CƏMİYYƏT
A- A A+

Yaponiyada Azərbaycanla bağlı kitab nəşr olunub

2019-03-19 09:25:00

Yaponiyanın “Kizuna” nəşriyyatı tərəfindən “Dəyişmək üçün əla yol - bunu bacarmıram” adlı kitab beş min tirajla nəşr olunub

Kitabın müəllifi Yaponiya ilə Azərbaycan arasında dostluq münasibətlərinin inkişafında xüsusi rol oynayan “Cross Border Club” (“Sərhədləri aşanlar klubu”) şirkətinin meneceri, WITV televiziyasının baş prodüseri Kazuyasu İşidadır.

Yeni kitabı barədə fikirlərini agentliyin Yaponiyadakı xüsusi müxbiri ilə bölüşən K.İşida bildirib ki, məqsəd son illər yapon gənclər arasında geniş yayılan “bunu bacarmıram” psixologiyasının aradan qaldırılması, bunun üçün dünyada sürətli irəliləyişə nail olan ölkələrin timsalında həmin xalqların əldə etdiyi nailiyyətlər barədə onları məlumatlandırmaqdır.

Belə ölkələr içərisində böyük sevgi ilə yanaşdığı Azərbaycanı və Birləşmiş Ərəb Əmirliklərini (BƏƏ) nümunə kimi götürən K.İşida həmin ölkələrdə həm də Yaponiyaya qarşı xüsusi hörmətin, marağın şahidi olduğunu qeyd edib. Məsələ burasındadır ki, yaşlı nəsildən fərqli olaraq, yapon gəncləri ölkədən kənara çox nadir hallarda çıxırlar.

Bu da onların dünyanı öyrənmək, digər ölkələrdə baş verən proseslər barədə məlumat almaq imkanlarını azaldır. Buna görə də mən yeni kitabımda gəzdiyim çoxsaylı ölkələr içərisində özünəməxsus xüsusiyyətləri ilə seçilən, yapon gənclərin nümunə götürə biləcəyi ölkələr barədə məlumatlar vermişəm. Eyni zamanda, Yaponiyanı sevən, bizə dost kimi yanaşan ölkələri gənclərimizə tanıtmağa çalışmışam. Fikrimcə, gənclərimiz məhz belə ölkələrlə əl-ələ verərək Yaponiyanı daha yaxşı gələcəyə apara bilərlər. Əlbəttə, dünyada Yaponiyanı sevən ölkələr çoxdur. Lakin düşünürəm ki, Azərbaycan onların içərisində xüsusi yer tutur. Məhz buna görə də kitabda Azərbaycan, qədim tarixə, zəngin mədəniyyətə malik bu ölkə haqqında məlumatlara xüsusi yer verməyə çalışmışam.

Kitabda Azərbaycanın müstəqilliyini bərpa etdikdən sonra qarşılaşdığı çətinliklərə də yer verildiyini qeyd edən K.İşida bildirib ki, burada ümummilli lider Heydər Əliyevin böyük çətinliklər hesabına ərsəyə gətirdiyi layihələrdən də danışıb. Azərbaycana məxsus karbohidrogen ehtiyatlarının dünyaya çıxarılmasında mühüm rol oynayan Bakı-Tbilisi-Ceyhan neft, Bakı-Tbilisi-Ərzurum qaz boru xətlərinə geniş yer verib. Vurğulayıb ki, məhz bu layihələrin həyata keçirilməsi nəticəsində Azərbaycan iqtisadi xaosdan çıxaraq sürətli inkişaf yoluna qədəm qoyub.

Azərbaycan barədə ilk məlumatı Dubayda səfərdə olarkən yerli iş adamlarından aldığını xatırladan K.İşida bildirib ki, həmin vaxt dubaylı dostları ölkəmizdə böyük layihələrin başlandığını bildiriblər. Məhz onların tövsiyəsi ilə Bakıya yollanıb. Kitabda, eyni zamanda, BƏƏ-nin qazandığı uğurlara da yer verilib, bu ölkənin keçdiyi yola nəzər salınıb. Vurğulanıb ki, insan məqsədi uğrunda əzmlə çalışarsa, ona nail ola bilər. Bunu həmin ölkələrin timsalında yapon gənclərinə çatdırmağa çalışıb.

