2020-01-01 07:35:08 | QHT VƏ MEDİA
Rusiya ictimai rəyində Ermənistanın sürətlə zəifləyən və itirilən mövqeləri növbəti ağır zərbəni aldı

.

Prezident İlham Əliyevin Rusiya televiziyasına müsahibəsində Dağlıq Qarabağ problemi ilə bağlı fikirləri təcavüzkarın mövqelərinə hücum diplomatiyasının ən parlaq və dəqiq ifadə edilmiş səhifələrindən biridir.

Bunu Trend-ə "Bakı Xəbər" qəzetinin baş redaktoru, siyasi şərhçi Aydın Quliyev deyib.

O bildirib ki, Prezidentin çoxmilyonlu Rusiya auditoriyası qarşısında bəyan etdiyi tezislər müstəsna əhəmiyyətə malikdir və Rusiya ictimaiyyətini Dağlıq Qarabağ probleminin həqiqi mahiyyəti barədə daha dəqiq platforma ilə təmin etməkdə böyük təsir gücünə malikdir:

"Müsahibədə təcavüzkar Ermənistanın siyasəti barədə elə ifşaedici dəqiq məqamlar ortaya qoyuldu ki, Rusiyada çox güclü olan erməni lobbisi hətta illərlə cəhd göstərsə belə onun təsirlərini aradan qaldıra və neytrallaşdıra bilməyəcək. Prezident İlham Əliyevin müsahibəsini Rusiya ictimai rəyində Ermənistanın mövqelərinə növbəti sarsıdıcı zərbə də adlandırmaq olar. Rusiya ictimai rəyində Ermənistanın sürətlə zəifləyən və itirilən mövqeləri növbəti ağır zərbəni aldı.

Prezidentin müsahibəsinin təcavüzkara hücum və ifşaedici xarakterini bir neçə istiqamətdə nəzərdən keçirmək olar. Əvvəla, Ermənistanın baş nazirinin ağlasığmaz dərəcədə ziddiyyətli Qarabağ siyasətinin ən kiçik detallarına qədər tam ifşa edilməsinin maksimum həddini gördük".

Ekspert qeyd edib ki, Azərbaycan prezidentinin müsahibəsini dinləyəndən sonra Rusiya ictimaiyyəti Ermənistanın ali rəhbərliyinə xas "bir başda iki fikrin şizofreniya əlaməti" olması kimi klassık aforizmin həqiqiliyinə bir daha əmin olacaq:

"Eyni zamanda İlham Əliyevin apardığı təhlil və Ermənistanın ziddiyyətli siyasəti barədə söylədiyi fikirlər sülh üçün pozucu tərəfin məhz Ermənistan olduğunu qəti şəkildə isbat etmək baxımından müqayisəsiz faktdır. Bu cəhətdən Prezidentin bəyanatını tarixi nəticələr doğura bilən addımlardan biri saymaq lazımdır. İkincisi, Azərbaycan Prezidenti növbəti dəfə Ermənistan rəhbərliyinin heç bir dəqiq Qarabağ həll platformasına malik olmadığını sözün həqiqi mənasında ifşa etdi. Prezidentin Ermənistan rəhbərliyinin Qarabağın nə olduğunu bilmədiyi barədə sözlərinin Rusiya ictimaiyyətinə, ziyalılara və siyasi elitaya dərin təsir göstərəcəyi şübhəsizdir. Üçüncüsü, Prezident İlham Əliyev Qarabağ probleminin möhkəm həlli üçün alternativsiz olan platformanı növbəti dəfə təqdim etdi. Bu, beynəlxalq hüquq normaları və Azərbaycanın tanınmış sərhədlər daxilində ərazi bütövlüyü prinsipi ilə həlli deməkdir. Prezident bütün dünyaya dəqiq ifadə edilmiş bu mövqedən heç bir halda geri dönüşün mümkünsüz olduğunu bir daha bəyan etdi.

Nəhayət, Azərbaycan Prezidenti məntiq və arqumentlərlə tam sübut etdi ki, Ermənistanın pozucu siyasəti bütün regionda sülhü və sabitliyi böyük təhlükə altına atmaqla heç bir region dövlətinin, ilk növbədə Rusiyanın özünün regional siyasət mənafelərinə qəti uyğun gəlmir".

