2020-05-17 10:20:06 | QHT VƏ MEDİA
Rus mediası "Paşinyanın sirri"ndən yazdı

Ermənistanın Baş naziri öz babasının tərcümeyi-halı haqqında sualları nə üçün şərh etmir?

Fact-info.az Axar.az-a istinadən xəbər verir ki, Rusiyanın “Qazeta.ru” internet-nəşrində müəllif kimi çıxış edən Aleksey Şevelyov “Paşinyanın sirri” adlı məqaləsində indi çoxlarını maraqlandıran bu suala cavab tapmağa çalışır.

Məlum olduğu kimi, Ermənistanın baş naziri mayın 9-da Feysbuk şəbəkəsindəki şəxsi səhifəsində babasının fotoşəklini dərc etmişdi. Amma elə həmin Ermənistanın bir sıra kütləvi informasiya vasitələri Rusiya Müdafiə Nazirliyinin “Memorial” arxiv-informasiya servisində Paşinyanın qohumuna aid məlumatları aşkar ediblər, orada göstərilir ki, bu şəxs Almaniya Vermaxtının Erməni legionunun sıravi döyüşçüsü olub.

Məqalənin müəllifi yazır ki, Ermənistanın Baş naziri Nikol Paşinyanın babasının hərbi keçmişi ilə bağlı qalmaqala görə ölkədə yaranmış təlatüm davam edir. Əslində, bu qalmaqala təkan verən hökumət başçısı özü olub. Açıq mənbələrdə göstərilir ki, Nikol Paşinyan ad-soyadlı birisinin ölümü 1943-cü ildə qeyd edilib və o, Almaniya Vermaxtının Erməni legionunun sıravi döyüşçüsü kimi Qızıl ordu ilə döyüşdə öldürülüb.

Xatırladaq ki, “Memorial” portalı Böyük Vətən müharibəsi iştirakçılarının qohumlarına onların talelərini öyrənməyə kömək etmək məqsədilə 13 il bundan əvvəl yaradılıb. Qəzet yazır: “Bu halda bazada olan informasiyanın mötəbərliyinə şübhə qalmır. Axı müvafiq sənədlər həm Rusiyanın, həm də Almaniyanın arxivlərində emal edilib. “Memorial”ın məlumatlarını yalnız məhkəmə qaydası ilə təkzib etmək olar. Ya da hansısa yeni arxivlər tapılmalıdır ki, onlar artıq məlum olan informasiya haqqında təsəvvürləri kökündən dəyişdirsin”.

Müəllif daha sonra yazır: “Nəticədə aydın olub ki, İkinci Dünya müharibəsi döyüşlərində hansısa Nikol Paşinyan həqiqətən iştirak edib, amma heç də Sovet İttifaqının tərəfində vuruşmayıb. Bazada hərbi əsir vərəqində onun taleyi “düşmənlə əməkdaşlıq edirdi” sözləri ilə təsvir olunub. Baş nazir özü də məhz Qələbə Günü ərəfəsində əcdadının tərcümeyi-halına çaxnaşma salaraq bildirib ki, bəzi sənədlərə görə o, 1943-cü ilin fevralında ölüb, başqa sənədlərə görə itkin düşüb. Həm də bu, ya Krımda, ya da Stalinqrad ətrafında olub. Paşinyanın bu qədər dolaşıq izahatları mövzunun sosial şəbəkələrdə müzakirəsinə təhrik edib. Çoxları inanmağa hazırdır ki, Üçüncü Reyx sıralarında vuruşmuş Paşinyan məhz Nikol Paşinyanın babasıdır. Burada məntiq belədir: nə olsun ki, onlar qohumdurlar, nəvə baba üçün cavab verməli deyil”.

Müəllifi təəccübləndirən odur ki, Paşinyan bütün bu vaxt ərzində susur: “Bununla əlaqədar daha bir hadisə — Ermənistanda müasir dövlətçiliyin banilərindən biri hesab edilən Qaregin Njdenin abidəsi əhvalatı yada düşür. Bu halda Üçüncü Reyxlə onun əməkdaşlığı müəyyən edilmiş fakt hesab olunur. 1940-cı illərin əvvəlində Njde Vermaxtın tərkibində erməni batalyonları yaradılmasında iştirak edib. Bundan başqa, o, təxribatlar törədilməsi məqsədilə sovet arxa cəbhəsinə göndərilmək üçün erməni mənşəli agentləri cəlb edirdi. Nəticədə SMERŞ (“casuslara ölüm”, İkinci Dünya müharibəsi zamanı Sovet İttifaqında bir-birindən asılı olmadan fəaliyyət göstərən bir sıra əks-kəşfiyyat təşkilatlarının ümumi adı) Njdeni həbs etdi və o, Vladimir mərkəzi həbsxanasında öldü. İndi bu iki əhvalatı əlaqələndirirlər”.

