CƏMİYYƏT
A- A A+

Fərid Şəfiyev: Ermənistan baş nazirinin bəyanatı dünya ictimaiyyətində çaşqınlıq yaratmaq üçün edilən növbəti cəhddir

2019-08-08 08:25:31

.

Bu gün Ermənistan Xarici İşlər Nazirliyi avqustun 5-də Azərbaycanın işğal olunmuş ərazilərində çıxış edərkən Dağlıq Qarabağın Ermənistana məxsus olduğunu deyən və “miatsum”-“birləşmə” şüarından istifadə edən baş nazir Nikol Paşinyanın bəyanatını təkzib etməyə cəhd göstərib. Məhz bu şüarla erməni millətçiləri 1988-ci ilin fevralında qanlı münaqişəyə başlamışdılar. Ermənistan XİN-in bəyanatına əsasən isə söhbət mənəvi birləşmədən gedir. Məgər onlar Ermənistan silahlı qüvvələrinin harada yerləşdirildiyini, Azərbaycanın işğal olunmuş torpaqlarında ölən erməni əsgərlərinin harada xidmət etdiklərini görmürlər?

AZƏRTAC xəbər verir ki, bu fikirlər Beynəlxalq Münasibətlərin Təhlili Mərkəzinin sədri Fərid Şəfiyevin Ermənistanın baş nazirinin və Xarici İşlər Nazirliyinin bəyanatlarına şərhində yer alıb.

“Biz Ermənistanda yüksəkvəzifəli şəxslərin və dövlət strukturlarının bir-birilərinə zidd fikirlər səsləndirmələrinin ilk dəfə şahidi olmuruq. Belə ki, 2019-cu il martın sonlarında Vyanada yüksək səviyyəli danışıqların nəticəsində Ermənistan baş nazirinin Ermənistan-Azərbaycan münaqişəsinin sülh yolu ilə həlli perspektivlərinə dair bəyanatından sonra müdafiə naziri David Tanoyan Nyu-Yorkda “yeni ərazilər uğrunda yeni müharibə”yə dair bəyanat səsləndirdi.

İlk gündən Azərbaycanda bilirdilər ki, qondarma “Qarabağ hərəkatı” Azərbaycan torpaqlarının erməni milliyyətçiləri tərəfindən ilhaqı məqsədilə başladılmış kampaniyadır. Bununla əlaqədar olaraq, 1989-cu il dekabrın 1-də Ermənistan SSRİ Ali Sovetinin o zamankı parlamenti tərəfindən Dağlıq Qarabağın birləşdirilməsinə dair məşhur fərman imzalandı. SSRİ-nin süqutundan sonra erməni millətçiləri taktikanı bir qədər dəyişdilər və bir tərəfin digər tərəfə ərazi iddiasının beynəlxalq ictimaiyyətdə mənfi reaksiyaya səbəb olacağını düşünərək, özlərinin müstəqillik ideyalarına beynəlxalq müşahidəçilərin rəğbətini qazanmaq məqsədilə beynəlxalq arenaya Dağlıq Qarabağın öz müqəddəratını təyinetmə şüarını buraxdılar. BMT və digər beynəlxalq təşkilatlar isə Dağlıq Qarabağı Azərbaycanın bir hissəsi olaraq tanıdılar”, - deyə F.Şəfiyev bildirib.

Mərkəzin sədri vurğulayıb ki, erməni təbliğatçılarının bütün cəhdləri, o cümlədən qondarma “Dağlıq Qarabağ respublikası”nın “liderləri”nin Avstraliyaya səfəri uğursuzluğa düçar olur. Bu ölkənin Xarici İşlər Nazirliyi yenidən öz bəyanatında Azərbaycanın ərazi bütövlüyünü qeyd-şərtsiz dəstəklədiyini ifadə etdi.

Ermənistan rəhbərliyinin hərbi təcavüzü legitimləşdirmək cəhdlərinin heç bir perspektiv vəd etməyəcəyini, Azərbaycanla sülh əldə olunmasa, sosial-iqtisadi inkişafın mümkünsüzlüyünü anlaya bilməməsi təəssüf doğurur. Regionun gələcəyi dövlətlərin beynəlxalq səviyyədə tanınmış sərhədlər çərçivəsində, sülh şəraitində birgə yaşamasından asılıdır. Dağlıq Qarabağda sülh erməni və azərbaycanlı icmaların Azərbaycanın ərazi bütövlüyü çərçivəsində birgə yaşamasına əsasən olmalıdır.

Ermənistan baş nazirinin və Xarici İşlər Nazirliyinin bəyanatı ATƏT-in Minsk qrupu həmsədrlərinin fəaliyyətinə hörmətsizliyin təzahürüdür və dünya ictimaiyyətində çaşqınlıq yaratmaq üçün edilən növbəti cəhddir.


Kateqoriya : CƏMİYYƏT Baxış sayı : 708

QHT və MEDİA

2020-08-02 07:45:09

QHT və MEDİA
"Ermənistanın Soros Fondundan maliyyələş...
"Ermənistanın Soros Fondundan maliyyələş...

"Ermənistanın hazırkı Baş naziri Nikol Paşinyan da daxil olmaqla indiki siyas...

2020-08-01 05:20:48

QHT və MEDİA
“Arabnews” qəzetində ABŞ-ın tanınmış pol...
“Arabnews” qəzetində ABŞ-ın tanınmış pol...

Səudiyyə Ərəbistanının nüfuzlu “Arabnews” qəzetinin “Associated Press” inform...

CƏMİYYƏT

2020-07-28 11:10:10

CƏMİYYƏT
Rumıniyanın “News24hours” xəbər portalı ...
Rumıniyanın “News24hours” xəbər portalı ...

Rumıniyanın nüfuzlu “News24hours.ro” xəbər portalı Azərbaycanın Rumıniyadakı ...

2020-07-25 17:30:35

CƏMİYYƏT
Ermənilərin məkrli gedişləri
Ermənilərin məkrli gedişləri

Əslində hayların bu qara siyasəti kilsələrdə təşəkkül taparaq dövriyyəyə bura...

İQTİSADİ

2020-07-30 07:55:58

İQTİSADİ
SOCAR QHT nümayəndələri ilə onlayn görüş...
SOCAR QHT nümayəndələri ilə onlayn görüş...

SOCAR-da qeyri-hökumət təşkilatlarının nümayəndələri ilə insan resurslarının ...

2020-07-19 10:35:32

İQTİSADİ
"Ermənistan təcavüzkar siyasətinə görə m...
"Ermənistan təcavüzkar siyasətinə görə m...

Dünyada nüfuzlu Dövlət Borcunun İdarəedilməsi Şəbəkəsi (PDMN) Ermənistanın ma...