SOSİAL
A- A A+

Yaponiya mətbuatı Azərbaycandan yazıb

2015-09-02 09:30:06

Yaponiyanın “Nikkey”, “Atari Asahi”, Hokkaydo”, “Mainiçi” kimi tanınmış qəzetləri Azərbaycan nümayəndə heyətinin səfəri barədə məqalələr dərc edib, bir sıra televiziya kanalları isə bu mövzuda xəbərlər yayıb

Həmin məlumatlarda bildirilir ki, son illər sürətli inkişafı ilə bütün dünyada tanınan Azərbaycanın Baş nazirinin müavini Əli Həsənovun rəhbərlik etdiyi nümayəndə heyəti avqustun 25-dən Yaponiyada rəsmi səfərdədir. Səfər çərçivəsində nümayəndə heyəti Xarici İşlər Nazirliyində, hakim Liberal Demokratik Partiyasında və Yaponiya Beynəlxalq Əməkdaşlıq Cəmiyyətində mühüm görüşlər keçirib. Həmin görüşlərdə iki dost ölkə arasında qarşılıqlı əməkdaşlıq məsələlərinin hazırkı vəziyyəti və inkişaf perspektivləri müzakirə olunub.

Məqalələrdə səfər çərçivəsində Baş nazirin müavini Əli Həsənovun Sapporo şəhərinə gələrək artıq 10 ildir ki, azərbaycanlı qaçqın və məcburi köçkünlərə optometrik xidmət göstərən “Fuji Optical Co.LTD” şirkətinin rəhbərliyi ilə görüşünə xüsusi yer verilib. Qeyd edilib ki, BMT-nin Qaçqınlar üzrə Ali Komissarlığının Azərbaycandakı nümayəndəliyinin təşəbbüsü və təşkilatçılığı, həmçinin Azərbaycan hökumətinin dəstəyi ilə şirkət 2005-ci ildən etibarən hər il məcburi köçkünlərə, aztəminatlı əhaliyə optometrik xidmət göstərir. Ötən müddətdə şirkət tərəfindən 43 mindən çox yüksək keyfiyyətli optik eynək və digər vasitələr təmənnasız olaraq Azərbaycana aparılıb və bu təbəqədən olan insanlara paylanılıb. Əli Həsənov Azərbaycandakı qaçqın, məcburi köçkün və aztəminatlı əhaliyə göstərilən təmənnasız xidmətə görə Akoi Kanaiyə təşəkkürünü bildirib.

Yazılarda yapon jurnalistlər üçün təşkil olunan mətbuat konfransında Əli Həsənovun Azərbaycan, onun coğrafi mövqeyi, yaxın tarixi, XX əsrin sonlarında dövlət müstəqilliyini bərpa etməsi, qonşu Ermənistanın əsassız ərazi iddiaları nəticəsində yaranmış Dağlıq Qarabağ münaqişəsi, ölkə rəhbərliyinin enerji siyasəti barədə verdiyi ətraflı məlumatlara da yer ayrılıb. Yapon jurnalistlərin suallarını cavablandıran Baş nazirin müavini vurğuayıb ki, havadarlarının dəstəyinə arxalanan Ermənistanın işğalçı siyasətinə, ölkəmizin cəlb edildiyi əsassız münaqişəyə və bunun nəticəsində yaranmış problemlərə baxmayaraq, Prezident İlham Əliyevin dərindən düşünülmüş siyasəti nəticəsində ölkəmiz dünyanın ən sürətlə inkişaf edən dövlətləri sırasında xüsusi yer tutur. Ölkə rəhbərliyinin təbii sərvətlərdən bacarıqla istifadə etməsi nəticəsində Azərbaycan görünməmiş inkişafa nail olaraq, regionun lider dövlətinə çevrilib.

Azərbaycanın qarşıya böyük hədəflər qoyaraq onlara doğru qətiyyətlə irəlilədiyinin qeyd olunduğu yazılarda Prezident İlham Əliyevin Sərəncamı ilə təsdiq edilən “Azərbaycan 2020: gələcəyə baxış” İnkişaf Konsepsiyası barədə də məlumat verilib. Bildirilib ki, qarşıdakı illərdə Azərbaycanda işsizlik minimum həddə enəcək, ölkəmiz inkişaf etmiş dövlətlər sırasına daxil olacaq, milli iqtisadiyyatın neftdən asılılığı aradan qaldırılacaq.