Müəllifin fikrincə, hətta Paşinyanın tərəfdarları da onun ölkədə geniş müzakirə edilən bu mövzuya etinasızlığını qəribəlik hesab edirlər. Məqalədə deyilir: “Babasının tərcümeyi-halı məsələsində səmimilik ehtimal ki, onun müsbət cəhəti sayılardı. Həmçinin ölkənin tarixində Qaregin Ndjenin rolunun qiymətləndirilməsi məsələsində Yerevandakı əvvəlki hakim rejimin mövqeyinə yenidən baxılması potensialı da. Amma baş nazir həm birinci, həm də ikinci məsələdə dəqiq mövqe tutmağa çəkinir. Çoxları haqlı olaraq soruşur: görəsən bütün bunların arxasında nələr dayanır?”

Baxış sayı : 254
Azərbaycanın 3 şəhəri YUNESKO-nun şəbəkəsinə üzv seçilib 2020-09-24 10:20:28 Rusiyalı tarixçi, analitik Oleq Kuznetsov: KTMT-nin heç bir üzvü təcavüzkarı dəstəkləməyi arzulamır 2020-09-24 09:20:32 “Qarabağ münaqişəsi Azərbaycanın ərazi bütövlüyü çərçivəsində həll olunmalıdır” 2020-09-24 08:20:05 "Ordunun gücləndirilməsi üçün növbəti ilin büdcəsində ciddi artım nəzərə alınıb" 2020-09-24 07:25:27 Şura haqqında böhtan yayan saytlar məhkəməyə veriləcək 2020-09-24 07:15:00 Arsak toponimi ilə bağlı real faktlar - Açıqlama 2020-09-23 21:10:53 Azərbaycanın siyasi dialoq platforması beynəlxalq arenaya çıxarıldı – Rufiz Qonaqov 2020-09-23 16:20:16 Əhmədiyyə Cəbrayılovun 100 illiyinə həsr olunmuş virtual sərgi keçiriləcək 2020-09-23 08:40:50 Rəcəb Tayyib Ərdoğan: Ermənistan Cənubi Qafqazda sülhə və sabitliyə ən böyük maneədir 2020-09-23 08:25:07 Xarici media Dağlıq Qarabağa PKK terrorçularının gətirilməsndən yazıb 2020-09-23 07:05:11 Ölkə vətəndaşlarının təlim toplanışlarına böyük ruh yüksəkliyi ilə qatılması dövlətimizə olan inamın bariz nümunəsidir 2020-09-23 06:40:28 Bütün dünya bilir ki, Azərbaycan qısa bir zamanda öz torpaqlarını azad etməyə qadirdir! 2020-09-23 06:25:35 Türkiyə və Azərbaycan prezidentləri arasında telefon danışığı oldu 2020-09-22 20:45:23 Ermənistanda məktəb dərsliklərində tarix saxtalaşdırılaraq azərbaycanlılara nifrət aşılanır 2020-09-22 09:30:46 “Karabakh is Azerbaijan!" Milli Platformasının xaricdəki koordinatorlarının ilk videokonfransı keçirilib 2020-09-22 08:25:47 “Qafqazın geosiyasəti: Dağlıq Qarabağ münaqişəsi” 2020-09-22 08:10:06 Ombudsman növbəti erməni təxribatına dair beynəlxalq təşkilatlara müraciət etdi 2020-09-22 07:15:21 Mövlud Çavuşoğlu: "Azərbaycanın haqlı mübarizəsində daim yanındayıq" 2020-09-22 06:55:23 "Ermənistanın baş naziri danışıqların mahiyyətini məqsədyönlü şəkildə pozur" 2020-09-21 22:00:16 “Dağlıq Qarabağla bağlı informasiyaların dünyaya çatdırılması işi davamlı aparılmalıdır ” 2020-09-21 15:15:07 Gürcüstan saytları Prezident İlham Əliyevin Ermənistanın təxribatları ilə bağlı fikirlərinə geniş yer ayırıb 2020-09-21 09:50:59 Məhəbbət Paşayeva: Qafqaz Albaniyası Azərbaycanın qədim dövlətidir və bu dövlətin varisləri biz azərbaycanlılarıq 2020-09-21 09:45:18 “Ermənistanın indiki rəhbərliyi məsuliyyət dərk etmir” 2020-09-21 09:15:08 QHT “Aztəminatlı əlil, şəhid və müharibə veteranları ailələrinə sosial yardımların təşkili” layihəsinin icrasına başlayıb 2020-09-21 09:05:02