TƏDQİQATLAR
A- A A+

İtaliyada Ermənistanın qanunsuz silah alverində iştirakı araşdırılır

2015-11-18 09:25:00

Son günlər İtaliyada qanunsuz silah alveri ilə bağlı bir ildən artıqdır davam edən istintaq ölkənin aparıcı kütləvi informasiya vasitələrində diqqət mərkəzindədir

İstintaqın məqsədi Somali, Ermənistan, Kot-d’İvuar, İraq, Liviya, Nigeriya, İran, Cənubi Sudan və Anqolaya qanunsuz olaraq mülki və hərbi vertolyotların, digər silahların satışını araşdırmaqdır.

İtaliya mediasında yayılmış məlumatlara görə, mülki istifadə adı ilə satılan vertolyotlar daha sonra göndərilən ölkədə yeni və işlənmiş vertolyotların satışı ilə məşğul olan “Elicotteri Srl İtaliya” şirkəti tərəfindən hərbi məqsədlər üçün yenidən quraşdırılırdı. Məsələ ilə bağlı İtaliyanın mafiyaya qarşı mübarizə idarəsi tərəfindən aparılan təhqiqat çərçivəsində artıq 23 nəfər istintaqa cəlb edilib. İstintaqa cəlb olunan əsas şəxslər “Elicotteri Srl İtaliya” şirkətinin rəhbəri Andrea Pardi və bir zamanlar İtaliyanın Ermənistanda səfiri olmuş, hazırda isə Ermənistanın İtaliyada lobbiçilərindən biri olan Bruno Skapinidir.

İstintaqın ilkin nəticələrinə əsasən, qanunsuz silah satışı çərçivəsində Ermənistana çox yüksək qiymətə İtaliyanın “Agusta-Westland” şirkətinin istehsalı olan 4 döyüş vertolyotu satılıb. Bununla bağlı İtaliyanın müxtəlif regionlarında - Veneto, Abrutso, Kampaniya, Friuli-Venesiya-Culia, Latsio, Liquriya, Lombardiya, Molize, Piemonte, Siciliya və Toskanada polis axtarışları davam edir.

İtaliya KİV-ləri həmin istintaq çərçivəsində Neapol şəhərində qanunsuz silah alveri və muzdlu döyüşçülərin təşkili məsələsi ilə bağlı araşdırmaların başlandığına dair məlumatlar yaymaqdadır. İstintaq zamanı orada fəaliyyət göstərən Casalesi mafiya klanının muzdlu döyüşçülərə təlimlər keçməsi və onların dünyanın müxtəlif bölgələrindəki münaqişə zonalarına göndərilməsi, həmçinin narkotik maddələrin qanunsuz dövriyyəsi ilə məşğul olduğu aşkarlanıb.

Müvafiq araşdırma İtaliyanın aparıcı nəşrlərindən olan “La Repubblica” qəzetində, bu ölkənin əsas televiziya kanalı “Rai”-də və digər KİV-lərdə son günlər böyük əks-səda doğurub. Belə ki, “Rai” telekanalının Milena Qabanellinin aparıcılığı ilə yayımlanan “Report” proqramında noyabrın 15-də bununla bağlı geniş reportaj nümayiş olunub və Ermənistanla aparılmış qanunsuz silah alveri əməliyyatından bəhs edilib.

 

Hazırda İtaliyanın gömrük və vergi qanunvericiliyinin pozulması ilə müşayiət olunan, beynəlxalq mütəşəkkil cinayətkar qruplar vasitəsilə adıçəkilən İtaliya şirkətinin həyata keçirdiyi qanunsuz silah alveri zamanı münaqişə bölgələrində terrorçu təşkilatlarla mümkün əlaqələr hüquq-mühafizə orqanları tərəfindən araşdırılır.


Kateqoriya : TƏDQİQATLAR Baxış sayı : 822

QHT və MEDİA

2018-08-15 18:20:39

QHT və MEDİA
Layihə çərçivəsində bölgələrdə prezident...
Layihə çərçivəsində bölgələrdə prezident...

Tədbir Azərbaycan Respublikasının Dövlət müstəqilliyi, torpaqlarının bütövlü...

2018-08-14 08:45:21

QHT və MEDİA
Mehriban Əliyevanın gördüyü işləri UNESC...
Mehriban Əliyevanın gördüyü işləri UNESC...

O, bu ada Azərbaycan şifahi xalq ədəbiyyatının və musiqi irsinin qorunub saxl...

CƏMİYYƏT

2018-08-16 07:45:15

CƏMİYYƏT
“Con Batçelor Şou”: Tərtər rayonundan re...
“Con Batçelor Şou”: Tərtər rayonundan re...

Məşhur amerikalı aparıcını cəbhə xəttinə yaxın rayona səfər zamanı Tərtər Ray...

2018-08-13 20:55:07

CƏMİYYƏT
Xəzər dənizinin hüquqi statusuna dair Ko...
Xəzər dənizinin hüquqi statusuna dair Ko...

Qazaxıstanın Aktau şəhərində Xəzəryanı dövlətlərin dövlət başçılarının V Zir...

İQTİSADİ

2018-08-15 13:55:58

İQTİSADİ
Regionların sosial-iqtisadi inkişafı ölk...
Regionların sosial-iqtisadi inkişafı ölk...

Xalqımızın ümummilli lideri Heydər Əliyevin çevik ve məqsədyönlü sosial-iqtis...

2018-08-10 10:25:25

İQTİSADİ
“Financial Times”: Xəzəryanı dövlətlər b...
“Financial Times”: Xəzəryanı dövlətlər b...

“Financial Times” nəşri Xəzəryanı dövlətlərin prezidentlərinin Qazaxıstanın A...