2018-12-11 09:40:09 | AKTUAL
Azərbaycana ağır vaxtlarda rəhbərlik edən Heydər Əliyev xalqına sülh, iqtisadi və siyası müstəqillik qazandırıb

Azərbaycanın Gürcüstanın Batumi şəhərindəki baş konsulluğu dekabrın 10-da ulu öndər Heydər Əliyevin xatirəsinə həsr edilmiş anım mərasimi keçirilib

Tədbirdə Acarıstan Muxtar Respublikası hökumətinin rəhbəri Tornike Ricvadze, Ali Sovetinin sədri Davit Qabaidze, nazirlər, Türkiyənin baş konsulu Mekbule Kocak, İranın baş konsulu Ahmad Badpa, SOCAR-Batumi, Kulevi QDT şirkətlərinin rəhbərləri və üzvləri, Azərbaycan və gürcü ictimaiyyətinin nümayəndələri, M.F.Axundzadə adına Gürcüstan-Azərbaycan xeyriyyə cəmiyyətinin əməkdaşları iştirak ediblər. Baş konsulluqdan AZƏRTAC-a bildiriblər ki, əvvəlcə ulu öndər Heydər Əliyevin xatirəsi bir dəqiqəlik sükutla yad edilib. Sonra, Azərbaycanın və Gürcüstanın dövlət himnləri səsləndirilib. Azərbaycanın Batumi şəhərindəki baş konsulu Pərviz İsmayılzadə çıxış edərək ümummilli lider Heydər Əliyevin həyat və fəaliyyəti barədə ətraflı məlumat verib. Bildirib ki, vəfatının 15-ci ildönümündə xatirəsini dərin hörmətlə andığımız, adını xalqımızın şanlı tarixinə qızıl hərflərlə yazdıran Heydər Əliyev dahi şəxsiyyətlərdən biridir. Sağlığında millətin Ümummilli Lideri adını qazanmış böyük düha sahibi özündən sonra elə bir miras qoyub ki, neçə-neçə nəsillər ondan bəhrələnəcək.

Ulu Öndərin təməlini qoyduğu sülh strategiyası, səmimi və mehriban qonşuluq, qarşılıqlı faydalı və strateji tərəfdaşlıq, dostluq siyasəti bu gün onun göstərdiyi yolun layiqli davamçısı, Prezident İlham Əliyev tərəfindən uğurla davam etdirilir.

Dövlətimizin başçısının gərgin fəaliyyətində onun ən yaxın silahdaşı Azərbaycan Respublikasının Birinci vitse-prezidenti, UNESCO-nun xoşməramlı səfiri Mehriban Əliyevadır. P.İsmayılzadə Azərbaycan-Gürcüstan münasibətlərinin inkişafına nəzər salıb, ölkələrimiz arasında əlaqələrin strateji tərəfdaşlıq səviyyəsinə yüksəldiyini xüsusi qeyd edib.

Acarıstan Muxtar Respublikası hökumətinin rəhbəri Tornike Ricvadze çıxışında bildirib ki, Azərbaycan ilə Gürcüstan qonşu, dost və qardaş ölkələrdir. Hökumət başçısı deyib: “Bizim münasibətlərimiz strateji tərəfdaşlıq səviyyəsinə yüksəlib. Mən əlaqələrimizin bu səviyyəyə çatmasında tarixi şəxsiyyətlərimizin, xüsusən də Heydər Əliyevin adını çəkməyə bilmərəm. Heydər Əliyev XX əsrin görkəmli liderlərindən biridi. Onun həyatı bir daha sübut edir ki, Heydər Əliyev ölkənin tarixində və inkişafında böyük əhəmiyyət kəsb edir. Ölkəyə ağır vaxtlarında başcılıq edərək ona yenidən sülh, iqtisadi və siyası müstəqillik qazandırıb”. Tornike Ricvadze bildirib ki, hazırda Azərbaycan bütün sahələrdə sürətlə inkişaf edən müasir ölkəyə çevrilib, eyni zamanda, öz çoxəsirlik ənənələrini qoruyub saxlayıb.

