SİYASƏT
A- A A+

Elman Nəsirov: Paşinyan işğalçılıq siyasətindən əl çəkməsə, onun aqibəti Sarkisyandan da pis olacaq

2018-09-24 07:35:33

Ermənistanın bugünkü hakimiyyəti əvvəlki xunta rejminin siyasətini davam etdirir və bir çox hallarda çox ziddiyyətli və sərsəm bəyanatlar verir

Bunu Trend-ə Milli Məclisin deputatı Elman Nəsirov Azərbaycan Prezidenti İlham Əliyevin Azərbaycan parlamentinin yaradılmasının 100 illiyi münasibətilə keçirilən xüsusi iclasda çıxışına münasibət bildirərkən deyib. E.Nəsirov qeyd edib ki, bu ziddiyyətli bəyanatlar Dağlıq Qarabağ münaqişəsinin həlli imkanlarını daha da məhdudlaşdırır və münaqişənin daha da dərinləşməsinə xidmət göstərir: “Azərbaycan münaqişəni dinc yolla həll etmək istəyir, lakin gərək qarşı tərəf də adekvat olsun. Təəssüf ki, biz bu adekvatlığın şahidi deyilik. Azərbaycan öz torpaqlarının erməni işğalı altında olmasına baxmayaraq, bu gün dünya xəritəsində bir uğur modelidir, nümunəsidir və son 15 ildə bizim iqtisadiyyatımızda 3,2 dəfə artım var ki, bu da dünyada analoqu olmayan bir hadisədir. Ermənistanda isə bu gün yoxsulluq rəsmi 30 faiz, qeyri-rəsmi isə 50 faiz səviyyəsinə gəlib çatıb. Ermənistan rəhbərliyi bütün bunlardan nəticə çıxarmalı və siyasətinə düzəlişlər etməlidir. Əks halda isə Paşinyanı heç şübhəsiz ki, hakimiyyətdən uzaqlaşdırdığı Sarkisyanın taleyi gözləyə bilər”.

Deputat bildirib ki, Azərbaycanda bütün uğurların kökündə xalq-hakimiyyət birliyi dayanır: “O birlik ki, Ermənistanda heç bir halda yoxdur. Bu gün Ermənistan hakimiyyətinin atdığı addımlar ölkəni daha da zəiflədir. Ermənistanın xarici siyasəti də iflasa uğrayıb. Ermənistanın müstəqillik günündə Rusiya Prezidenti Vladimir Putin Ermənistanın dövlət başçısı Armen Sarkisyanı təbrik edir, amma Paşinyanı təbrik etmir. Müqayisə üçün deyim ki, Putin İsrailin, Almaniyanın baş nazirlərini təbrik etmişdi. Yəni bu, Paşinyana olan münasibətin ifadəsidir. Eyni zamanda BMT Baş Assambleyasının növbəti iclasında Paşinyanla ABŞ Prezidenti Donald Trampın görüşü hazırlanırdı, lakin ən son məlumata görə, Tramp həmin görüşdən imtina edib. Yəni bütün bunlar onu göstərir ki, Paşinyanın həm daxili, həm də xarici siyasəti faktiki olaraq iflasa uğrayıb”.

E.Nəsirovun sözlərinə görə, N.Paşinyan hələ də dərk etməyib ki, özündən əvvəlki hakimiyyətlərin süqutunu şərtləndirən ən mühüm amil işğalçılıq siyasəti olub: “Paşinyan bu siyasətdən imtina ilə bağlı heç bir addım atmır. Deməli, Paşinyanın taleyini proqnozlaşdırmaq o qədər də çətin deyil. Onun aqibəti Sarkisyandan da pis ola bilər”.


Kateqoriya : SİYASƏT Baxış sayı : 380

QHT və MEDİA

2019-07-17 17:25:02

QHT və MEDİA
Demokratik Cəmiyyət və Qadın Hüquqlarını...
Demokratik Cəmiyyət və Qadın Hüquqlarını...

Beynəlxalq Mətbuat Mərkəzində Demokratik Cəmiyyət və Qadın Hüquqlarının Müdaf...

2019-07-16 07:25:45

QHT və MEDİA
Gürcüstan parlamentinin sədr müavini: "A...
Gürcüstan parlamentinin sədr müavini: "A...

Bu barədə "Report"a Milli Məclisin Mətbuat xidmətindən məlumat verilib.

...

CƏMİYYƏT

2019-07-16 08:20:48

CƏMİYYƏT
Müharibə şəraitində mediamız
Müharibə şəraitində mediamız

Ancaq bəzi məqamları diqqətsiz buraxmaq olmur. Ümumiyyətlə, jurnalistikanın ...

2019-07-15 21:30:22

CƏMİYYƏT
Hacı Zeynalabdin Tağıyev haqqında film i...
Hacı Zeynalabdin Tağıyev haqqında film i...

Fact-info.az-ın məlumatına görə, bu barədə AZƏRTAC-a “100 il şərəfli ömür” fi...

İQTİSADİ

2019-07-17 08:50:31

İQTİSADİ
100,6 milyard dollar investisiya yatırıl...
100,6 milyard dollar investisiya yatırıl...

Energetika Nazirliyindən bildirilib ki, Energetika naziri Pərviz Şahbazov ADA...

2019-07-15 12:15:09

İQTİSADİ
SOCAR-ın Karbamid Zavodunun məhsulu satı...
SOCAR-ın Karbamid Zavodunun məhsulu satı...

SOCAR-ın Karbamid Zavodunda istehsal olunan gübrə məhsulunun "Aqrolizinq" ASC...