2020-02-05 10:30:55 | QHT VƏ MEDİA
Gənclikdən xatirə

Hərdən iş başında olarkən daimi məşğuliyyətimdən ayrılıb bir anlıq xəyallara dalanda qaynar gənclik illərində yaşanan günlər-aylar göz önündə çanlanır. Gənclik illərim Sovet dövrünə təsadüf edib

O illər institutda, texnikumda və texniki-peşə məktəblərində təhsil alan tələbələri rayonlara, zəhmətdən yorulmayan kənd əməkçilərinə kömək məqsədilə pambıq yığımına aparırdılar. Bizi də təhsil aldığımız məktəbdən Ağcabədi rayonuna aparmışdılar. Qızlardan ibarət dəstəyə rəhbərlik edən müəlliməmiz də bizimlə getmişdi.

Bizə ayrıca məntəqədə sığınacaq vermişdilər. Özümüzlə lazımi əşyalar və azuqə götürsək də hər gün səhər-axşam, yəni tarlaya yola düşməzdən əvvəl və axşam çağı tarladan dönəndə bizi yemək-içməklə təmin edirdilər. Nahar fasiləsində isə tarlada bir yerə toplaşaraq hərə öz məvacibi ilə aldığı neməti süfrəyə düzər, sadiq dostlar, mehriban ailə üzvləri kimi birlikdə nuş edərdik.

Sonda hərə öz gördüyündən-bildiyindən danışardı. Söhbətin şirin yerində şən və zarafatcıl müəlliməmiz bizi mehribancasına səsləyib: Hə, qoçaq qızlarım, yediniz-işdiniz, di haydı iş baçına! Görüm hərəniz neçə kiloqram pambıq yığacaqsınız bu gün , - deyə gülümsəyərdi. Bu an hamı cəld yerindən sıçrayıb iş başına tələsərdi.

Aramızda şirin arzularla yaşayan, sözü-söhbətilə çoxumuzdan fərqlənən, davranışıyla bizlərdə maraq doğuran məsum baxışlı, asta yerişli bir qızcığaz vardı. Rəfiqələrilə duzlu-məzəli söhbətlər edər,onlar üçün görkəmli sənətkarların repertuarından yanıqlı mahnılar ifa edər, şerlər söyləyərdi. Ayrılıq qəhrini çəkən qızcığaz vəfasız yarını tez-tez yuxularında görərdi. Uğursuz sevginin qəmi-möhnəti köksünü dağlasa da, ürəyinə döz deyər, çəkdiklərini rəfiqələrindən pünhan saxlayardı. O, bulud kimi dolan qəlbini boşaltmaq üçün günc-bucağa sığınıb bəzən hönkürtü ilə,bəzən də ətrafdakılar bunu sezməsin deyə əllərini qoşa üzünə dayayar, başını aşağı dikib sakit-sakit ağlayardı.

Tarlada kədərli nəğmələr zümzümə edə-edə asta-asta cərgələr arasında gəzinərək vətənimizin sərvəti “ağ qızılı” toplayanda qarşısına çıxan rəngarəng gül-çiçəkləri ehtiyatla üzüb dəstə tutar, onlardan əlvan çələng toxuyar, saçlarına düzərdi.

Axşamlar kədəri ona güc gələndə sakitlik tapmaq üçün yatağına uzanar, gələcək barədə dərin düşüncələrə dalardı. Belə məqamlarda məntəqənin həyətindəki sərin bulaq kimi borudan axaraq enli zolaq şəklində görünən arxa tökülən suyun şırıltısı sanki ona həzin layla deyər, xumarlanaraq gözlərini qapayıb yuxuya gedərdi. ...Aydın və sakitlik hökm sürən günlərdən birində rəfiqələri qızğın iş başındaykən onlardan ayrılıb göz işlədikcə uzanan , ağ gülüstana bənzəyən tarlada bir kənarda dayanıb mavi göyləri seyrə dalırdı. Bu zaman səmada ağ buludlar arasında qara xal kimi görünən durna qatarının uçuşu diqqətini çəkdi. Qəhərdən gözləri dolan pərişan qız doğma eldən isti yerlərə köç edən durna qatarının ardınca xeyli baxdı. O, təbiətin bu ecazkar mənzərəsinə tamaşa etdikcə acı həsrətin şirin vüsalla əvəz olunmasına, köksündə dənizlər, çaylartək coşub-çağlayan ülvi məhəbbətin şərbətini dadacağına ümid bəsləyirdi.

