QHT və MEDİA
A- A A+

Hüseyn Cavidin əsərləri xarici dillərdə çap olunub

2018-12-08 12:25:54

Hüseyn Cavidin 135 illik yubileyi münasibətilə Almatı şəhərində Əl Fərabi adına Qazaxıstan Milli Universiteti tərəfindən böyük ədibin qazax dilinə tərcümə olunmuş şeirlərindən ibarət kitabın təqdimatı keçirilib

Təqdimat mərasimində çıxış edənlər Hüseyn Cavidi bütün türk dünyasının ortaq dəyəri kimi qiymətləndiriblər. Şairin irsinin öyrənilməsinin xalqlarımız arasında əlaqələrin dərinləşməsi üçün böyük imkanlar yaratdığını qeyd ediblər.

Kitabın təqdimatında Azərbaycan ədəbiyyatında romantizm ədəbi cərəyanının görkəmli nümayəndəsi, şair, dramaturq Hüseyn Cavid öz ideyaları ilə həqiqətən də zamanın fövqündə dayandığı vurğulanıb, şeirlərindən misralar səsləndirilib. Universitetin rektoru Qalım Mutanov Hüseyn Cavid yaradıcılığının türk dünyasının birliyinə, bütünlüyünə xidmət etdiyini, bu il ali təhsil ocağında onun 135 illik yubileyinin keçirildiyini vurğulayıb. Kitabın şairin yubileyi münasibətilə işıq üzü gördüyünü qeyd edən rektor Qazaxıstan ədəbiyyatşünaslarının Hüseyn Cavid yaradıcılığını daha geniş tədqiq etməli olduğunu bildirib.

Azərbaycanın Qazaxıstandakı səfiri Rəşad Məmmədov vurğulayıb ki, ayrı-ayrı türk xalqlarının yaratdığı ümumi mədəniyyət xəzinəsini milli sərhədlərə sığışdırmaq mümkün deyil. Türk dünyasının ortaq dəyərlərini təbliğ edən, ortaq türk dilində əvəzsiz ədəbi nümunələr yaradan Hüseyn Cavidin yaradıcılığını öyrənməklə əslində, bütün türk dünyasının mədəniyyəti və həyatı ilə tanış olmaq mümkündür. Diplomat bildirib ki, 1982-ci ildə ədibin cənazəsinin uzaq Sibirdən gətirməsi ulu öndər Heydər Əliyevin böyük səyi və cəsarəti sayəsində baş tutub. Bu hadisə Heydər Əliyevin təkcə Cavidə deyil, bütün türk dünyasına, onun bədii-ictimai fikir tarixinə dərin ehtiramının göstəricisi idi. Totalitarizmin çoxsaylı qurbanlarından biri kimi Cavidin adı doğma xalqının təfəkküründə obrazlaşıb. Ağır repressiya illərində mənən sarsılmadan keçdiyi ibrətamiz həyat yolu onu yaddaşlarda sənətkar şəxsiyyətinin bütövlüyünün rəmzinə çevrilib. Akademik Teymur Kərimli təkcə - “Kəssə hər kim tökülən qan izini, qurtaran dahi odur yer üzünü” – misrasının Cavidin bütün yaradıcılıq fəlsəfəsini anlamağa kifayət etdiyini vurğulayıb. Onun sözlərinə görə, ortaq türk dilinin Cavid nümunəsi deməyə əsas verir ki, dilçilər, ədəbiyyatşünaslar bu məsələyə xüsusi diqqət yetirməklə ümumtürk mədəniyyətini, dilini, ədəbiyyatını zənginləşdirə bilərlər.

Təqdimat mərasimində qazax alimləri böyük ədibin yaradıcılığı ilə bağlı müzakirələr aparıb və tələbələr onun şeirlərindən nümunələr səsləndiriblər. Əl-Fərabi adına Milli Universitetdə “Azərbaycan tarixi və mədəniyyəti Mərkəzi”nin qurulması, eyni zamanda, Azərbaycan və Qazaxıstan elmi ictimaiyyəti arasında əlaqələrin yaradılmasındakı xidmətlərinə görə Azərbaycanın Qazaxıstandakı səfiri Rəşad Məmmədov, akademik Teymur Kərimli və Azərbaycan əsilli qazax alimi Əsli Osman universitetin yubiley medalı ilə təltif olunublar.(Azərtac)


Kateqoriya : QHT və MEDİA Baxış sayı : 783

QHT və MEDİA

2020-07-02 07:00:01

QHT və MEDİA
Tural Gəncəliyev: “Dağlıq Qarabağ xalqı”...
Tural Gəncəliyev: “Dağlıq Qarabağ xalqı”...

Azərbaycan Respublikası Dağlıq Qarabağ bölgəsinin azərbaycanlı icmasının rəhb...

2020-06-30 08:55:09

QHT və MEDİA
Əhliman Əmiraslanov: Qaydalara riayət ol...
Əhliman Əmiraslanov: Qaydalara riayət ol...

Son dövrlərdə dünyada koronavirusa yoluxanların sayı 50 faiz artıb ki, bu da ...

CƏMİYYƏT

2020-06-30 07:50:04

CƏMİYYƏT
Cərimələrin qaldırılması ilə bərabər mən...
Cərimələrin qaldırılması ilə bərabər mən...

Əgər pandemiya ilə mübarizədə maarifçilik işi effekt vermirsə , o zaman cəri...

2020-06-25 09:05:04

CƏMİYYƏT
Şirməmməd Hüseynovu yenidən oxumaq......
Şirməmməd Hüseynovu yenidən oxumaq......

Professor Şirməmməd Hüseynovu bir müəllim kimi 1964-cü ildən - Bakı Dövlət Un...

İQTİSADİ

2020-07-01 11:25:59

İQTİSADİ
Davamlı inkişaf məqsədləri indeksinə gör...
Davamlı inkişaf məqsədləri indeksinə gör...

Azərbaycan “Davamlı inkişaf hesabatı - 2020” sənədində dünyanın 166 ölkəsi ar...

2020-06-23 08:05:19

İQTİSADİ
İqtisadi islahatlar cəmiyyətə nə vəd edi...
İqtisadi islahatlar cəmiyyətə nə vəd edi...

İslahat kəliməsi ərəbcədən dilimizə keçmiş və ifadəcə “daha yaxşısı üçu...