SİYASƏT
A- A A+

Azərbaycan ərazilərinin işğalına son qoyulması davamlı inkişaf gündəliyinin regionumuzda icrası üçün başlıca şərtdir

2015-09-27 15:55:26

Azərbaycan ərazilərinin işğalına son qoyulması və məcburi köçkünlərin öz doğma evlərinə qayıtmasının təmin edilməsi davamlı inkişaf gündəliyinin regionumuzda icrası üçün başlıca ilkin şərtdir

Xarici İşlər Nazirliyinin mətbuat xidmətindən AZƏRTAC-a bildiriblər ki, bu fikri nazir Elmar Məmmədyarov BMT-nin 2015-ci ildən sonrakı dövr üçün inkişaf gündəliyinin qəbul edilməsi üzrə zirvə toplantısında çıxış edərkən deyib.

BMT-nin 2015-ci ildən sonrakı dövr üçün inkişaf gündəliyi üzrə danışıqların uğurlu nəticəsini yüksək qiymətləndirən Elmar Məmmədyarov sürətlə inkişaf edən iqtisadiyyata malik ölkələrdən olan Azərbaycanın son illərdə əldə etdiyi mühüm uğurlardan danışıb. Bildirib ki, qlobal iqtisadi və maliyyə böhranlarına baxmayaraq, 2015-ci ilin birinci yarısında Azərbaycanda 5,7 faizlik iqtisadi artım qeydə alınıb, qeyri-neft sektorunda artım 9,2 faiz olub. Azərbaycan, Türkiyə, Yunanıstan, Albaniya və İtaliyanın enerji kəmərləri şəbəkəsini birləşdirəcək Trans-Anadolu və Trans-Adriatik təbii qaz kəmərləri və “Cənub” qaz dəhlizi, Bakı-Tbilisi-Ceyhan neft kəməri kimi enerji infrastrukturu layihələri ilə ölkəmiz qlobal bazarın ən mühüm oyunçularından biri olmağı bacarıb. Həmçinin Azərbaycan, Gürcüstan və Türkiyənin dəmir yolları sistemlərini əlaqələndirəcək Bakı-Tbilisi-Qars dəmir yolu xətti layihəsi və qədim “İpək Yolu”nu dirçəltməklə Şərq ilə Qərb arasında qısa və səmərəli əlaqəyə imkan verəcək yeni Bakı Beynəlxalq Dəniz Ticarət Limanı kimi strateji infrastruktur layihələrinin təşəbbüskarı olub.

Azərbaycanda vətəndaşlara ədalətli və səmərəli xidmətlər göstərilməsi məqsədilə Vətəndaşlara Xidmət və Sosial İnnovasiyalar üzrə Dövlət Agentliyinin təsis olunduğunu qeyd edən nazir bildirib ki, bu qurum sammit tərəfindən qəbul edilmiş yeni davamlı inkişaf gündəliyinin məqsədlərinin əksəriyyətini artıq əhatə edir. Bu mütərəqqi modelin uğuru geniş tanınır və BMT-nin 2015-ci il İctimai Xidmətlər Mükafatı ilə təltif olunub.

Nazir bildirib ki, beynəlxalq inkişafa töhfə vermək niyyətinə sadiqliyimizə cəmiyyətimiz geniş şəkildə şərik çıxır. Azərbaycanda aparıcı qeyri-hökumət təşkilatı olan Heydər Əliyev Fondu bir sıra ölkələrdə çoxlu sayda sosial, humanitar və inkişaf layihələri həyata keçirib.

Elmar Məmmədyarov qeyd edib ki, biz mədəniyyətlərarası dialoqun, tolerantlığın və insanlar arasında anlaşmanın təşviqinə böyük əhəmiyyət veririk. Azərbaycan 2016-cı ildə BMT-nin Sivilizasiyalar Alyansının 7-ci qlobal forumuna ev sahibliyi etməyi planlaşdırır. Fəxr edirik ki, birinci Avropa Oyunları bu il Azərbaycanda keçirilib. Azərbaycan 2017-ci ildə IV İslam Həmrəylik Oyunlarına ev sahibliyi edəcək.

Sülhə və təhlükəsizliyə qarşı çağırışların inkişafa və əməkdaşlığa maneələrdən biri olduğunu və olmaqda davam etdiyini təəssüflə vurğulayan xarici işlər naziri bildirib ki, beynəlxalq hüquq və BMT Təhlükəsizlik Şurasının müvafiq qətnamələrini kobud şəkildə pozaraq Azərbaycan ərazilərinin 20 faizinin qonşu Ermənistan tərəfindən davam edən hərbi işğalı beynəlxalq sülhə və təhlükəsizliyə ciddi təhdid yaratmaqda davam edir. Ermənistan fundamental insan hüquqlarının kobudcasına pozulması yolu ilə işğal olunmuş Azərbaycan ərazilərində və Ermənistanın öz ərazisində bir milyon azərbaycanlı əhaliyə qarşı etnik təmizləmə siyasəti həyata keçirib. Nəticədə onlar qaçqın və məcburi köçkünə çevriliblər. Azərbaycan ərazilərinin işğalına son qoyulması və məcburi köçkünlərin öz doğma evlərinə qayıtmasının təmin edilməsi davamlı inkişaf gündəliyinin regionumuzda icrası üçün başlıca ilkin şərtdir.

 

 

 


Kateqoriya : SİYASƏT Baxış sayı : 1183

QHT və MEDİA

2019-06-27 07:40:15

QHT və MEDİA
Səfir Polad Bülbüloğlu: “Müharibə hələ b...
Səfir Polad Bülbüloğlu: “Müharibə hələ b...

APA-nın Rusiya bürosunun verdiyi məlumata görə, bu fikirləri Azərbaycanın Rus...

2019-06-25 07:40:37

QHT və MEDİA
Ağdama qayıdanda bəs siz harada olacaqsı...
Ağdama qayıdanda bəs siz harada olacaqsı...

O şəkillərə məndə baxdım. Ağdamımın saralmış şəkillərini deyirəm. Bir ağdamlı...

CƏMİYYƏT

2019-06-24 08:50:09

CƏMİYYƏT
UNESCO jurnalının “Dünya irsi Azərbaycan...
UNESCO jurnalının “Dünya irsi Azərbaycan...

Ölkəmizə həsr edilmiş xüsusi buraxılışda UNESCO baş direktoru Odri Azuleyin,...

2019-06-20 07:30:53

CƏMİYYƏT
Hərbi cinayətkarların cəzasız qalması mü...
Hərbi cinayətkarların cəzasız qalması mü...

Onun Azərbaycan hərbçisinin qətlə yetirilməsi ilə bağlı şəxsən göstəriş verm...

İQTİSADİ

2019-06-24 07:45:46

İQTİSADİ
İqtisadçı ekspert: Son artımlardan sonra...
İqtisadçı ekspert: Son artımlardan sonra...

Prezident İlham Əliyev iqtisadi inkişaf, neft və qaz sektorundan əldə olunan ...

2019-06-20 07:25:35

İQTİSADİ
Elman Nəsirov: Son sərəncamlar bir daha ...
Elman Nəsirov: Son sərəncamlar bir daha ...

Azərbaycan Respublikasının Prezidenti İlham Əliyevin əhalinin sosial rifahını...