QHT və MEDİA
A- A A+

YAP Pirallahı rayon təşkilatının növbəti tədbiri

2019-04-04 17:25:06

.

Yeni Azərbaycan Partiyası Pirallahı rayon təşkilatı Gənclər Birliyinin III Konfransı keçirildi. YAP Pirallahı rayon təşkilatı Gənclər Birliyinin hesabat dövrü ərzində fəaliyyəti ilə bağlı video-çarxın nümayişindən sonra Konfrans iştirakçılarını salamlayan YAP Pirallahı rayon təşkilatının sədri Hikmət Şikarov qeyd etdi ki, gənclik bir millətin yaşaması, inkişafı üçün təməl daşıfır. "Bir millətin mövcud olması üçün onun sağlam gəncliyinin olması vacib şərtdir. Çünki hər bir ölkədə dövlətçiliyin, müstəqilliyin daha da möhkəmləndirilməsi, gələcəyin etibarlı təminatı intellektual səviyyəli potensial kadrların yetişdirilməsindən, onların aparıcı qüvvəyə çevrilməsindən çox asılıdır. Gənclər hər bir cəmiyyətin aparıcı qüvvəsidir. Ölkəmizdə gənc nəslə qoyulan investisiya Azərbaycanın parlaq gələcəyinin təminatıdır.

Gənclərin tərbiyəsi, onların problemlərinin həllinə dəstək və gənc vətəndaşlara dövlət qayğısı müstəqil Azərbaycan dövlətinin daxili siyasətinin mühüm vəzifələrindəndir. Bu gün Azərbaycan gəncliyinin seçiminin Yeni Azərbaycan Partiyası olmasının da arxasında məhz dövlətçiliyə bağlılıq, milli mənafenin qorunması kimi müqəddəs amallar dayanır. YAP Ulu öndər Heydər Əliyev ideyalarının daşıyıcısı, müasir Azərbaycan gəncliyinin güvənc yeridir. Azərbaycan gəncliyinin mütləq əksəriyyəti Ulu öndər ideyaları ətrafında sıx birləşərək sadiqlik nümayiş etdirir. Gənclərimiz hər zaman Prezident İlham Əliyevin ətrafında sıx birləşməklə onun həyata keçirdiyi siyasəti dəstəkləyirlər. Buna görə də biz gənclərimizə Azərbaycanın gələcəyi kimi böyük ümidlər bəsləyirik.

Son illər Prezident İlham Əliyevin həyata keçirdiyi siyasətdə gənclərə önəm verilməsi, gənclərin cəsarətlə irəliyə çəkilməsi məhz bu faktın göstəricisidir. Gənclər əmin olmalıdırlar ki, Prezident İlham Əliyevin həyata keçirdiyi siyasətin hədəflərindən biri gənclərin hərtərəfli inkişafı və onlara layiqli həyat şəraitinin yaradılmasıdır. Bunun üçün dövlətimizin tərəfindən bütün imkanlar yaradılır. Partiyamız gənclərin fəallığını təmin etmək, onların öz bilik və bacarıqlarını üzə çıxarmaq, bütövlükdə özlərini ifadə etmək üçün bütün imkanları yaradır".

Konfransın gündəliyi oxunduqdan sonra səsvermə yolu ilə təsdiq olundu. Gündəlikdə duran 1-ci məsələ YAP Pirallahı rayon təşkilatı Gənclər Birliyinin Hesabat dövrü ərzində məruzəsinin dinlənilməsi oldu. Hesabat çıxışı Konfrans nümayəndələri tərəfindən qənaətbəxş hesab olundu. Gündəlikdə duran 2-ci məsələ YAP Pirallahı rayon təşkilatı Gənclər Birliyinin Şura üzvlərinin, yeni sədr və sədr müavinlərinin seçilməsi oldu. Pirallahı Rayon İcra Hakimiyyətinin əməkdaşı Əhmədov Rüfət Elmar oğlu sədr, Həşimov Elturan Rauf oğlu və Qəribli Aysel Akif qızı səsvermə yolu ilə sədr müavinləri seçildilər.