Mərasim əsnasında gürcü dilində xüsusi Heydər Əliyevin həyat və fəaliyyətinə həsr olunmuş sənədli film və fotosərgi nümayiş etdirilib. Tədbirdə baş konsulluq tərəfindən Azərbaycanın milli ləziz mətbəxinin təamları təqdim olunub.

Baxış sayı : 857
Prezident İlham Əliyev: "Şuşa bizim tarixi şəhərimizdir və biz bu şəhərə qayıtmışıq" 2021-01-27 19:00:42 “SOCAR Türkiyə Ar-Ge” tədqiqat və inkişaf mərkəzi birgə görəcəyi işlər 2021-01-27 19:05:02 "Beynəlxalq hüququn aliliyi qorunmur" - Hikmət Hacıyev 2021-01-27 12:25:23 Heiko Maas: Avropa Şurası Cənubi Qafqazda sabitliyin bərqərar olmasında, qarşılıqlı əlaqələrin inkişafında maraqlıdır 2021-01-27 08:35:25 Nizami Gəncəvi ili ilə əlaqədar müvafiq Fəaliyyət Planı hazırlanacaq 2021-01-27 08:15:39 Ermənistanın düzəlişləri AŞPA tərəfindən rədd edildi 2021-01-27 07:50:29 ATƏT-in həmsədrlik institutu yeni reallıqları qəbul etməli və onlarla hesablaşmalıdır 2021-01-27 07:10:54 "Azərbaycan nəqliyyat sahəsində dünyada lider dövlətlərdən biridir" 2021-01-26 18:40:43 "Kapital Bank" ASC-nin Lerik filialından cavab gözləyirik! 2021-01-26 17:15:58 Ədəbi fikir tariximizin böyük ziyalısının anadan olmasından 158 il ötdü 2021-01-26 10:05:32 “İlham Əliyev. İnkişaf - məqsədimizdir” çoxcildliyinin 105-ci kitabı çapdan çıxıb 2021-01-26 09:05:48 Lütfi Zadənin 100 illiyik yubileyi qeyd ediləcək 2021-01-26 08:50:16 "ABŞ Azərbaycan və Ermənistan arasında sülh quruculuğu prosesinə töhfə verə bilər" 2021-01-26 08:15:49 Qarabağda torpaq islahatı üçün yeni mexanizm hazırlanacaq 2021-01-26 08:10:46 Prezident: “Regionda yeni imkanlar əməkdaşlığa geniş qapılar açır” 2021-01-25 19:20:14 İnkişafın Qarabağ modeli qurulacaq 2021-01-25 11:20:56 Ombudsman əsir və girovlarla bağlı hesabatı beynəlxalq təşkilatlara göndərib 2021-01-25 09:45:33 Vətən müharibəsi memorial kompleksi və Zəfər muzey 2021-01-25 08:40:03 Məhəmməd Cavad Zərif: İran qardaş və dost dövlət olaraq Azərbaycanın qələbə qazanmasından məmnunluq duyur 2021-01-25 08:20:49 117 km-dən çox yol minalardan təmizlənib 2021-01-25 08:05:27 “Dostluq” yatağına dair Memorandum nəqliyyat-tranzit potensialını möhkəmləndirəcək” 2021-01-24 20:05:44 Məmurlar dürüst, xalqına, dövlətinə sadiq və peşəkar xüsusiyyətlərə malik olmalıdır - Hikmət Hacıyev 2021-01-24 09:25:25 “Komsomolskaya Pravda”da 20 Yanvar hadisələrinə həsr olunmuş məqalə dərc olunub 2021-01-24 09:15:43 "Ermənistan cəmiyyəti qisasla bağlı fikirlərdən əl çəkməlidir" 2021-01-24 09:05:37