SİYASƏT
A- A A+

Koronavirusun Dağlıq Qarabağ məsələsinə mümkün təsirləri haqqında

2020-04-30 09:20:36

.

Dağlıq Qarabağ münaqişəsi ilə bağlı uzun illərdir davam edən danışıqlar indiyədək hər hansı nəticə verməyib. Hazırda koronavirus pandemiyası üzündən bütün dünyanı bürüyən iqtisadi və sosial böhran vəziyyətində Ermənistan bu məsələyə əvvəlki kimi diqqət ayırmaqda çətinlik çəkəcək.

“Report” xəbər verir ki, bu barədə “AIR Center” araşdırmalar mərkəzinin İdarə Heyətinin üzvü Gülşən Paşayevanın “EurActiv”də dərc olunmuş yazısında bildirilir.

“Lakin Ermənistan hökuməti qondarma "Dağlıq Qarabağ Respublikası"nda saxta “prezident və parlament seçkiləri”ni təxirə salmağı lazım bilməyib 31 mart tarixində keçirdi. Bu qondarma rejimi “qanuniləşdirmək”, yeni adamları iş başına gətirmək, həmçinin burada “demokratiya” görüntüsü” yaratmaq xətrinə Ermənistan bütün sağlam mülahizələri bir kənara ataraq həmin tədbirin təyin olduğu vaxtda keçirilməsini dəstəklədi.

Buna baxmayaraq, “seçkilər”i təşkil edənlər hər hansı beynəlxalq dəstək almadılar. ATƏT, Aİ, NATO, İƏT, GUAM, Türk PA kimi bir sıra beynəlxalq təşkilatlar, bir çox dövlətlər yaydıqları bəyanatlarda bu “seçkilər”in hüquqi əsaslarını tanımadıqlarını açıqladılar. Yəni həmin “seçkilər” beynəlxalq hüququn BMT Nizamnaməsi, Helsinki Yekun Aktı kimi sənədlərdə təsbit olunmuş təməl prinsiplərinə zidd və qanuni qüvvəsi olmayan tədbir olaraq səciyyələndirildi.

Beləliklə, beynəlxalq birlik Azərbaycanın suverenliyini, ərazi bütövlüyünü, beynəlxalq səviyyədə tanınmış sərhədlərinin toxunulmazlığını tam olaraq tanıyır və dəstəkləyir, işğal olunmuş ərazisində bu “seçkilər”in keçirilməsini də qətiyyətlə pisləyir”, - məqalədə qeyd olunur.

Müəllifin fikrincə, hazırkı koronavirus pandemiyası Dağlıq Qarabağ münaqişəsinin həlli prosesinə də müəyyən dərəcədə təsir edir:

“Birincisi, COVID-19-un yayılmasına qarşı dövlətlər tərəfindən görülən müxtəlif qabaqlayıcı tədbirlər ATƏT-in Minsk qrupunun himayəsində keçirilən görüşlərə maneçilik törədə, bununla da danışıqlar prosesində fasilələr yarana bilər. İkincisi, Azərbaycan və Ermənistan silahlı qüvvələrinin təmas xətti boyu mütəmadi olaraq keçirilən monitorinqlər də koronavirus pandemiyası üzündən dayandırılıb. Ona görə də atəşkəs rejiminə əməl etməyə nəzarət tərəflərin özlərinin üzərindədir”.

Yazıda BMT-nin baş katibi Antonio Quterreşin bu ayın əvvəlindəki “Dünya boyu atəşkəs” müraciətinin də əhəmiyyətli olduğu bildirilir: “Bu virusun dövlət sərhədləri, milli və dini mənsubiyyət tanımadığını vurğulayan BMT baş katibi bütün dünyada silahlı münaqişələri dondurulmaqla dərhal ümumdünya atəşkəsə çağırıb. Lakin buna baxmayaraq, Ermənistan silahlı qüvvələri yenə də Azərbaycanın Qazax rayonundakı cəbhə xəttinin yaxınlığında dinc sakinləri atəşə tutmağa davam edir. Nəhayət, koronavirus pandemiyası ilə bağlı xarici və daxili dəyişikliklər də münaqişə tərəflərinin mövqelərinə yenidən nəzər salmasına rəvac verə, nəticədə mövcud status-kvo ağrılı dalana dirənə bilər”.


Kateqoriya : SİYASƏT Baxış sayı : 277

QHT və MEDİA

2020-06-05 09:05:03

QHT və MEDİA
Vətən fədaisi, istiqlal mücahidi - Musta...
Vətən fədaisi, istiqlal mücahidi - Musta...

O, 1878-ci ildə keçmiş Göyçay qəzasının Kürdəmir kəndində anadan olmuş, ilk ...

2020-06-04 11:05:08

QHT və MEDİA
Dövlətçilik tariximizin parlaq səhifəsi...
Dövlətçilik tariximizin parlaq səhifəsi...

O illərdə xalqımızın qabaqcıl şəxsiyyətləri, mütəfəkkir adamları, ziyalıları ...

CƏMİYYƏT

2020-06-04 18:35:30

CƏMİYYƏT
Ekoloji təhlükəsizlik siyasəti
Ekoloji təhlükəsizlik siyasəti

Əvvəl "Ekoloji təhlükəsizlik" nədir sualına aydınlıq gətirməyə çalışaq. Ekolo...

2020-06-03 08:40:48

CƏMİYYƏT
Azərbaycan Ordusu - 102
Azərbaycan Ordusu - 102

“Danışıqlar öz yerində, ancaq indi dünyada siz də yaxşı görürsünüz ki, güc a...

İQTİSADİ

2020-05-29 09:30:52

İQTİSADİ
Azərbaycan postpandemiya dövründə biznes...
Azərbaycan postpandemiya dövründə biznes...

Dünyanın aparıcı şirkətlərinin Azərbaycana marağı artmaqdadır. Hətta pandemiy...

2020-05-15 10:35:56

İQTİSADİ
Azərbaycan Qafqazdan keçən Avrasiya nəql...
Azərbaycan Qafqazdan keçən Avrasiya nəql...

Azərbaycan Qafqaz regionundan keçən Avrasiya nəqliyyat marşrutlarının inkişaf...