TƏDQİQATLAR
A- A A+

"Qarabağ münaqişəsi təhlükəli mərhələyə keçib"

2019-10-09 10:00:01

.

Polşanın nüfuzlu ingilisdilli “Yeni Şərqi Avropa” ("New Eastern Europe") jurnalı Ermənistan-Azərbaycan münaqişəsi haqqında “Dağlıq Qarabağ münaqişəsi təhlükəli mərhələyə keçib” adlı məqalə yayımlayıb.

"Report"un məlumatına görə, Beynəlxalq Münasibətlərin Təhlili Mərkəzinin eksperti Vasif Hüseynovun müəllifi olduğu məqalədə Dağlıq Qarabağ münaqişəsi tərəfləri arasında danışıqların uğursuz olmasından bəhs olunur və beynəlxalq ictimaiyyətin konstruktiv müdaxiləsinin olmayacağı halda bölgədə hərbi toqquşmaların artacağına dair xəbərdarlıq edilir.

Müəllif bildirir ki, 2018-ci ilin yazında Ermənistanda baş vermiş hökumət dəyişikliyindən sonra münaqişənin həlli ilə bağlı yaranmış nikbinlik özünü doğrultmayıb. Belə ki, baş nazir Nikol Paşinyan hakimiyyətinin ilk dövründə danışıqlara meyilli yanaşma nümayiş etdirilir və müsbət mesajlar verilirdi: “Məsələn, keçən ilin sentyabr ayında Tacikistanın paytaxtı Düşənbə şəhərində MDB sammiti çərçivəsində qeyri-rəsmi görüşən Azərbaycan və Ermənistan liderləri cəbhə xəttində gərginliyi azaltmaq və operativ rabitə kommunikasiyası yaratmaq barədə razılığa gəliblər. Daha sonrakı aylarda xalqları sülhə hazırlamaq və buna bənzər digər nikbin bəyanatlar verilirdi”.

V.Hüseynov qeyd edir ki, bu vəziyyət heç bir real müsbət nəticə vermədi: “Paşinyanın dəyişən ritorikası fonunda Ermənistan liderlərinin intensivləşən aqressiv bəyanatları, Azərbaycana qarşı ərazi iddialarını daha çılpaq şəkildə ifadə etməkdən çəkinməmələri danışıqlar prosesini dalana dirəyib. Bunun nəticəsidir ki, sentyabrın 28-də BMT Baş Assembleyasında çıxışı zamanı Azərbaycan Xarici İşlər naziri Elmar Məmmədyarov ötən bir il ərzində münaqişənin həlli istiqamətində heç bir irəliləyişin qeydə alınmadığını dünya ictimaiyyətinin diqqətinə çatdırdı”.

Məqalədə vurğulanır ki, sonuncu dəfə danışıqlar prosesində ümidsizlik 2016-cı ilin aprelində atəşkəs müqaviləsinin imzalandığı 1994-cü ildən bu yana baş vermiş ən böyük hərbi toqquşma ilə nəticələndi.

“Buna görə də hazırkı vəziyyət dünya ictimaiyyəti, xüsusilə Avropa İttifaqı və BMT tərəfindən ciddi nəzərə alınmalı və bölgədə daha bir qanlı eskalasiyanın olmaması üçün Ermənistan tərəfi substantiv danışıqlara məcbur edilməlidir”, - deyə müəllif vurğulayır.


Kateqoriya : TƏDQİQATLAR Baxış sayı : 428

QHT və MEDİA

2020-06-03 09:15:29

QHT və MEDİA
Şura qrant müsabiqəsi elan edir
Şura qrant müsabiqəsi elan edir

Azərbaycan Respublikasının Prezidenti yanında Qeyri-Hökumət Təşkilatlarına Dö...

2020-06-02 07:55:01

QHT və MEDİA
“La Vanguardia”: Azərbaycan işğal olunmu...
“La Vanguardia”: Azərbaycan işğal olunmu...

İspaniyanın populyar “La Vanguardia” qəzeti Azərbaycanın Müdafiə naziri Zakir...

CƏMİYYƏT

2020-06-04 11:05:08

CƏMİYYƏT
Dövlətçilik tariximizin parlaq səhifəsi...
Dövlətçilik tariximizin parlaq səhifəsi...

O illərdə xalqımızın qabaqcıl şəxsiyyətləri, mütəfəkkir adamları, ziyalıları ...

2020-06-03 08:40:48

CƏMİYYƏT
Azərbaycan Ordusu - 102
Azərbaycan Ordusu - 102

“Danışıqlar öz yerində, ancaq indi dünyada siz də yaxşı görürsünüz ki, güc a...

İQTİSADİ

2020-05-29 09:30:52

İQTİSADİ
Azərbaycan postpandemiya dövründə biznes...
Azərbaycan postpandemiya dövründə biznes...

Dünyanın aparıcı şirkətlərinin Azərbaycana marağı artmaqdadır. Hətta pandemiy...

2020-05-15 10:35:56

İQTİSADİ
Azərbaycan Qafqazdan keçən Avrasiya nəql...
Azərbaycan Qafqazdan keçən Avrasiya nəql...

Azərbaycan Qafqaz regionundan keçən Avrasiya nəqliyyat marşrutlarının inkişaf...