SOSİAL
A- A A+

"Beynəlxalq Əlillər Cəmiyyəti" İB-in üzvləri festivalda iştirak edib

2018-08-29 07:30:53

23-25 avqust tarixlərində Rusiya Federasiyası Moskva Dövlət Humanitar-İqtisad Universitetində əlilliyi olan gənclərin «Жизнь безграничных возможностей!» adlı VIII Beynəlxalq festivalı keçirildi

Festivalda Azərbaycanı "Beynəlxalq Əlillər Cəmiyyəti" İB-in 12 nəfərdən ibarət nümayəndə heyəti təmsil edirdi. Festivaldan qayıdan nümayəndə heyətinə rəhbərlik edən İctimai Birliyin sədri Tahir Xudiyevin təəssüratlarını sizinlə bölüşürük:

- Rusiya Federasiyası Təhsil Nazirliyinin dəstəyi ilə keçirilən əlilliyi olan gənclərin "Жизнь безграничных возможностей!" adlı beynəlxalq festivalı təşkil edən Moskva Dövlət Humanitar-İqtisad Universiteti (MDHİU) MDB dövlətləri arasında əlilliyi olan insanların təhsil aldığı yeganə ali təhsil ocağıdır. 2016-cı ildən İctimai Birliyimizlə MDHİU arasında qarşılıqlı əməkdaşlıq barədə Saziş imzalanıb. Festivalda "Beynəlxalq Əlillər Cəmiyyəti" İB-in Mədəniyyət şöbəsinin üzvləri 3-cü dəfədir ki, uğurla iştirak etdilər.

Bu il keçirilən festivalın açılışında MDHİU-nun rektoru, professor Vaqif Bayramov, Uşaq Hüquqlarının Müdafiəsi Dövlət Siyasəti Departamentinin direktor müavini Ирина Терехина, Azərbaycan Respublikasının Rusiya Federasiyasındakı səfirliyinin mədəniyyət müşaviri Nigar Axundova, Rusiya Federasiyasının əməkdar rəssamı Nikas Safronov, Ekvador Respublikasının Rusiyadakı səfiri Jorge Patricio Palacios Porros, 31 saylı Xüsusi internat məktəbin direktoru Elena Seredkina və digər qonaqlar çıxış etdilər. Festivalın açılışında RF Əməkdar artisti, RF İctimai Palatanın üzvü, Ailə, uşaq və anaların müdafiəsi Komissiyasının sədri Diana Qurskaya tədbir iştirakçılarını salamladı, iki gözdən əlil kimi öz həyatını misal gətirərək çətinliklərə baxmayarq ruhdan düşməməyi, arzularına çatmaq üçün həyatda mübariz olmağı onlara tövsiyyə etdi. Festival iştirakçıları qarşısında çıxış etməyi özünə fəxr bildiyini söyləyərək iki mahnı da ifa etdi. Sovet və Rus teatr və kino aktyoru, yazıçı, şair, kinorejissor Vladimir Novikov, əməkdar artist Sərxan Sərxan, Alena Orlovanın rəhbərliyi altında "Ümid Mələkləri" yaradıcı qrupu konsert proqramı ilə çıxış etdilər. Müsabiqə iştirakçıları festivalda gözəl rəqslər, mahnılar ifa etdilər, eləcə də maraqlı əl işləri, rəsm əsərləri, foto-şəkillər və digər inscəsənət nümunələri təqdim etdilər.

