QHT və MEDİA
A- A A+

Rafael Hüseynov: Avropa Şurası ailəsində terrorizmin yanında olan dövlətin varlığını unutmayın

2019-10-03 07:40:00

.

Avropa Şurası Parlament Assambleyasının (AŞPA) payız sessiyasında ən böyük maraq doğuran məruzələrdən biri “Terrorizm qurbanlarının müdafiəsi və dəstəklənməsi” mövzusunda hazırlanmış hesabat oldu. Gərgin keçən həmin müzakirələrə qatılan Azərbaycan nümayəndə heyətinin üzvü Rafael Hüseynov terror faciələrini hər kəsin lənətlədiyini, amma bu dərdin bütün dəhşətini ilk növbədə onu taleyində yaşayanların olduğunu dedi: “Terrorun necə dəhşət olduğunu təbii ki, hər kəs bilir. Bu gün dünyanın və bəşəriyyətin üzbəüz qaldığı ən böyük bəlalardan olan terror və terrorçunu, əlbəttə, hər kəs lənətləyir. Lakin aydın məsələdir ki, terror faciəsini bilavasitə yaşamış insanlar və ondan əziyyət çəkməkdə davam edənlər bu mərəzin kədərini ikiqat artıq anlayırlar”.

Azərbaycanın Ermənistan və ona bağlı terror təşkilatları tərəfindən terrora məruz qaldığından bəhs edən deputat həmin müdhiş şəbəkə haqda Parlament Assambleyası üzvlərini ətraflı məlumatlandırıb: “Terror hədəfinə çevrilmiş bir insanı da, bir neçə nəfəri də mütləq müdafiə etmək, dəstəkləmək, onlara qayğı göstərmək lazımdır. Lakin terrora məruz qalan bütöv bir xalq, bütöv bir ölkədirsə, onu qorumaq və dəstəkləmək üçün səylər daha mütəşəkkil, daha sistemli, daha miqyaslı olmalıdır. Azərbaycan sadəcə ayrı-ayrı fərdlərin, yaxud qruplaşmaların deyil, bütöv dövlətin törətdiyi genişmiqyaslı və onillərlə davam edən müdhiş terrorun hədəfi və qurbanı kimi bu ağrılı mövzunu qəlbinə çox yaxın tutur. Dünyada məşhur olan erməni terror şəbəkəsinin “ASALA”, “Haydut”, “Hnçaq” kimi köhnə qaniçən birləşmələrinin sırasına 1980-90-cı illərdə Fransada, İsveçrədə, Rusiyada və digər ölkələrdə yaradılaraq saysız qanlı cinayətlər törətmiş “9 iyun qrupu”, “İntiharçılar eskadronu”, “Erməni birliyi”, “Erməni azadlıq hərəkatı”, “İsveçrə qrupu”, “Geqaron”, “Apostol” və digərləri əlavə edilib”.

Ermənistanı terrorçu dövlət adlandıran Rafael Hüseynov bunu konkret və danılmaz faktlarla açıb göstərib: “Avropa Şurasının üzvü olan Ermənistanın terrorizmi dövlət siyasətinin tərkib hissəsinə çevirdiyinin sübutları göz önündədir. Qərbi Avropada “ASALA inqilabi hərəkatı” adlı terror qruplaşmasının rəhbəri, bütün başqa qəddar cinayətlərindən savayı 1983-cü ildə Orli hava limanında törətdiyi, müxtəlif ölkələrin vətəndaşı olan 8 nəfərin ölümü, 60 nəfərin yaralanması ilə nəticələnən terror aktına görə Fransa hökuməti tərəfindən məhkum edilmiş Monte Melkonyan rəsmən Ermənistanın Milli Qəhrəmanı elan edilmiş, Yerevanda abidəsi və adına küçə vardır. Yaxud Fransada, Macarıstanda, Azərbaycanda onlarca insanın ölümü ilə nəticələnmiş silsilə terror aktları törətmiş Vazgen Sislyan da Ermənistanın sabiq prezidenti Robert Koçaryan tərəfindən qəhrəman elan edilmişdir. Parisdə törətdiyi, fransız vətəndaşların da həlak olduğu dəhşətli terror aktına görə Fransa məhkəməsi tərəfindən ömürlük həbs cəzasına məhkum edilmiş Varujan Karapetyan Ermənistan dövləti tərəfindən qəhrəman adına layiq görülmüşdür. Nasist Qaregin Njdeyə Yerevanda Ermənistan dövləti tərəfindən abidə qoyulması da bu dövlətin terrorizmlə birgə olması, məhz terrorçuları əsl qəhrəmanlar deyə qəbul etməsi və dəstəkləməsinə əyani sübut deyilmi?”

