2015-08-12 09:30:31 | MƏDƏNİYYƏT
Azərbaycanlı alimin Böyük Britaniyada kitabı çap olunub

Ürək şəkilli yarpaqlar: aforizmlər, adaptasiyalar, improvizasiyalar və esselər"

Bu günlərdə Azərbaycan Dillər Universitetinin (ADU) Xarici ölkələr ədəbiyyatı kafedrasının professoru, filologiya elmləri doktoru Şahin Xəlillinin Böyük Britaniyanın "Rossendale Books" kitab evində "Ürək şəkilli yarpaqlar: aforizmlər, adaptasiyalar, improvizasiyalar və esselər" adlı kitabı çap olunub.

AZƏRTAC xəbər verir ki, iki hissədən ibarət olan kitaba müəllifin "Etiraf"ı və "Ön söz"ü daxil edilib, nəşrin son səhifələrində isə müəllifin müraciət etdiyi mənbə və müəlliflərin "Göstərici"si təqdim olunub.

Nəfis şəkildə tərtib edilmiş kitaba Harvard Universitetinin Müqayisəli dünya ədəbiyyat kafedrasının müdiri, professor Deyvid Damroşun verdiyi rəydə oxuyuruq: "Ürək şəkilli yarpaqlar" əyləndirici və müdrikcəsinə qələmə alınmış aforizmlər və söyləmələr toplusudur. Bu XX əsr Britaniya və Amerika şairi, yazıçı və tənqidçisi Uistan Hyu Odenin "Ümumi dəftər" kitabı kimi unikal bir topludur".

Kitabın ikinci rəyçisi filologiya üzrə fəlsəfə doktoru F.Aleksander Magill isə müəllifin ingilis dilində yazdığı əsərini, hər şeydən əvvəl, onun ədəbiyyata sevgi dolu baxışının bədii ifadəsi kimi dəyərləndirib.

Azərbaycanlı alim İngiltərədə nəşr olunan kitabının "Etiraf" hissəsində əsərin çapa hazırlanmasında ona tövsiyə və məsləhətlərini verən şotland əsilli Britaniya tədqiqatçı alimi F.Aleksander Magill və azərbaycanlı həmkarı Fialə Abdullayevaya təşəkkürünü bildirir.

Qeyd edək ki, Şahin Xəlilli Qərbi Azərbaycanda anadan olub. 1959-cu ildən Bakıda yaşayır. O, Azərbaycan Dillər Universitetində və Jurnalist Sənətkarlığı İnstitutunda təhsil alıb. Filologiya elmləri doktoru və ADU-nun professorudur. Bir sıra beynəlxalq və respublika səviyyəli konfranslarda elmi məruzələrlə çıxış edib. O, bir neçə kitabı, o cümlədən "Britaniya adalarının xalq nağılları"nı, ingilis yazıçısı Ceyms Moriyerin "İsfahanlı Hacıbabanın macəraları" romanını (Zakir Səfəroğlu ilə birlikdə) tərcümə edib. Çoxsaylı şərh, məqalə və tərcümələrlə yanaşı, o, bir neçə kitabın – "Yerin ulduzları. Uşaqlar üçün şeirlər" (1990), "Ürəyimdən keçənlər" (1996) şeirlər kitabının, "Ceyms Oldric və Azərbaycan" (1992), monoqrafiyasının, "Ədəbi əlaqələr işığında " (2002), "Azərbaycan-ingilis ədəbi əlaqələri. Folklor materialları əsasında" (2002), "Klassik poeziya və ədəbi əlaqələr" (2003), "Şekspir sonetləri Azərbaycan dilində" (2009) adlı nəşrlərin müəllifidir. O, ingilis dilində nəşr olunmuş "Şekspirin ingilis tarixi pyesləri" (2009) və "Orta əsrlər dövrü Britaniya ədəbiyyatı. I hissə" (2012) adlı dərs vəsaiti və dərsliyin müəlliflərindən biridir.  Professor Şahin Xəlillinin "Ruhun göz yaşları: aforizm, ədəbi diskurs və esselər" adlı ikinci kitabı 2016-cı ildə Böyük Britaniyada nəşr olunacaq.

 

 

 

Baxış sayı : 2265
“Şuşa - Qarabağın dünəni, bu günü, sabahı”: Firidun bəy Köçərli Anastasiya Lavrina: Ermənistan başa düşməlidir ki, istənilən təxribata müvafiq cavab veriləcək Kiyevdə 55 ölkənin səfirliyi işini bərpa edib Komitə sədri FHN əməkdaşları ilə birlikdə yanğınsöndürmə əməliyyatında Sərhəd bölmələri müasir silahlarla təmin edilir - DSX rəisi Birinci vitse-prezident Mehriban Əliyeva Müslüm Maqomayevin 80 illik yubileyi ilə bağlı paylaşım edib Yaponiyanın YouTube kanalı Azərbaycanın “Qisas” əməliyyatı barədə xüsusi veriliş yayımlayıb “Qaçqınkom”dan Laçın ziyalılarına ikili münasibət... Zelenski Rusiyaya çağırış etdi «Xəzər» jurnalın yeni sayı nəşr olunub Azərbaycan XİN: "Ermənistan sülhə belə hazırlaşır?!” İnformasiya təhlükəsizliyi ixtisaslarının keçid balı hüquqdan yüksək olacaq Yeni dünya nizamının formalaşması prosesi növbəti mərhələdə: siyasi analiz və proqnozlaşdırma Azad edilmiş ərazilərdə 110 sərhəd-döyüş məntəqəsi yaradılıb - General-leytenat Abbas Xəlilov Ukraynada Rusiya ordusunun generalı öldürülüb Ermənilərin bu əməli ekoloji terrordur - ETSN Azərbaycan QHT-ləri beynəlxalq təşkilatlara müraciət edib Laçın şəhərinə daxil olmadan yeni avtomobil yolunun tikintisi yekunlaşıb Şuşanın Yuxarı Gövhərağa məscidində erməni vandalizmini əks etdirən sənədli film çəkilir Ukraynada öldürülən rus hərbçilərin sayı 44 minə ÇATIR Fatma Yıldırım: Bu gün diktə edən tərəf qalib Azərbaycandır Azərbaycan və Türkiyə hərbçiləri birgə təlim keçir Şəhidlərin xatirəsinə həsr olunan anım mərasimləri keçirilib Fazil Mustafa: Prezident İlham Əliyevin son açıqlamaları tarixi-strateji əhəmiyyətə malikdir