İştirakçılar arasında Azərbaycanda doğulub-böyüyən, ali təhsil alan, hazırda Moskva şəhərində yaşayan, milliyyətcə yəhudi olan İlona Yankovskayanın Azərbaycan dilində ifa etdiyi xalq mahnısı iştirakçılar tərəfindən o dərəcədə bəyənildi ki, hamı bu Azərbaycan musiqisi altında rəqs etdi. "Beynəlxalq Əlillər Cəmiyyəti" İB-in üzvləri olan 1-ci qrup əlil beynəlxalq müsabiqələr laureatı müğənni Murad Sadıx, 2-ci qrup əlil Cavid Gözəlov, müğənni Kamil Ağazadə, Mədəniyyət şöbəmizin uşaqlardan ibarət rəqs qrupunun üzvləri-Nərgiz Əliyeva, İlham Quliyev, Rustəm Sadıxoq festivalda rəngarəng proqramla çıxış etdilər. İctimai Birliyimizin digər üzvü 2-ci qrup əlil, MDHİU-nun 3-cü kurs tələbəsi Ümid Cümşüdov isə muncuqla işləmə üzrə əl işlərini nümayiş etdirdi. Nümayəndə heyətimizin çıxışları iştirakçılar tərəfindən alqışlarla qarşılandı, hətta festival başa çatdıqdan sonra onların ifasında müsabiqədənkənar mahnılar ifa etməyi də xahiş etdilər. Festivalın Diplomları ilə təltif edilən nümayəndə heyətimiz vətənə dönəndə həmvətənlərimiz tərəfindən aeroportda Azərbaycan bayrağı ilə qarşılandı.

Bir məqamı xüsusi vurgulamaq istərdim ki, bir neçə nazirliklə İctimai Birliyimiz qarşlıqlı əməkdaşlıq edir. Onların və digər nazirliklər və dövlət təşkilatlarının nümayəndələri həmişə keçirdiyimiz tədbirlərdə iştirak edirlər. Bu dəfəki səfərimiz zamanı əməkdaşlıq etdiyimiz Azərbaycan Respublikası Nəqliyyat, Rabitə və Yüksək Texnologiyalar Nazirliyi və Mədəniyyət nazirliyi tərəfindən xüsusi dəstək aldıq. Göstərilən bu diqqət və qayğıya görə bütün kollektivimiz adından dərin təşəkkürümüzü bildiririk.

Məlahət Abdullayeva "Əlillər Dünyası" qəzetindən 28 avqust 2018-ci il


Kateqoriya : SOSİAL Baxış sayı : 468

QHT və MEDİA

2019-09-23 09:50:13

QHT və MEDİA
Dağlıq Qarabağın Azərbaycanlı icmasının ...
Dağlıq Qarabağın Azərbaycanlı icmasının ...

Azərbaycanın Dağlıq Qarabağ bölgəsinin azərbaycanlı icmasının üzvləri ATƏT-in...

2019-09-21 08:30:20

QHT və MEDİA
Ermənistanın işğalçılıq siyasəti ilə bağ...
Ermənistanın işğalçılıq siyasəti ilə bağ...

Azərbaycan Respublikasının Prezidenti yanında Qeyri Hökümət Təşkilatlarına ...

CƏMİYYƏT

2019-09-23 07:25:33

CƏMİYYƏT
"Azərbaycan ədəbiyyatı tarixinin etüdlər...
"Azərbaycan ədəbiyyatı tarixinin etüdlər...

Mədəniyyət Nazirliyinin "Azərbaycan kitabının dünyada tanıdılması" layihəsi ç...

2019-09-19 18:20:16

CƏMİYYƏT
Azərbaycan Milli Radiosunda nələr gözlən...
Azərbaycan Milli Radiosunda nələr gözlən...

1926-cü ildə təməli qoyulan və ölkəmizdə ilk kütləvi informasiya vasitəsi ol...

İQTİSADİ

2019-09-21 15:25:56

İQTİSADİ
UNEC rektoru Ədalət Muradov: “Milli ali ...
UNEC rektoru Ədalət Muradov: “Milli ali ...

UNEC rektoru, professor Ədalət Muradov çıxışı zamanı mütəxəssis hazırlığında ...

2019-09-19 18:55:57

İQTİSADİ
SOCAR-ın Fontana Qarşı Dağmədənxilasetmə...
SOCAR-ın Fontana Qarşı Dağmədənxilasetmə...

Sentyabrın 19-da “Əsrin müqaviləsi”nin 25-ci ildöbümü və “Neftçilər günü” ərə...