Xocalıda ermənilərin törətdiyi vəhşilikləri dünyanın ən dəhşətli soyqırımlarından adlandıran Rafael Hüseynovun bu faciənin də əsas müəllifinin Ermənistanın dövlət rəhbəri olduğunu vurğulayıb: “Dəhşətləri etibarilə ikinci Holokost adlandırılan Xocalı qırğınını dünyanın bir çox dövlətləri və bir sıra ölkələrin parlamentləri rəsmən soyqırımı aktı kimi tanıyırlar. Ermənistanın iki sabiq prezidentinin bu soyqırımının bilavasitə iştirakçısı olması, xarici mətbuata verdikləri müsahibələrdə bununla fəxr etdiklərini açıqca bəyan etmələri bu dövlətin terrorla nəfəs almasına ən əyani göstərici deyilmi?”.

Bu qəbil məruzələrin həm də bütün üzv ölkələrə bir çağırış olduğunu söyləyən Rafael Hüseynov, eyni zamanda, xəbərdar edib ki, Avropa Şurası ailəsində terrorçu dövlətin olduğunu unutmayın: “Əlbəttə ki, son dərəcə nəcib niyyət güdən bu məruzəni biz təqdir edir və tam dəstəkləyirik. Bu məruzə sadəcə ciddi bir problemlə bağlı hazırlanmış əhatəli hesabat-araşdırma deyil. Bu məruzə, ilk növbədə, insanlıq əleyhinə olan ağır cinayətlərə qarşı mübarizədə birgə fəaliyyət göstərməyə dəvət edən çağırışdır. Hamımız bu həyəcanlı və narahat səsi eşidək, nəticələr çıxaraq, daha artıq həmrəy olaq. Amma bunu da unutmayaq ki, bizimlə eyni ailənin üzvü olanların arasında terrorizmin yanında olan dövlət də var”.(Azərtac)


Kateqoriya : QHT və MEDİA Baxış sayı : 176

QHT və MEDİA

2019-11-22 09:50:24

QHT və MEDİA
“Daşnaklar Fərqanədən Qarabağa qədər” ki...
“Daşnaklar Fərqanədən Qarabağa qədər” ki...

Bakıda özbəkistanlı yazıçı Şöhrət Barlasın müəllifi olduğu “Daşnaklar Fərqanə...

2019-11-22 09:40:48

QHT və MEDİA
Ankarada “erməni-nasist əməkdaşlığı” möv...
Ankarada “erməni-nasist əməkdaşlığı” möv...

Ankarada fəaliyyət göstərən Avrasiya Araşdırmalar Mərkəzində (AVİM) “erməni-n...

CƏMİYYƏT

2019-11-21 21:30:38

CƏMİYYƏT
Faşist cəlladı Qaregin Njdenin heykəlini...
Faşist cəlladı Qaregin Njdenin heykəlini...

Hələ 2018-ci ilin martın 26-da Gürcüstanın Slavyan Xalqları Konqresinin sədr...

2019-11-19 09:25:12

CƏMİYYƏT
Sərt qayalar üzərində inşa edilmiş Diri ...
Sərt qayalar üzərində inşa edilmiş Diri ...

Qobustanda yerləşən Diri baba türbəsi Şirvan-Abşeron memarlıq üslubunda inşa ...

İQTİSADİ

2019-11-22 11:20:13

İQTİSADİ
Avropa-Qafqaz-Asiya nəqliyyat dəhlizinin...
Avropa-Qafqaz-Asiya nəqliyyat dəhlizinin...

Yanvar-sentyabr aylarında Avropa-Qafqaz-Asiya nəqliyyat dəhlizinin Azərbaycan...

2019-11-18 18:35:15

İQTİSADİ
2019-cu ilin 9 ayı ərzində avtomobil yo...
2019-cu ilin 9 ayı ərzində avtomobil yo...

-Agentlik yol infrastrukturunun inkişafı ilə bağlı işlərin kompleks şəkildə...