MƏDƏNİ
A- A A+

Hüseyn Cavid yaradıcılığına fərqli baxış

2015-11-26 19:35:09

Filologiya elmləri doktoru, professor, filoloq-tarixçi Əjdər Tağıoğlunun (İsmayılov) "Hüseyn Cavid yaradıcılığı və dünya ədəbiyyatında demonizm ənənəsi" adlı kitabı işıq üzü görüb

Kitab "Elm və təhsil" nəşriyyatında çapdan çıxıb. Redaktor Akademik İsa Həbibbəyli, rəyçilər AMEA-nın müxbir üzvü Muxtar İmanov, filologiya elmlər doktoru Kamran Əliyev və professor Qəzənfər Kazımovdur. Ön sözün müəllifi Sənətşünaslıq doktoru, professor A.Şteyndir. Kitabın girişində A.Şteyn monoqrafiyanın mahiyyəti haqqında aşağıdakı fikirləri qeyd edir: "Əjdər Tağıoğlu tarixi-tipoloji aspektdən Azərbaycan və dünya romantizminin ictimai və estetik mahiyyətini açmaqla H.Cavid yaradıcılığını klassik ənənəyə bağlayan cəhətləri müəyyənləşdirməyə çalışır. Bundan başqa, tarixi-müqayisəli təhlil axarında romantik şairin poetik simasında Azərbaycan, eyni zamanda Şərq və Qərb romantizminin poetik və estetik problemləri dünya ədəbiyyatı kontekstində öyrənilir".

Qeyd edək ki, bu kitab Əjdər Tağıoğlunun Hüseyn Cavid yaradıcılığı ilə bağlı uzunmüddətli araşdırmalarının nəticəsidir. Belə ki, o hələ 1974-cü ildə Akademik Məmməd Arif Dadaşzadənin rəhbərliyi ilə "Hüseyn Cavidin tarixi dramları" mövzusunda namizədlik dissertasiyası müdafiə edib. Haqqında söz açdığımız kitab isə müəllifin 1989-cu ildə müdafiə etdiyi doktorluq dissertasiyasının mövzusudur. Əjdər Tağıoğlu Hüseyn Cavid haqqında bir çox məqalələrin də müəllifidir. "Hüseyn Cavid yaradıcılığı və dünya ədəbiyyatında demonizm ənənəsi" kitabı isə dörd bölümdən ibarətdir: "Cavidin demonizminin ilkin tarixi qaynaqları. Demonizm problemi", "H.Cavid poeziyasında "İblis" faciəsinə qədər mifoloji və demonik motivlər", "İblis" - demonik poeziyasının inkişafında yeni bir mərhələ kimi", "İblis"dən sonrakı dövr Cavid poeziyasında demonizm motivləri və yeni İblis obrazı". Müəllif kitabın sonunda araşdırmanın nəticəsini və istifadə olunmuş ədəbiyyatı da oxucularına təqdim edir.

 

Qeyd edək ki, bu günlərdə Beynəlxalq Mətbuat Mərkəzində kitabın təqdimat mərasimi keçirilib. Təqdimatda professorlar Qəzənfər Kazımov, Tofiq Hüseynov və başqaları söz alaraq səbəbkarın yaradıcılığı haqda məlumat veriblər. Kitabın 1991-ci il kiril qrafikalı nəşri əsasında latın qrafikasında yenidən nəşr olunması təqdirəlayiq hesab edilib. Bildirilib ki, Cavid yaradıcılığına aid olan bu monoqrafiya romantizm tarixinin ümumi konsepsiyası ilə əlaqəli elm və tədqiqatların təkmilləşdirilməsi istiqamətində çox mühüm əhəmiyyətə malikdir. Azərbaycan Dövlət Pedaqoji Universitetinin professoru Himalay Qasımov kitabı Cavidşünaslıq elmimizə yeni bir töhfə kimi dəyərləndirib və əsərin gənc tədqiqatçılara faydalı olacağını da diqqətə çatdırıb. Tədbirdə iştirak edən digər alim və araşdırmaçılar da müəllifi uğurlu işi münasibətiylə təbrik edib, kitabın məziyyətlərindən söz açıblar.


Kateqoriya : MƏDƏNİ Baxış sayı : 977

QHT və MEDİA

2019-07-20 09:10:35

QHT və MEDİA
Gürcü ekspertlər: “İnsidentin arxasında ...
Gürcü ekspertlər: “İnsidentin arxasında ...

Bunu “Report”un yerli bürosuna açıqlamasında Gürcüstanın əməkdar jurnalisti, ...

2019-07-20 07:45:42

QHT və MEDİA
UNUDULMUŞ ŞƏHİD MƏZARLARI 1990-1997
UNUDULMUŞ ŞƏHİD MƏZARLARI 1990-1997

Azərbaycan Respublikasının Prezidenti yanında Qeyri-Hökumət Təşkilatlarına...

CƏMİYYƏT

2019-07-19 08:40:08

CƏMİYYƏT
Akademik Azərbaycan Xalq Cümhiriyyətini...
Akademik Azərbaycan Xalq Cümhiriyyətini...

Azərbaycan Respubliksının Prezidenti İlham Əliyevin 27 may 2019-cu il tarixli...

2019-07-16 08:20:48

CƏMİYYƏT
Müharibə şəraitində mediamız
Müharibə şəraitində mediamız

Ancaq bəzi məqamları diqqətsiz buraxmaq olmur. Ümumiyyətlə, jurnalistikanın ...

İQTİSADİ

2019-07-17 08:50:31

İQTİSADİ
100,6 milyard dollar investisiya yatırıl...
100,6 milyard dollar investisiya yatırıl...

Energetika Nazirliyindən bildirilib ki, Energetika naziri Pərviz Şahbazov ADA...

2019-07-16 09:25:35

İQTİSADİ
Aİ-Azərbaycan: strateji tərəfdaşlığın ak...
Aİ-Azərbaycan: strateji tərəfdaşlığın ak...

Bir sıra ekspertlər son zamanlar Avropa İttifaqı-Azərbaycan münasibətlərində ...