SOSİAL
A- A A+

Əcdadlarının vətənini “azad etmiş” katolikos indi də Qarabağı “xilas etməyə” girişib

2019-06-03 07:55:19

.

Xəbər verildiyi kimi, Livanda oturan Yaxın Şərq ermənilərinin katolikosu I Aram özünün ifadə etdiyi kimi, “vahid Ermənistanı bərpa etmək yolunda” işğal edilmiş Dağlıq Qarabağı Ermənistana birləşdirməyə çağırmaqla, bu problemin həllinə “öz töhfəsini” vermək qərarına gəlib.

Keşişin bu komik bəyanatı ilə bağlı ermənilər tərəfindən şadyanalıq dalğası (?), azərbaycanlılar tərəfindən isə əsl istehza və rişxənd seli artıq sosial şəbəkələri silkələyib.

Katolikos bilməmiş olmaz ki, Ermənistan Azərbaycanın bu vilayətini artıq çoxdan de-fakto özünə birləşdirib, de-yure isə bunu heç vaxt etməyəcək, çünki əvvəlcə öz oyuncaq törəməsinin müstəqilliyini tanımalı və yalnız bundan sonra, necə deyərlər, “yenidən birləşməlidir”.

Ermənistan SSR Ali Sovetinin “Ermənistan SSR və Dağlıq Qarabağı birləşdirmək haqqında” 1989-cu il 1 dekabr tarixli qərarının Ermənistan qanunverici orqanının digər çağırışları tərəfindən ləğv edilmədiyi nəzərə alınsa, bütün bunlar lap da komik görünər. Əgər ermənilərin qanunverici məntiqi hesaba alınsa, Dağlıq Qarabağ bu gün Ermənistanın tərkib hissəsi sayıla bilər. Uzaqda oturan katolikosun məsləhətinə əmək etmək üçün Ermənistan parlamenti əvvəlcə bir vaxtlar özünə birləşdirdiyindən əl çəkərək (yəni Dağlıq Qarabağı özündən ayıraraq), onun “müstəqilliyini” tanımalıdır ki, qısa müddətdən sonra yenidən onunla birləşsin.

Əlqərəz, ermənilər o qədər fırıldaq işlədiblər ki, kələfin ucunu tamamilə itiriblər. Odur ki, Livandakı cübbəli məsləhətçilərin onlara yardım əli uzatması heç də təəccüblü deyil.

Amma indi iş heç bunda da deyil. Ermənilərin kütləvi satqınlığı illərində haqlı olaraq Anadoludan sürgün edilmişlərin nəslindən olan katolikos Beyrutda oturub birdən-birə Qarabağın qayğısına qalmağa başlayıb. Bəs sənin indi Türkiyənin “işğalı altında olan Qərbi Ermənistanın” necə olsun? Axı köklərin o yerlərə gedib çıxır. Yoxsa o yerləri artıq unutmusan, daha heç yeri “azad etmək” lazım deyil?

Əgər belədirsə, onda hər şey yolundadır! O yerləri həqiqətən unutmaq lazımdır. Amma Qarabağı da tezliklə unutmaq lazım gələcək. Pərən-pərən düşmüş rus ordusu və daşnaksutyun quldur dəstələri 1918-ci ildə Qafqaz cəbhəsindən qaçandan sonra Şərqi Anadolunun bütün ərazisində türk bayrağı dalğalandırıldığı kimi, Azərbaycan bayrağı da eynən bu cür Qarabağda dalğalandırılacaq!

Zati-“güruhçu-müqəddəsləri”, görünür, tarixdən ibrət dərsi götürə bilmirsiniz. Çox təəssüf. Buna görə də gələcəkdə başınıza gələcək müsibətlərdə yalnız özünüzü qınamalı olacaqsınız. Klounadaya görə isə sağ olun. AZƏRTAC


Kateqoriya : SOSİAL Baxış sayı : 367

QHT və MEDİA

2019-11-19 09:45:34

QHT və MEDİA
Mehriban Əliyeva Avropa və dünyada geniş...
Mehriban Əliyeva Avropa və dünyada geniş...

Türkiyənin nüfuzlu "Türkiye" qəzetində jurnalist Yücel Koç tərəfindən Azərbay...

2019-11-18 08:10:19

QHT və MEDİA
Ankarada Xocalı soyqırımı parkı və abidə...
Ankarada Xocalı soyqırımı parkı və abidə...

Türkiyədə fəaliyyət göstərən Tarixdaş Millətlər və Cəmiyyətlər Dərnəyinin (TM...

CƏMİYYƏT

2019-11-19 09:25:12

CƏMİYYƏT
Sərt qayalar üzərində inşa edilmiş Diri ...
Sərt qayalar üzərində inşa edilmiş Diri ...

Qobustanda yerləşən Diri baba türbəsi Şirvan-Abşeron memarlıq üslubunda inşa ...

2019-11-14 10:20:06

CƏMİYYƏT
Daşkənddə rus tarixçinin “Qarabağ münaqi...
Daşkənddə rus tarixçinin “Qarabağ münaqi...

Özbəkistandakı Heydər Əliyev adına Azərbaycan Mədəniyyət Mərkəzinin (AMM) lay...

İQTİSADİ

2019-11-18 18:35:15

İQTİSADİ
2019-cu ilin 9 ayı ərzində avtomobil yo...
2019-cu ilin 9 ayı ərzində avtomobil yo...

-Agentlik yol infrastrukturunun inkişafı ilə bağlı işlərin kompleks şəkildə...

2019-11-18 08:35:03

İQTİSADİ
Vaşinqtonda “Əsrin müqaviləsi”nə dair fo...
Vaşinqtonda “Əsrin müqaviləsi”nə dair fo...

Noyabrın 21-də Vaşinqtonda Xəzər Siyasət Mərkəzinin təşkilatçılığı ilə “Əsrin...