Kitabda Azərbaycanı BƏƏ ilə müqayisə edildiyini bildirən K.İşida qeyd edib ki, bu ölkələrin hər birinin özünəməxsus yolu var. Yaponiyada Bakını ikinci Dubay adlandırsalar da mən bununla razılaşmıram. Hesab edirəm ki, öz yolu ilə irəliləyən Azərbaycan qədim tarixi, zəngin mədəniyyəti və enerji ehtiyatları ilə BƏƏ-dən fərqlənir. Əgər BƏƏ Avropa ilə Afrika ölkələri arasında bir mərkəzdirsə, Azərbaycan Asiya ilə əlaqələrin qurulması üçün körpü rolunu oynayır. Prezident İlham Əliyevin rəhbərliyi ilə Azərbaycanda həyata keçirilən nəhəng layihələr bu ölkəni yalnız regionun deyil, bütün dünyanın diqqət mərkəzinə çevirib. Buna görə də biz ikitərəfli əlaqələri inkişaf etdirməyə çalışaraq, Bakıda “Japan Expo” sərgilərini böyük uğurla keçiririk. Düşünürəm ki, Yaponiya belə ölkələrlə əməkdaşlığa can atmalı və onlarla birlikdə irəliləməlidir.

Hazırda Yaponiyada Olimpiya Oyunlarına böyük hazırlıq işlərinin aparıldığına diqqət çəkən K.İşida bildirib ki, bu yarışların daha yaxşı təşkili üçün Azərbaycanın tolerantlıq, multikulturalizm sahəsindəki təcrübəsindən istifadə etmək lazımdır. Azərbaycan xalqına məxsus olan ürəyiaçıqlıq, qonaqpərvərlik kimi xüsusiyyətlər Yaponiyaya gətirilməlidir. Yaponiya Azərbaycan kimi daha açıq ölkə olmalıdır. K.İşida kitabda Azərbaycana qarşı onun qəlbində yaranan sevginin formalaşmasında xüsusi rol oynayan azərbaycanlılar barədə də yazıb və əməkdaşlığa görə onlara minnətdarlığını bildirib.

Qeyd edək ki, hazırda “Amazon” internet satışı şəbəkəsində yapon dilində daha çox satılan kitablar arasında “Dəyişmək üçün əla yol - bunu bacarmıram” kitabı ikinci yerdə gedir. Bunu nəzərə alaraq, müəllif nəşrin ümumi tirajını 30 minədək qaldırmaq barədə düşündüyünü bildirib.(Azərtac)


Kateqoriya : CƏMİYYƏT Baxış sayı : 245

QHT və MEDİA

2019-08-21 09:25:02

QHT və MEDİA
Leyla Əliyeva Fondun layihələri çərçivəs...
Leyla Əliyeva Fondun layihələri çərçivəs...

Heydər Əliyev Fondunun vitse-prezidenti Leyla Əliyeva avqustun 20-də Fondun l...

2019-08-20 15:40:01

QHT və MEDİA
BQXK nümayəndələri Azərbaycan tərəfinə t...
BQXK nümayəndələri Azərbaycan tərəfinə t...

Beynəlxalq Qızıl Xaç Komitəsi (BQXK) Azərbaycan tərəfinə təslim olan Ermənist...

CƏMİYYƏT

2019-08-20 21:55:46

CƏMİYYƏT
Pakistan mətbuatı Azərbaycandan yazdı...
Pakistan mətbuatı Azərbaycandan yazdı...

Jurnalda dərc olunan məqalədə Azərbaycan xalqının uzun sürən azadlıq arzuları...

2019-08-17 11:20:15

CƏMİYYƏT
Dünyanı fəth edən ecazkar səs
Dünyanı fəth edən ecazkar səs

Hər bir bəşər övladının ölümündən sonrakı vaxt axarında böyük bir boşluq yara...

İQTİSADİ

2019-08-21 09:00:05

İQTİSADİ
Altı ayın uğurları: Azərbaycan liderliyi...
Altı ayın uğurları: Azərbaycan liderliyi...

Məlum olduğu kimi, iyulun 31-də dövlət başçısının yanında bu ilin ilk altı ay...

2019-08-19 12:05:41

İQTİSADİ
Yeddi ayda 45 milyard manatadək ümumi da...
Yeddi ayda 45 milyard manatadək ümumi da...

Dövlət Statistika Komitəsindən bildirilib ki, bu dövrdə informasiya və rabitə...