QHT və MEDİA
A- A A+

Azərbaycan səfiri “Özbəkistan 24” kanalına müsahibəsində ölkələrimiz arasında əlaqələrin inkişafından danışıb

2020-01-08 11:30:13

.

“Özbəkistan 24” televiziya kanalı Azərbaycanın Özbəkistandakı səfiri Hüseyn Quliyev ilə geniş müsahibə yayıb.

Fact-info.az AZƏRTAC-a istinadən xəbər verir ki, səfir müsahibəsində Azərbaycan-Özbəkistan dövlətlərarası münasibətlərinin yüksək səviyyədə olduğunu bildirib. O deyib ki, münasibətlər qarşılıqlı anlaşma, dərin tarixi köklər, milli adət-ənənələr, dil və mədəniyyətlərin yaxınlığına söykənir.

Hüseyn Quliyev vurğulayıb ki, ötən il Bakıda keçirilən Türk Şurasının yeddinci Sammiti çərçivəsində Özbəkistan Prezidenti Şavkat Mirziyoyevin Azərbaycana səfəri, Prezident İlham Əliyevlə görüşü ikitərəfli əməkdaşlığın gələcək inkişafına təkan verib. Bu görüş bir daha sübut etdi ki, həm Azərbaycanda, həm də Özbəkistanda siyasi, iqtisadi və digər sahələrdə əməkdaşlığı daha da dərindən inkişaf etdirmək üçün geniş imkanlar var. Zirvə görüşü Türk Şurasının yaradılması ilə bağlı Naxçıvan Sazişinin imzalanmasının 10 illiyi ilə eyni vaxta təsadüf edib. İndiyədək Türk Şurasının üzvü olan dövlətlər arasında mal mübadiləsi 7 milyard dollar təşkil edirdisə, Özbəkistanın bu quruma qoşulması ilə həmin rəqəm 12 milyard dollara çata bilər.

Ənənəyə görə hər il Bakıda dünya liderləri, ictimai-siyasi xadimlər arasında “İlin adamı” seçilir. Bakıda çap olunan “Tarixi şəxsiyyətlər” jurnalı Özbəkistanın inkişafında, ölkənin nüfuzunun yüksəlməsində, Azərbaycanla Özbəkistan arasında qardaşlıq münasibətlərinin dərinləşdirilməsi sahəsindəki xidmətlərinə görə ötən il Prezident Şavkat Mirziyoyevi “İlin adamı” elan edib.

Səfir bildirib ki, son 2-3 il ərzində Azərbaycanla Özbəkistan arasında mədəni-humanitar, turizm, sərmayə qoyuluşu sahələrində əlaqələr genişlənib.

Qeyd edilib ki, keçən il dekabrın 19-20-də Daşkənddə Azərbaycan, Özbəkistan, Gürcüstan, Türkmənistan və Qırğızıstan dəmir yolu idarələri rəhbərlərinin görüşü keçirilib. Tədbirdə bu ölkələr arasında yük həcminin artırılması, logistika infrastrukturunun inkişafı diqqət mərkəzində olub. Qərara alınıb ki, 2020-ci ilin birinci rübündə multimodal marşrut üzrə ilk pilot konteyner qatarı işə salınsın. Bu, nəqliyyat-logistika sahəsində uğurlu addımdır. İpək Yolu üzərindəki dövlətlərlə nəqliyyat sahəsində əməkdaşlıq bizim üçün çox əhəmiyyətlidir.

Səfir vurğulayıb ki, Bakı-Tbilisi-Qars dəmir yolu layihəsi Şərq-Qərb Transxəzər dəhlizinin mühüm hissəsi kimi dövlətlərimiz arasında iqtisadiyyatın inkişafına böyük kömək göstərəcək.

Hüseyn Quliyev xalqlarımız arasında dostluq münasibətlərinin əsrlərboyu davam etdiyini və edəcəyini vurğulayıb.


Kateqoriya : QHT və MEDİA Baxış sayı : 157

QHT və MEDİA

2020-03-28 08:05:34

QHT və MEDİA
Əzizağa Qəni-zadə: Azərbaycanla münasibə...
Əzizağa Qəni-zadə: Azərbaycanla münasibə...

Son günlərdə Ermənistan ordusunun bölmələri atəşkəs rejimini kobud surətdə po...

2020-03-27 08:00:41

QHT və MEDİA
Tofiq Abbasov: Azərbaycan Prezidentinin ...
Tofiq Abbasov: Azərbaycan Prezidentinin ...

İslahatlar bütün cəmiyyətlərdə tələb olunan dəyərdir. Bir çox hallarda cəmiyy...

CƏMİYYƏT

2020-03-21 10:05:33

CƏMİYYƏT
TRT Hacı Zeynalabdin Tağıyevə həsr edilm...
TRT Hacı Zeynalabdin Tağıyevə həsr edilm...

Türkiyənin “TRT AVAZ” televiziya kanalında yayımlanan “Köklərin izində” sənəd...

2020-03-19 10:20:52

CƏMİYYƏT
Azərbaycan musiqi tarixinin korifeyi
Azərbaycan musiqi tarixinin korifeyi

Ömrünü xalq musiqisinin təbliğinə həsr edənləri xalq heç vaxt yaddan çıxarmır...

İQTİSADİ

2020-03-23 12:10:28

İQTİSADİ
Könül Nurullayeva: Azərbaycan Prezidenti...
Könül Nurullayeva: Azərbaycan Prezidenti...

Fevralın 9-da Milli Məclisə keçirilən seçkilər Azərbaycanda demokratik dəyərl...

2020-03-17 11:00:35

İQTİSADİ
Hazırkı vəziyyət Rəqabət Məcəlləsinin qə...
Hazırkı vəziyyət Rəqabət Məcəlləsinin qə...

Artıq iqtisadi strukturlarda baş verən dəyişikliklər Rəqabət Məcəlləsinə qəbu...