadır.  Narahatçılıq doğuran bu proseslərin gələcəyidir. Bəzən siyasətdə belə maraqlar heç bir əxlaqi prinsiplərə  uyğun gəlmir. Bu gün NATO-ya üzv ölkələr  BMT-nin qətnamə və qərarlarını  əsas götürdüklərini bildirirlər. Bəs, BMT-nin Təhlükəsizlik Şurasının Qarabağ münaqişəsilə bağlı qəbul etdiyi qətnamələrin taleyi  nəyə görə əsas götürülmür?

Belə çıxır  Dağlıq Qarabağ münaqişəsinin beynəlxalq arenaya çıxarılması, xarici təşkilatların bu prosesə cəlb olunması doğru deyildi?  Fakt odur ki, bu təşkilatlar, ATƏT-in  Minsk qrupunun həmsədrləri münaqişənin həllinə deyil, onu öz nəzarətlərində  saxlamağa nail olublar. Hətta mütəmadi olaraq barmaq silkələyirlər ki, bu münaqişənin hərbi yolla həlli yoxdur. Axı, bu  nə deməkdir? 

Hərbi yolla torpaqları  azad  etmək olmaz, aparılan sülh danışıqlarının heç bir nəticəsi yoxdur.  Deməli, bir azda səbirli olmaq lazımdır. Dünyada və Cənubi Qafqazda  separatçılığa dəstək verən böyük, riyakar gücün çöküşü sürətlənməkdədir. Həmin çöküş  erməni terrorizminin və digər terrorçu qruplarında sonunu yaxınlaşdıracaq. Taleyin hökmüdür, ciddi layihələrin məntiqi nəticəsidir onu demək çətindir. Ən əsası bu proses davam edir.

 Sadəcə olaraq biz daha da  güclü olmalıyıq.  Təbliğatımızı daha innovativ üsullarla qurmalıyıq. Yalnız  müəyyən dövr  üçün deyil,  hər zaman erməni məsələsini və ümumilikdə terrorizmi araşdıran və ermənişünaslıqla  məşğul olan  beyin mərkəzləri daha geniş fəaliyyət göstərməlidir.  Aparılan çox məntiqli  tədqiqatlar vasitəsilə   informasiya müharibəsində   Qarabağ həqiqətlərinin dünyada daha yaxşı qəbul olunmasına yardımçı olmalıyıq.
Əkrəm Bəydəmirli    

 

 

 


Kateqoriya : QHT və MEDİA Müəllif : Əkrəm Bəydəmirli Baxış sayı 2474 Digər yazılar : Müharibə şəraitində mediamız
Hərbi cinayətkarların cəzasız qalması münaqişənin ömrünü uzadır
Siyasətə əxlaqi dəyərlər gətirən və tarix yazan liderlər
Münaqişənin həlli ilə bağlı politoloji terminlər tükənməkdədir
Sülh danışıqları səmərə verməsə…
Ermənilərlə barış planı necə ola bilər?
Kəskinləşən Rusiya-Ermənistan münasibətləri
Bu parad türk dünyasına qardaşlıq və səmimi dostluq mesajı idi
QHT-nin inkişafı üçün mühüm məqamlar
Milli dəyərlərimizi aşağılayan hər kəs cəzalanmalıdır
Şərqdə sivil yaşam tərzinin tənəzzülü
Televiziyada şou proqramlar və məsuliyyətli davranış məsələsi
Deyəsən, Orta Şərqi münaqişəsiz heç zaman görməyəcəyik
Müharibə şəraitində medianın davranışı
İqtisadi faktor Qarabağ münaqişəsinin həllinə nə dərəcədə təsir edir?
Telekanallar cəmiyyətin nəbzini tuta bilirmi?
Bəşəriyyəti təhdid edən əməllərinin qarşısı alınmalıdır
Təhlükəli tendensiyalar sabitliyə zərbə vurur
Erməni saytlarının monitorinqi, aşkar olunan saxtakarlıqlar
Yol-nəqliyyat qəzalarının qarşısını almaq üçün nə etmək lazımdır?
Hərbi çevriliş ölkəni hara aparacaqdı?
Cənubi Qafqazın radiasiya təhdidləri
Bu müharibə dünyaya ciddi mesajlar verməkdədir
Bədii filmlərimiz xarici auditoriyaya niyə çıxa bilmir?
Nəyə görə jurnalistika fakultələri bağlanma təhlükəsilə üzləşsin?

QHT və MEDİA

2019-07-22 09:30:10

QHT və MEDİA
Millət vəkili: Mediamız Azərbaycan həqiq...
Millət vəkili: Mediamız Azərbaycan həqiq...

İyulun 19-da Milli Mətbuatın 144 illiyi münasibətilə Dövlət Gömrük Komitəsi t...

2019-07-21 07:55:52

QHT və MEDİA
Emin Həsənli: "Dövlət Sərhəd Xidmətinin ...
Emin Həsənli: "Dövlət Sərhəd Xidmətinin ...

"Bugünlərdə Azərbaycan-Gürcüstan sərhəddində, "Keşikçidağ"da baş verən hadisə...

CƏMİYYƏT

2019-07-23 10:10:46

CƏMİYYƏT
Qarabağ atları
Qarabağ atları

Tarixi təkamül nəticəsində Nesey atlarından əsas iki qol ayrılıb və inkişaf e...

2019-07-22 09:45:08

CƏMİYYƏT
Azərbaycan milli mətbuatının yaranmasınd...
Azərbaycan milli mətbuatının yaranmasınd...

Həsən bəy Zərdabinin yaratdığı və redaktoru olduğu “Əkinçi” qəzeti ilə əsası ...

İQTİSADİ

2019-07-23 12:25:23

İQTİSADİ
Deputat: “Bir kəmər, bir yol” inqilabi l...
Deputat: “Bir kəmər, bir yol” inqilabi l...

“Çinin təşəbbüsü ilə həyata keçirilən “Bir kəmər, bir yol” böyük kommunikasiy...

2019-07-19 08:40:08

İQTİSADİ
Akademik Azərbaycan Xalq Cümhiriyyətini...
Akademik Azərbaycan Xalq Cümhiriyyətini...

Azərbaycan Respubliksının Prezidenti İlham Əliyevin 27 may 2019-cu il tarixli...