SOSİAL
A- A A+

"Bir elin Şahları" sənədli filminin təqdimat mərasimi keçirildi

2019-05-18 08:45:18

Ermənistanın Azərbaycana qarşı hərbi təcavüzü nəticəsində 20 faizdən artıq Vətən torpağı işğal edildi, 1 milyondan artıq soydaşımız qaçqın və məcburi köçkünə çevrildi. İşğal edilən doğma Vətən torpaqlarının siyahısında Kəlbəcər rayonunun da adı var

1993-cü il aprelin 2-də düşmən tərəfindən işğal edilən rayonun Ermənistan Silahlı Qüvvələrindən azad edilməsi üçün BMT-nin bir neçə Qətnaməsi var. Respublikamızın ərazi bütövlüyü uğrunda gedən döyüşlər zamanı qəhrəmancasına həlak olan oğullardan biri əslən Kəlbəcər rayonunun Zülfüqarlı kəndindən olan polis mayoru Şahlar Əvəz oğlu Şükürovdur. Zərdab rayon Polis şöbəsində çalışan

Ş.Şükürov tez-tez valideynlərinin yaşadığı Zülfüqarlı kəndinə baş çəkər, rayonun müdafiəsi üçün əllərindən gələni əsirgəməzdi. Növbəti dəfə doğmalarına baş çəkməyə gedərkən erməni terrorçularının dinc əhaliyə qarşı pusqu qurduqlarının şahidi olur. O, sadə insanların həyatlarını xilas etmək üçün irəli atılır və bu zaman qəhrəmancasına həlak olur. Dövlət Başçısının 7 oktyabr 1992-ci il tarixli Fərmanı ilə Şahlar Əvəz oğlu Şükürova Azərbaycanın Milli Qəhrəmanı adı verilir(ölümündən sonra).

Mayın 17-də Bakıdakı Beynəlxalq Mətbuat Mərkəzində cəsur zabit Şahlar Şükürov haqda lentə alınan “Bir elin Şahları” sənədli filminin təqdimat mərasimi keçirildi. Mərasimi “Aşıq Şəmşir Mədəniyyət Ocağı” ictimai birliyi sədrinin müavini Həbib Misirov açdı. O, polis əməkdaşı olan Ş.Şükürovun mənalı ömür yolu haqda tədbir iştirakçılarına məlumat verdi. Azərbaycan Respublikası Mədəniyyət Nazirliyinin nümayəndəsi Almaz xanım təmsil etdiyi dövlət qurumunun xəttilə indiyədək 80 şəhid Milli Qəhrəman haqda sənədli film çəkildiyini tamaşaçıların diqqətinə çatdırdı.Daha sonra filmə baxış oldu.

Film nümayiş edildikdən sonra “Bir elin Şahları” sənədli filminin ssenari müəllifi Qorxmaz Şıxalıyev, rejissor Vəli müəllim, “Azərnəşr” in baş redaktoru Əlövsət Ağalarov, tanınmış şair və şəhid atası Zakir Fəxri, ehtiyatda olan polkovnik Balay Nəsibov, jurnalist Adil Cəmil və başqaları içdiyi andına sadiq olan Şahlar Şükürovla bağlı maraqlı xatirələr danışdlar. Təklif edildi ki, bu tipli filmlərin respublikamızın orta ümumtəhsil və ali məktəblərində nümayiş edilməsi, kitabların təqdimatının keçirilməsi, beləliklə də, uşaq, yeniyetmə və gənclərin Vətənin qeyrətli oğullarını tanımaları üçün Azərbaycan Respublikasının Təhsil Nazirliyinə müraciət olunsun.

Şəhid Milli Qəhrəman Şahlar Şükürovun qardaşı, doktor Malik Şükürov, şəhidin ömür-gün yoldaşı xanım Elmira Əliyeva çıxış edərək sənədli filmin araya-ərsəyə gəlməsində zəhməti olanların hər birinə, o cümlədən, qiymətli vaxtlarından ayırıb tədbirə gələnlərə öz təşəkkürlərini bildirdilər.

Şamilə Şamilqızı.


Kateqoriya : SOSİAL Baxış sayı : 1050

QHT və MEDİA

2020-07-04 17:00:04

QHT və MEDİA
QHT Şurasının dəstəyilə Milli Qəhrəman M...
QHT Şurasının dəstəyilə Milli Qəhrəman M...

Azərbaycan Respublikasının Prezidenti yanında Qeyri-Hökumət Təşkilatlarına Dö...

2020-07-04 10:00:19

QHT və MEDİA
Professor Hüseyin Bağcı: Azərbaycanın ql...
Professor Hüseyin Bağcı: Azərbaycanın ql...

Prezident İlham Əliyevin yeni növ koronavirus (COVID-19) pandemiyası ilə bağl...

CƏMİYYƏT

2020-07-05 12:45:04

CƏMİYYƏT
Turan eşqi - Türk dünyasına töhfə
Turan eşqi - Türk dünyasına töhfə

Azərbaycanda Atatürk Mərkəzi tərəfindən türkiyəli şairin kitabı ilk dəfə türk...

2020-06-30 07:50:04

CƏMİYYƏT
Cərimələrin qaldırılması ilə bərabər mən...
Cərimələrin qaldırılması ilə bərabər mən...

Əgər pandemiya ilə mübarizədə maarifçilik işi effekt vermirsə , o zaman cəri...

İQTİSADİ

2020-07-01 11:25:59

İQTİSADİ
Davamlı inkişaf məqsədləri indeksinə gör...
Davamlı inkişaf məqsədləri indeksinə gör...

Azərbaycan “Davamlı inkişaf hesabatı - 2020” sənədində dünyanın 166 ölkəsi ar...

2020-06-23 08:05:19

İQTİSADİ
İqtisadi islahatlar cəmiyyətə nə vəd edi...
İqtisadi islahatlar cəmiyyətə nə vəd edi...

İslahat kəliməsi ərəbcədən dilimizə keçmiş və ifadəcə “daha yaxşısı üçu...