Ermənistan-Azərbaycan, Dağlıq Qarabağ münaqişəsi haqqında məlumat verən Baş nazirin müavini deyib ki, Ermənistan Azərbaycanın 20 faiz torpaqlarını işğal edib və bunun nəticəsində 1 milyondan artıq qaçqın və məcburi köçkün ordusu yaranıb. BMT Təhlükəsizlik Şurasının Ermənistanın işğal etdiyi torpaqları qeyd-şərtsiz azad etməsi barədə dörd qətnaməsinə baxmayaraq, bu ölkə hələ də işğala son qoymaq istəmir.

Azərbaycan ilə Yaponiya arasında siyasi və iqtisadi əlaqələrin yüksələn xətlə inkişaf etdiyini diqqətə çatdıran Əli Həsənov vurğulayıb ki, Ermənistan-Azərbaycan, Dağlıq Qarabağ münaqişəsi nəticəsində qaçqın və məcburi köçkünə çevrilmiş insanlara yardım edən ölkələrdən biri də məhz Yaponiya olub.

“Fuji Optical Co.LTD” şirkətinin Azərbaycandakı fəaliyyətini yüksək qiymətləndirən Baş nazirin müavini bu xeyirxah missiyanın bundan sonra da uğurla davam etdirilməsi üçün Azərbaycan hökuməti tərəfindən hərtərəfli şərait yaradılacağını qeyd edib.

Məqalələrin tam mətni ilə aşağıdakı linklərdə tanış olmaq olar:

http://www.nikkei.com/article/DGXLZO91190990R30C15A8L41000/

http://mainichi.jp/graph/2015/08/30/20150830ddlk01040184000c/001.html

http://apital.asahi.com/article/news/2015083000003.html

http://dd.hokkaido-np.co.jp/news/life-topic/life-topic/1-0173812.html


Kateqoriya : SOSİAL Baxış sayı : 1047

QHT və MEDİA

2019-02-18 08:40:09

QHT və MEDİA
Ermənilər azərbaycanlılar və çeçenlər ar...
Ermənilər azərbaycanlılar və çeçenlər ar...

Trend-in məlumatına görə, erməni sosial şəbəkə istifadəçiləri həmyerlilərini ...

2019-02-16 11:30:34

QHT və MEDİA
Zahid Oruc Sosial Tədqiqatlar Mərkəzinin...
Zahid Oruc Sosial Tədqiqatlar Mərkəzinin...

Trend-in məlumatına görə, bunu Sosial Tədqiqatlar Mərkəzinin (STM) İdarə Heyə...

CƏMİYYƏT

2019-02-18 18:10:30

CƏMİYYƏT
Ombudsmandan Xocalı soyqırımı ilə bağlı ...
Ombudsmandan Xocalı soyqırımı ilə bağlı ...

Bəyanatda deyilir: "Ermənistanın Azərbaycana qarşı uzun illər işğalçılıq və s...

2019-02-15 09:05:13

CƏMİYYƏT
Haqq və ədalətin inkarı: "Freedom House"...
Haqq və ədalətin inkarı: "Freedom House"...

Ayrıca "Freedom House" təşkilatının nə dərəcədə "obyektiv" olduğu barədə də ə...

İQTİSADİ

2019-02-18 16:05:32

İQTİSADİ
Prezident Sumqayıtda “SOCAR Polymer”in p...
Prezident Sumqayıtda “SOCAR Polymer”in p...

Trend Prezidentin Mətbuat Xidmətinə istinadən xəbər verir ki, Dövlət Neft Şir...

2019-02-16 08:55:20

İQTİSADİ
"Davamlı inkişafın sosial-iqtisadi probl...
"Davamlı inkişafın sosial-iqtisadi probl...

Konfransın açılış mərasimində təşkilatçılarla yanaşı, Təhsil Nazirliyi, İqtis...