A.Quliyev vurğulayıb ki, Azərbaycan Prezidenti Rusiya-Azərbaycan əməkdaşlığının sürətlə inkişaf edərək regionumuzda həlledici sülh və sabitlik qarantına çevrildiyini bir daha nümayiş etdirdi:

"Bu o deməkdir ki, regionumuzda ümumi sabitlik və inkişaf üçün xüsusi məsuliyyət daşıyan Rusiya öz missiyasını icra edərkən faktiki olaraq Ermənistanın təcavüzkar siyasətinin timsalında pozucu bir maneə ilə üzləşir. Konkret desək, Prezidentin müsahibəsi Ermənistanın hazırkı pozucu siyasətinin hətta Moskvanı da qane etmədiyini inandırıcı şəkildə ortaya qoydu. 2019 -cu ilin son günlərində Prezident Azərbaycanın hücum diplomatiyasının qəti qələbəyönümlü olduğunu bir daha nümayiş etdirdi".

Baxış sayı : 355
Prezident İlham Əliyev: Avropa İttifaqı ilə Azərbaycan arasında çox yüksək səviyyəli tərəfdaşlıq mövcuddur 2020-09-24 15:30:27 Azərbaycanın 3 şəhəri YUNESKO-nun şəbəkəsinə üzv seçilib 2020-09-24 10:20:28 Rusiyalı tarixçi, analitik Oleq Kuznetsov: KTMT-nin heç bir üzvü təcavüzkarı dəstəkləməyi arzulamır 2020-09-24 09:20:32 “Qarabağ münaqişəsi Azərbaycanın ərazi bütövlüyü çərçivəsində həll olunmalıdır” 2020-09-24 08:20:05 "Ordunun gücləndirilməsi üçün növbəti ilin büdcəsində ciddi artım nəzərə alınıb" 2020-09-24 07:25:27 Şura haqqında böhtan yayan saytlar məhkəməyə veriləcək 2020-09-24 07:15:00 Arsak toponimi ilə bağlı real faktlar - Açıqlama 2020-09-23 21:10:53 Azərbaycanın siyasi dialoq platforması beynəlxalq arenaya çıxarıldı – Rufiz Qonaqov 2020-09-23 16:20:16 Əhmədiyyə Cəbrayılovun 100 illiyinə həsr olunmuş virtual sərgi keçiriləcək 2020-09-23 08:40:50 Rəcəb Tayyib Ərdoğan: Ermənistan Cənubi Qafqazda sülhə və sabitliyə ən böyük maneədir 2020-09-23 08:25:07 Xarici media Dağlıq Qarabağa PKK terrorçularının gətirilməsndən yazıb 2020-09-23 07:05:11 Ölkə vətəndaşlarının təlim toplanışlarına böyük ruh yüksəkliyi ilə qatılması dövlətimizə olan inamın bariz nümunəsidir 2020-09-23 06:40:28 Bütün dünya bilir ki, Azərbaycan qısa bir zamanda öz torpaqlarını azad etməyə qadirdir! 2020-09-23 06:25:35 Türkiyə və Azərbaycan prezidentləri arasında telefon danışığı oldu 2020-09-22 20:45:23 Ermənistanda məktəb dərsliklərində tarix saxtalaşdırılaraq azərbaycanlılara nifrət aşılanır 2020-09-22 09:30:46 “Karabakh is Azerbaijan!" Milli Platformasının xaricdəki koordinatorlarının ilk videokonfransı keçirilib 2020-09-22 08:25:47 “Qafqazın geosiyasəti: Dağlıq Qarabağ münaqişəsi” 2020-09-22 08:10:06 Ombudsman növbəti erməni təxribatına dair beynəlxalq təşkilatlara müraciət etdi 2020-09-22 07:15:21 Mövlud Çavuşoğlu: "Azərbaycanın haqlı mübarizəsində daim yanındayıq" 2020-09-22 06:55:23 "Ermənistanın baş naziri danışıqların mahiyyətini məqsədyönlü şəkildə pozur" 2020-09-21 22:00:16 “Dağlıq Qarabağla bağlı informasiyaların dünyaya çatdırılması işi davamlı aparılmalıdır ” 2020-09-21 15:15:07 Gürcüstan saytları Prezident İlham Əliyevin Ermənistanın təxribatları ilə bağlı fikirlərinə geniş yer ayırıb 2020-09-21 09:50:59 Məhəbbət Paşayeva: Qafqaz Albaniyası Azərbaycanın qədim dövlətidir və bu dövlətin varisləri biz azərbaycanlılarıq 2020-09-21 09:45:18 “Ermənistanın indiki rəhbərliyi məsuliyyət dərk etmir” 2020-09-21 09:15:08