Əhdinə dönük çıxmış yarının yad ellərə köç edən durnaların elə-yurda qayıdışı zamanı ona dönəcəyini öz-özlüyündə götür-qoy edirdi. Bəlkə də bu dəm yar həsrətilə gözləri yol çəkən nakam taleli qız qanadlı quş olub göylərə uçmaq, səf-səf düzülən durnalara qoşularaq yarının ömür etdiyi məkana qonub onunla qovuşmaq istəyirdi. Taledən, qismətdən umduğu isə ömür payına düşən günləri, ayları, illəri səadətlə yaşamaq, könül həmdəmilə həyatın enişli-yoxuşlu yollarında daim qoşa addımlamaq idi.

Nailə Süleymanlı

Baxış sayı : 595
Azərbaycan beynəlxalq hüquqa uyğun olaraq müdafiə hüququnu reallaşdırılır 2020-09-29 18:30:11 Prezident İlham Əliyev dövlət və hökumət başçılarının toplantısında videoformatda çıxış edib 2020-09-29 18:20:24 İşğal edilmiş ərazilərimizdəki mədəniyyət obyektlərinin sayı açıqlanıb 2020-09-29 09:55:19 ABŞ mediası erməni vəhşiliyindən yazdı 2020-09-29 09:25:59 “Mədəniyyət naminə elm” 2020-09-29 09:25:55 Rusiyalı politoloq: Prezident İlham Əliyevin fəaliyyəti Azərbaycan cəmiyyətində yüksək dəstəklənir 2020-09-29 08:10:22 Prezident İlham Əliyevlə BMT-nin Baş katibi arasında videokonfrans formatında görüş oldu 2020-09-29 07:25:56 İƏT Ermənistanın Azərbaycana qarşı təxribatını və hücumlarını qınayır 2020-09-28 19:25:14 “Ermənistan adlı suveren dövlət mövcud deyil” 2020-09-28 16:05:34 Beynəlxalq təşkilatlar məlumatlandırılıb 2020-09-28 11:50:08 Ermənilər Azərbaycanın 26 mülki vətəndaşını yaralayıb - Baş Prokurorluq 2020-09-28 10:20:13 TRT HABER Ermənistan silahlı qüvvələrinin Azərbaycana hücumları ilə bağlı xüsusi proqram yayımlayıb 2020-09-28 08:50:46 Azərbaycanda hərbi vəziyyət qüvvəyə minib 2020-09-28 07:05:42 Emin Həsənli: Xalqımızın ürəyi Azərbaycan əsgəri ilə döyünür 2020-09-28 06:55:50 "Ermənistan beynəlxalq hüququn norma və prinsiplərini pozur" 2020-09-28 06:50:27 Rusiyalı deputat: Ermənistan hərbi qüvvələrini işğal olunmuş ərazilərdən qeyd-şərtsiz çıxarmalıdır 2020-09-27 21:45:51 Ölkə QHT-lərinin müraciəti: Ali Baş Komandanımızın və Ordumuzun yanındayıq! 2020-09-27 20:25:03 Qardaş Azərbaycanı dəstəkləyirik - Pakistan XİN 2020-09-27 20:05:14 Prezident İlham Əliyev: Ermənistanın Azərbaycana qarşı davam edən işğalçılıq siyasəti onun faşist mahiyyətini bütün dünyaya göstərir 2020-09-27 14:05:59 Qarabağın Azərbaycanlı İcması cəbhədəki vəziyyətlə bağlı bəyanat yaydı 2020-09-27 11:45:15 Hikmət Hacıyev: Yaranmış vəziyyətə və hadisələrin gələcək inkişafına görə bütün məsuliyyət tam şəkildə Ermənistanın siyasi-hərbi rəhbərliyinin üzərinə düşür 2020-09-27 08:00:45 Ermənilərin Gürcüstandakı özbaşnalığı sərhəd tanımır 2020-09-27 07:45:39 Ermənistan ordusunda ruh düşkünlüyü dərinləşəcək 2020-09-26 10:10:50 “Kommersant” Azərbaycan Prezidentinin BMT-dəki çıxışını “olduqca kəskin” adlandırıb 2020-09-26 06:45:13