QHT və MEDİA
A- A A+

Fransalı deputat ilk Avropa Oyunları ərəfəsində Azərbaycanın üzləşdiyi qarayaxma kampaniyasını kəskin tənqid edib

2015-07-31 09:40:30

“Le Trombinoscope” jurnalı

Fransa Milli Assambleyasının deputatı, Fransa-Azərbaycan Dostluq Qrupunun vitse-prezidenti, xarici əlaqələr komitəsinin üzvü və Altkirş şəhərinin meri Jan-Lük Raytzerin “Le Trombinoscope” jurnalında “Avropa Oyunları Bakıda: Fransa tərəfi niyə bu qədər dözümsüzdür?” adlı məqaləsi dərc olunub. Bu barədə Avropa Azərbaycan Cəmiyyətindən (TEAS) AZƏRTAC-a bildirilib.

Müəllif yazır: “Mən ötən illər ərzində dəfələrlə Azərbaycanda, Bakıda olmuşam. Sonuncu dəfə isə orada iyunun 12-də qitəmizdə ilk dəfə keçirilən Avropa Oyunlarının açılış mərasimi zamanı olmuşam. Nümayəndə heyətimizin qarşılanması zamanı göstərilən qonaqpərvərlik və nümunəvi xidmət, Bakının və onun arxitekturasının transformasiyası, onu “İşıqlar şəhəri”nə çevirən işıqların orijinallığı və gözəlliyi məni heyrətləndirdi. Lakin bunlardan da çox mənə Azərbaycan xalqının entuziazmı və şövqü böyük təəssürat bağışladı.

Açılış mərasimi möhtəşəm və təsirli idi, burada ölkənin tarixi və müasirliyi ustalıqla birləşdirilmişdi.

Lakin paralel olaraq böyük fransız mediasının birinci Avropa Oyunlarının işıqlandırılmasında göstərdiyi dözümsüzlük məni çox məyus etdi, hətta hiddətləndirdi. Azərbaycanla bağlı bir çox çirkin məqalələr oxudum...”

Müəllif qeyd edir ki, biz Azərbaycanın Avropa Şurasının, o cümlədən Avropa İttifaqının “Şərq Tərəfdaşlığı” Proqramının və ATƏT-in üzvü olması faktına etinasızlıq göstərməməliyik. Azərbaycana qarşı təzyiq kampaniyası, heç şübhəsiz, bütün regionun sabitlik qalası, hər kəs üçün dünyəvilik və dini tolerantlıq nümunəsi olan, əhalisinin əksəriyyətini müsəlmanların təşkil etdiyi bu Cənubi Qafqaz ölkəsini cəsarətləndirmək üçün heç də yaxşı vasitə deyil. Bu ölkədə kişi və qadınlar təhsil almaqda bərabər hüquqlara malikdirlər. Minlərlə gənc azərbaycanlı təhsil almaq üçün xaricə, xüsusilə də Böyük Britaniyaya və Fransaya göndərilir.

Azərbaycan həyata keçirdiyi islahatları və öz nəhəng investisiyaları ilə yoxsulluq səviyyəsini ciddi şəkildə azaltmağa nail olub. Bu rəqəm hazırda 4,9 faizdə qərarlaşıb. Fransanın bəzi regionları bu nailiyyətə həsəd aparır.

Vurğulanır ki, Avropa Oyunları Ermənistandan İsrailə qədər onlarla ölkədən olan və 20 müxtəlif idman növü üzrə yarışan 6 min atleti bir araya gətirdi. Azərbaycan xalqının qürur və birlik daşıyıcısı olan Avropa Oyunları özündən sonra hədsiz dərəcədə böyük pozitiv irs qoyacaq. Bu möhtəşəm tədbir Azərbaycanı minlərlə əcnəbiyə təqdim etdi, onlara Azərbaycanın əsl reallıqlarını görmək, buradakı qonaqpərvərlik və insanların istiqanlılığı ilə tanış olmaq imkanı yaratdı.

Azərbaycan Avropa Oyunları ilə bir çox maneələri dəf etdi. Ölkədə yalnız iki il yarım ərzində yüksək keyfiyyətli infrastruktur inşa edildi. Azərbaycan bir daha göstərdi ki, Rusiya, İran və Türkiyə kimi ölkələrlə əhatə olunmasına baxmayaraq o, əsas regional oyunçudur. Nəhayət, Azərbaycan ən yüksək səviyyədə beynəlxalq idman yarışlarını təşkil etmək bacarığını göstərdi.

Fransalı deputat məqaləni bu fikirlərlə bitirir: “Mənim arzum nədir? Arzum odur ki, fransız xalqı və mediası bu gözəl ölkəyə səyahət etmək üçün açılış mərasimi ruhundan yola çıxsın. Öz müstəqilliyini qorumaq, Avropa və xüsusən də Fransa ilə əlaqələrini möhkəmləndirmək istəyən şəxslər bu ölkə ilə bağlı təcrübə yaşayarkən və yaxud ən azı danışarkən öz obyektivliklərini və intellektual vicdanlarını ortaya qoysunlar”.

 

 

 

 

 


Kateqoriya : QHT və MEDİA Baxış sayı : 826

QHT və MEDİA

2018-12-15 10:20:56

QHT və MEDİA
QHT hesabat-seçki toplantısı keçirib...
QHT hesabat-seçki toplantısı keçirib...

Yığıncağı Birliyin Qadınlar Şurasının sədri, Ümumi Yığıncağa hazırlıq məqsədi...

2018-12-14 10:20:57

QHT və MEDİA
Ukraynada Azərbaycanla bağlı beyin mərkə...
Ukraynada Azərbaycanla bağlı beyin mərkə...

Azərbaycanın Ukraynadakı səfirliyindən AZƏRTAC-a bildiriblər ki, bu günlərdə ...

CƏMİYYƏT

2018-12-14 19:20:47

CƏMİYYƏT
Leyla Əliyevanın bir qrup rusiyalı qadın...
Leyla Əliyevanın bir qrup rusiyalı qadın...

Bu yaxınlarda Heydər Əliyev Fondunun vitse-prezidenti Leyla Əliyevanın ünvanı...

2018-12-08 11:05:14

CƏMİYYƏT
Azərbaycan Parlamenti necə yarandı
Azərbaycan Parlamenti necə yarandı

2018-ci il dekabr ayının 7-də Azərbaycanda parlamentarizmin tarixində əlamət...

İQTİSADİ

2018-12-12 08:45:08

İQTİSADİ
"Novo Nordisk" Dağlıq Qarabağ ərazisində...
"Novo Nordisk" Dağlıq Qarabağ ərazisində...

Danimarkanın dərman preparatları istehsalçısı olan "Novo Nordisk" şirkəti tər...

2018-12-06 18:25:31

İQTİSADİ
SOCAR modernləşmə proqramı üçün “Honeywe...
SOCAR modernləşmə proqramı üçün “Honeywe...

SOCAR Heydər Əliyev adına Neft Emalı Zavodunun modernizasiyası prosesində yük...