CƏMİYYƏT
A- A A+

Hacıbəylilər qardaşları və Azərbaycan musiqi mədəniyyəti

2018-09-20 21:35:13

18 sentyabr dahi bəstəkarımız Üzeyir Hacıbəylinin doğum günüdür. Ulu Öndərimiz Heydər Əliyevin 1995-ci ildə verdiyi Sərəncamı ilə 18 sentyabr “Üzeyir Musiqi Günü” kimi qeyd edilir. Bu gün biz musiqisevərlər üçün ən əziz və doğma bir gündür

XX əsr musiqi mədəniyyətimizə bir neçə şəxsiyyətlər bəxş etdi. Xoşbəxtlikdən bu dahilər içərisində xalqımızı təmsil edən simalar var. Üzeyir bəy Hacıbəyli məhz belə dahi şəxsiyyətlərdəndir. Bu dahiliyi Üzeyir bəy özünün yüksək alicənablığı, vətənpərvərliyi, ali insani dəyərləri, əvəzolunmaz sənətkarlığı ilə qazanmışdır.

Hər bir insan bir ömür, bir həyat yaşayır. Və hər bir kəs özündən sonra bir ömür kitabı qoyub gedir. Bu oxunaqlı kitabda bir taleyin açılı-şirinli xatirələri toplanır. Ömür kitabı oxunaqlı olanlar xalqın hafizəsində daim yaşayanlar xalqın sevimlisinə çevrilərək əbədiyyətə qovuşanlar nə qədər xoşbəxtdirlər. Məhz Üzeyir bəy belə xoşbəxt bəstəkarlardandır.

O, Azərbaycan professional və klassik musiqi sənətinin banisi, Azərbaycan bəstəkarlıq və musiqişünaslıq məktəbinin yaradıcısı, dramaturq, pedaqoq, publisist, ictimai xadim və bu kimi fəaliyyəti ilə milli mədəniyyətimizi yüksək səviyyəyə qaldırmış və mədəniyyət tarixində silinməz izlər buraxmışdır. Bir sözlə - Azərbaycan musiqi mədəniyyətinin banisi Üzeyir Hacıbəylidir - desək yanılmarıq. Bəstəkar elə bir janr yoxdur ki, müraciət etməsin. Azərbaycanda ilk operanın, musiqili komediyanın, romans, xor musiqisi – kantata və s. janrların yaranması Üzeyir bəyin adı ilə bağlıdır.

Məhz belə əziz və doğma olan bir gündə Abşeron rayonunun Xırdalan şəhərində Heydər Əliyev Mərkəzində dahi bəstəkarımız Üzeyir Hacıbəylinin anadan olmasının 133 illiyi ilə əlaqədar Azərbaycan Respublikası Prezidenti yanında Bilik Fondunun birgə təşkilatçılığı ilə çox maraqlı tədbir keçirildi. Abşeron Rayon üzrə nümayəndəsi Təyyubə Hüseynova Üzeyir bəy haqqında çıxışı ilə tədbiri açdı. Sonra isə Azərbaycan Respublikası Prezidenti yanında Bilik Fondunun mətbuat katibi Ceyhun Musaoğlu, rayon icra Hakimiyyətinin başçısının müavini Fuad Cəbrayılov da çıxış edərək rayon İcra hakimiyyətinin başçısı İradə Gülməmmədova adından təbrikini söylədi.

Tədbirdə Ü.Hacıbəyli adına Bakı Musiqi Akademiyasının “Azərbaycan şifahi ənənəvi professional musiqinin və onun müasir istiqamətlərinin öyrənilməsi” elmi-tədqiqat laboratoriyasının müdiri, sənətşünaslıq üzrə fəlsəfə doktoru, dosent Nuridə İsmayılzadə çıxış etdi. “Hacıbəyovlar qardaşları və Azərbaycan musiqi mədəniyyəti” adlı məruzə ilə Akademiyanın Elmi laboratoriyasının elmi işçisi, doktorant Nəsirova Fidan Hacıbəyovlar qardaşları haqqında ətraflı məlumat verdi.

Məruzədə Nəsirova Fidan Üzeyir bəyin qardaşları Ceyhun və Zülfüqar Hacıbəylilər haqqında geniş, ətraflı çıxış etdi. Tədbirdə Hacıbəylilər şəcərəsini təsvir edən fotolar slayd şəklində təqdim olundu. Eyni zamanda M.Maqomayevin ifasında Üzeyir bəyin N.Gəncəvinin qəzəlinə yazdığı “Sənsiz” romansı səsləndirildi. Bununla yanaşı tədbirdə canlı musiqinin də səslənməsi hamının ürəyincə oldu. Vokal ifaçısı Ü.Hacıbəyli adına Bakı Musiqi Akademiyasının doktorantı Rüfət Piriyev bəstəkarın “Arşın mal alan” musiqili komediyasından Əsgərin ariyasını (I pərdə) ifa etdi. Ümumiyyətlə, tədbir çox maraqlı keçdi.

“Azərbaycan şifahi ənənəvi professional musiqinin və onun müasir istiqamətlərinin öyrənilməsi” elmi-tədqiqat laboratoriyasının elmi işçisi Könül Əhmədova


Kateqoriya : CƏMİYYƏT Baxış sayı : 360

QHT və MEDİA

2019-06-27 07:40:15

QHT və MEDİA
Səfir Polad Bülbüloğlu: “Müharibə hələ b...
Səfir Polad Bülbüloğlu: “Müharibə hələ b...

APA-nın Rusiya bürosunun verdiyi məlumata görə, bu fikirləri Azərbaycanın Rus...

2019-06-25 07:40:37

QHT və MEDİA
Ağdama qayıdanda bəs siz harada olacaqsı...
Ağdama qayıdanda bəs siz harada olacaqsı...

O şəkillərə məndə baxdım. Ağdamımın saralmış şəkillərini deyirəm. Bir ağdamlı...

CƏMİYYƏT

2019-06-24 08:50:09

CƏMİYYƏT
UNESCO jurnalının “Dünya irsi Azərbaycan...
UNESCO jurnalının “Dünya irsi Azərbaycan...

Ölkəmizə həsr edilmiş xüsusi buraxılışda UNESCO baş direktoru Odri Azuleyin,...

2019-06-20 07:30:53

CƏMİYYƏT
Hərbi cinayətkarların cəzasız qalması mü...
Hərbi cinayətkarların cəzasız qalması mü...

Onun Azərbaycan hərbçisinin qətlə yetirilməsi ilə bağlı şəxsən göstəriş verm...

İQTİSADİ

2019-06-24 07:45:46

İQTİSADİ
İqtisadçı ekspert: Son artımlardan sonra...
İqtisadçı ekspert: Son artımlardan sonra...

Prezident İlham Əliyev iqtisadi inkişaf, neft və qaz sektorundan əldə olunan ...

2019-06-20 07:25:35

İQTİSADİ
Elman Nəsirov: Son sərəncamlar bir daha ...
Elman Nəsirov: Son sərəncamlar bir daha ...

Azərbaycan Respublikasının Prezidenti İlham Əliyevin əhalinin sosial rifahını...