QHT və MEDİA
A- A A+

Səfir Polad Bülbüloğlu: “Müharibə hələ bitməyib”

2019-06-27 07:40:15

“Ordu quruculuğu Azərbaycan üçün ən vacib məsələlərdəndir. Çünki biz müharibə şəraitində yaşayırıq. Müharibə hələ bitməyib. Müharibəninyalnız birinci mərhələsi bitib”

APA-nın Rusiya bürosunun verdiyi məlumata görə, bu fikirləri Azərbaycanın Rusiyadakı fövqəladə və səlahiyyətli səfiri Polad Bülbüloğlu Moskvada xarici ölkələrin hərbi attaşelərinin iştirakı ilə keçirilən Azərbaycan Silahlı Qüvvələrinin yaranmasının 101-ci illiyinə həsr olunan qəbulda çıxışı zamanı bildirib.

“Bizim əsas vəzifəmiz ərazi bütövlüyümüzü bərpa etməkdir. Dağlıq Qarabağ Azərbaycanın əzəli tarixi toprpağıdır. Azərbaycan xalqı əsrlər boyu bu torpaqlarda yaşayıb və yaradıb. Beynəlxalq hüquqa əsasən Dağlıq Qarabaö Azərbaycanın ayrılmaz tərkib hissəsidir. Rusiyada daxil olmaqla, bütün dünya ölkələri, beynəlxalq təşkilatlar Azərbaycanın ərazi bütövlüyünü dəstəkləyir. Son illər dünyanın aparıcı beynəlxalq təşkilatları Dağlıq Qarabağ münaqişəsi ilə bağlı çoxsaylı qətnamələr və qərarlar qəbul edib. Onlardan birincisi BMT Təhlükəsizlik Şurasının qəbul etdiyi dörd qətnamədir ki, orada Ermənistan Silahlı Qüvvələrinin şərtsiz olaraq işğal etdikləri torpaqlardan çıxarılmalı olduğu göstərilib. Bu qətnamələr icra olunmamamlarına baxmayaraq, hələ də qüvvədədirlər”,-deyə diplomat vurğulayıb.

Səfir Polad Bülbüloğlu Ermənistan tərəfindən Azərbaycan xalqına qarşı etnik təmizləmə siyasətinin aparıldığını xatırladıb: “Bir milyondan çox insan özdədə-baba yurdundan qaçıqın və məcburi köçkün düşüb. Xocalı soyqırımı törədilib, hansı ki, bu soyqırımı aktını dünyanın 10-dan çox ölkəsi tanıyıb.

Anlamaq lazımdır ki, Azərbaycan xalqı heç vaxt işğalla barışmayacaq, öz ərazi bütövlüyünü bərpa edəcək. Bunun üçün biz güclü ordu yaratmışıq, hansı ki, ən müasir silahlar və texnika ilə təchiz olunub.

Azərbaycanda istehsalı olunan çoxsaylı hərbi təyinatlı məhsullar günü gündən ordumuzun potensialını möhkəmləndirir. Bununla yanaşı Azərbaycan bir çox ölkələrdən, o cümlədən Rusiyadan ən müasir silah və texnika alır. Bu məsələ Ali Baş Komandan, Azərbaycan Prezidenti İlham Əliyevin şəxsi nəzarəti altındadır. Onun rəhbərliyi altında Azərbaycan ordusunun daha müasir və daha güclü olması üçün hər şey edilir”.

Diplomat Azərbaycanda vətənpərvərlik ruhunun yüksək olduğunu qeyd edib: “Azərbaycan ordusunun döyüş qabiliyyəti yüksək səviyyədədir. Bunu 2016-cı ilin aprel hadisələri də göstərdi. Həmin zaman Ermənistan Azərbaycan xalqına qarşı növbəti hərbi təxribatı törətmişdi, mülki əhaliyə qarşı güc tətbiq etmişdi. Azərbaycan ordusu işğalçını cəzasız qoymadı, ona layiqli cavab verdi. Uğurlu əkshücum əməliyyatı keçirərək torpaqlarımızın bir hissəsini işağldan azad etdi. Ordumuzun peşəkarlığının daha bir aydın nümunəsi 2018-ci ilin Naxçıvan əməliyyatıdır. Bu əməliyyat nəticəsində 90-cı illərin əvvəllərində Ermənistan tərəfindən tutulan strateji yüksəkliklər azad olunub. Əminəm ki, gün gələcək, Azərbaycan bayrağı bu gün işğal altında qalan torpaqlarda, mənim doğma şəhərim Şuşada qürurla dalğalanacaq”.


Kateqoriya : QHT və MEDİA Baxış sayı : 334

QHT və MEDİA

2019-11-22 09:50:24

QHT və MEDİA
“Daşnaklar Fərqanədən Qarabağa qədər” ki...
“Daşnaklar Fərqanədən Qarabağa qədər” ki...

Bakıda özbəkistanlı yazıçı Şöhrət Barlasın müəllifi olduğu “Daşnaklar Fərqanə...

2019-11-22 09:40:48

QHT və MEDİA
Ankarada “erməni-nasist əməkdaşlığı” möv...
Ankarada “erməni-nasist əməkdaşlığı” möv...

Ankarada fəaliyyət göstərən Avrasiya Araşdırmalar Mərkəzində (AVİM) “erməni-n...

CƏMİYYƏT

2019-11-21 21:30:38

CƏMİYYƏT
Faşist cəlladı Qaregin Njdenin heykəlini...
Faşist cəlladı Qaregin Njdenin heykəlini...

Hələ 2018-ci ilin martın 26-da Gürcüstanın Slavyan Xalqları Konqresinin sədr...

2019-11-19 09:25:12

CƏMİYYƏT
Sərt qayalar üzərində inşa edilmiş Diri ...
Sərt qayalar üzərində inşa edilmiş Diri ...

Qobustanda yerləşən Diri baba türbəsi Şirvan-Abşeron memarlıq üslubunda inşa ...

İQTİSADİ

2019-11-22 11:20:13

İQTİSADİ
Avropa-Qafqaz-Asiya nəqliyyat dəhlizinin...
Avropa-Qafqaz-Asiya nəqliyyat dəhlizinin...

Yanvar-sentyabr aylarında Avropa-Qafqaz-Asiya nəqliyyat dəhlizinin Azərbaycan...

2019-11-18 18:35:15

İQTİSADİ
2019-cu ilin 9 ayı ərzində avtomobil yo...
2019-cu ilin 9 ayı ərzində avtomobil yo...

-Agentlik yol infrastrukturunun inkişafı ilə bağlı işlərin kompleks şəkildə...