Tədbirdə iştirak edən YAP Gənclər Birliyinin sədri Seymur Orucov YAP Pirallahı rayon təşkilatı Gənclər Birliyinin yeni seçilmiş sədr, sədr müavinləri və Şura üzvlərini təbrik edərək qeyd etdi ki, ölkəmizdə gənclərimizə göstərilən dəstək və diqqət gənclərimizin öz gücünə,istedadına inam hissini artirib. Bu gün Azərbaycan gəncliyi istər daxili, istər xarici siyasət aparmağı bacarir ve ölkə başçısının yaratdığı şəraitdən faydalanırlar.

Millət vəkili Tahir Mirkişili respublikamızda gedən quruculuq işlərində gənclərin fəaliyyətindən, iqtisadiyyatımızın inkişafına verdilkəri töhfədən, ölkə başçısının yürütdüyü xarici və daxili siyasəti istər respublika. istərsə də xaricdə layiqincə təbliğ etdiklərini vurğuladı. Pirallahı Rayon İcra Hakimiyyəti başçısının müavini Anara Hacıbəyli yeni seçilən YAP Pirallahı rayon təşkilatı Gənclər Birliyinin sədri, sədr müavinlərini və Şura üzvlərini təbrik edərək rayonun ictimai-siyasi həyatında YAP Pirallahı rayon təşkilatı Gənclər Birliyinin xüsusi rolu olduğunu qeyd etdi. Konfrans partiyanın ictimai-siyasi həyatında fəallıq göstərdiklərinə görə bir qrup YAP Pirallahı rayon təşkilatı Gənclər Birliyinin üzvlərin Fəxri Fərmanlarla təltif olunması və partiya sıralarına yeni qəbul edilmiş gənclərə partiyaya üzvlük vəsiqəsinin təqdim olunması ilə yekunlaşdı.


Kateqoriya : QHT və MEDİA Baxış sayı : 502

QHT və MEDİA

2019-11-19 09:45:34

QHT və MEDİA
Mehriban Əliyeva Avropa və dünyada geniş...
Mehriban Əliyeva Avropa və dünyada geniş...

Türkiyənin nüfuzlu "Türkiye" qəzetində jurnalist Yücel Koç tərəfindən Azərbay...

2019-11-18 08:10:19

QHT və MEDİA
Ankarada Xocalı soyqırımı parkı və abidə...
Ankarada Xocalı soyqırımı parkı və abidə...

Türkiyədə fəaliyyət göstərən Tarixdaş Millətlər və Cəmiyyətlər Dərnəyinin (TM...

CƏMİYYƏT

2019-11-19 09:25:12

CƏMİYYƏT
Sərt qayalar üzərində inşa edilmiş Diri ...
Sərt qayalar üzərində inşa edilmiş Diri ...

Qobustanda yerləşən Diri baba türbəsi Şirvan-Abşeron memarlıq üslubunda inşa ...

2019-11-14 10:20:06

CƏMİYYƏT
Daşkənddə rus tarixçinin “Qarabağ münaqi...
Daşkənddə rus tarixçinin “Qarabağ münaqi...

Özbəkistandakı Heydər Əliyev adına Azərbaycan Mədəniyyət Mərkəzinin (AMM) lay...

İQTİSADİ

2019-11-18 18:35:15

İQTİSADİ
2019-cu ilin 9 ayı ərzində avtomobil yo...
2019-cu ilin 9 ayı ərzində avtomobil yo...

-Agentlik yol infrastrukturunun inkişafı ilə bağlı işlərin kompleks şəkildə...

2019-11-18 08:35:03

İQTİSADİ
Vaşinqtonda “Əsrin müqaviləsi”nə dair fo...
Vaşinqtonda “Əsrin müqaviləsi”nə dair fo...

Noyabrın 21-də Vaşinqtonda Xəzər Siyasət Mərkəzinin təşkilatçılığı ilə “Əsrin...