CƏMİYYƏT
A- A A+

“Stalinlə ixtilal xatirələri” kitabı

2020-02-03 11:50:42

.

Strasburqda tanınmış kitab mağazası “Kleber”də “Kəpəz” nəşriyyatının Azərbaycan Xalq Cümhuriyyətinin yaradıcısı Məhəmməd Əmin Rəsulzadənin anadan olmasının ildönümü münasibətilə onun fransız dilində nəşr edilmiş “Stalinlə ixtilal xatirələri” adlı kitabının təqdimatı olub.

Fact-info.az AZƏRTAC-a istinadən xəbər verir ki, Strasburq Universitetinin müəllimi, vəkil Tyeri Edmondun moderatorluğu ilə keçirilən təqdimat mərasimində şəhərdə olan bir çox diplomatlar, tanınmış ziyalılar, sakinlər iştirak ediblər.

Əvvəlcə Tyeri Edmond “Kəpəz” nəşriyyatı, eləcə də nəşriyyatın təsisçilərindən olan Nicat Kazımov, Jan-Emanüel Medina və Dilbadi Qasımov, onların fəaliyyəti barədə tədbir iştirakçılarına məlumat verib.

Kitabın ön sözünün müəllifi, Strasburq Universitetinin Türkologiya departamentinin direktoru, tarixçi Stefan dö Tapia və Strasburq şəhərinin ravini, Avropa institutlarının nümayəndəsi Mendel Samama çıxış edərək kitab haqqında danışıblar.

Stefan dö Tapia çıxışında Məhəmməd Əmin Rəsulzadə və Stalin haqqında ətraflı məlumat verib. Mövzuya tarixçi aspekti ilə yanaşaraq İossif Vissarionoviç Çuqaşvili ilə M. Rəsulzadənin arasındakı əvvəl dostluq, daha sonra isə düşmənçilik münasibətlərindən söz açıb. Azərbaycanın 1918-1920-ci illərdə üzləşdiyi tarixi çətinliklərdən və xalqımızın milli kimliyindən danışıb.

Strasburqun ravini Mendel Samama XX əsrin əvvəllərindəki məlum vəziyyətdən, Məhəmməd Əmin Rəsulzadənin keşməkeşli həyat yolundan bəhs edib. Bildirib ki, Azərbaycan bir yəhudi kimi onun tanıdığı ən təhlükəsiz ölkədir. Daha sonra o, Rəsulzadənin “Stalinlə ixtilal xatirələri” kitabında antisemitizmlə bağlı hissəyə dair fikirlərini bölüşüb, Azərbaycanda hələ qədim zamanlardan yəhudilərin heç bir çətinliklə üzləşmədiyini vurğulayıb.

Moderator kitabın tərcüməçisi Elvin Abbasbəyliyə təşəkkürünü bildirib.

Sonda tədbir iştirakçılarının sualları cavablandırılıb.

Təqdimat mərasimi “Bakan 7/8” musiqi qrupunun ifası ilə davam edib.

Qeyd edək ki, “Kəpəz” nəşriyyatı Strasburqda yaşayan həmvətənlərimizin fransızlarla birgə 2017-ci ildə təsis etdiyi yeganə Azərbaycan nəşriyyatıdır. “Kəpəz”in əsas məqsədi, ilk növbədə, Azərbaycan, eləcə də digər ölkələrin ədəbiyyatını, tarixini və mədəniyyətini təşviq etməkdir.


Kateqoriya : CƏMİYYƏT Baxış sayı : 232

QHT və MEDİA

2020-04-07 08:30:37

QHT və MEDİA
İctimai Qərargah ictimai sektorun poten...
İctimai Qərargah ictimai sektorun poten...

"Ümid edirəm ki, Şuranın təşkil etdiyi İctimai Qərargah #koronavirusla effekt...

2020-04-06 18:20:43

QHT və MEDİA
“Ruhlar şəhəri”ndən ruhlar planetinə...
“Ruhlar şəhəri”ndən ruhlar planetinə...

Ermənistan Ağdamı da işğal etdi və Şuşa kimi, Laçın, Kəlbəcər, Füzuli, Cəbray...

CƏMİYYƏT

2020-04-01 15:10:10

CƏMİYYƏT
31 mart 1918-ci il Bakı hadisələri bir i...
31 mart 1918-ci il Bakı hadisələri bir i...

XX əsr tariximizin ən ağrılı, ən qanlı, ən faciəli məqamı - xalqımızın və əra...

2020-03-30 14:00:00

CƏMİYYƏT
Milli həmrəyliyimiz, məsuliyyətli davran...
Milli həmrəyliyimiz, məsuliyyətli davran...

Bu barədə QHT.az-a Sosial Rifah və Tədqiqatlar İctimai Birliyinin sədri Əkrəm...

İQTİSADİ

2020-04-07 18:15:52

İQTİSADİ
Sahil Babayev: Fərdi sahibkarlar üçün DS...
Sahil Babayev: Fərdi sahibkarlar üçün DS...

Əmək və Əhalinin Sosial Müdafiəsi Nazirliyi İqtisadiyyat Nazirliyi ilə birlik...

2020-04-05 17:25:14

İQTİSADİ
Sahibkarlıqla bağlı Koordinasiya Şurası ...
Sahibkarlıqla bağlı Koordinasiya Şurası ...

Ölkədə sahibkarlıq fəaliyyətini (o cümlədən kiçik və orta sahibkarlığı) dəstə...