CƏMİYYƏT
A- A A+

Pirallahıda I yarımilliyin yekunlarına həsr olunmuş toplantı keçirilib

2018-08-09 15:55:34

.

09 avqust 2018-ci il tarixində Yeni Azərbaycan Partiyası Pirallahı rayon təşkilatının 2018-ci ilin I yarımilliyi üzrə fəaliyyətinin yekunlarına həsr olunmuş Şura iclası keçirildi. Tədbirdə YAP Pirallahı rayon təşkilatının Şura üzvləri, Pirallahı Rayon İcra Hakimiyyətinin əməkdaşları, eləcə də partiyanın fəalları iştirak ediblər. Şura iclasını giriş nitqi ilə açan YAP Pirallahı rayon təşkilatının sədri Hikmət Şikarov ilk öncə bu ilin 11 aprel tarixində keçirilən Prezident seçkiləri və dövlət başçısı, YAP-ın sədri cənab İlham Əliyevin parlaq qələbəsindən bəhs etdi. Bildirdi ki, seçkinin nəticələri ölkəmizdə Prezident cənab İlham Əliyevin rəhbərliyi ilə görülən işlərin, həyata keçirilən siyasətin xalq tərəfindən dəstəklənməsinin bariz nümunəsidir.

Daha sonra hesabat dövrü ərazində rayon təşkilatı tərəfindən keçirilən tədbirlər və layihələr haqqında ətraflı məlumat verdi. Rayon təşkilatının müvafiq Fəaliyyət Planına uyğun olaraq hesabat dövründə müxtəlif tarixi günlərə, əlamətdar hadisələrə həsr olunmuş tədbirlər keçirildiyini qeyd etdi. Eyni zamanda çıxışında müxalifət nümayəndələrinin pozucu fəaliyyətindən bəhs edərək onların ölkəmizdə görülən işlərə qarayaxmağa çalışdıqlarını, müxtəlif şəxsi ambisiyaları ucbatında dövlətimizə şər atdıqlarını söylədi. Bütün partiya üzvlərini onlara qarşı aktiv mübarizəyə, ölkəmizin haqlı mövqeyinin, eləcə də dövlət başçısı İlham Əliyevin uğurlu siyasi xəttinin təbliğ edilməsində səfərbərliyə çağırdı.

Şura iclasında çıxış edən YAP Pirallahı rayon təşkilatının baş məsləhətçisi İlham Əsgərov bildirdi ki, YAP Pirallahı rayon təşkilatı 2018-ci ilin I yarımilliyi ərzində öz fəaliyyətini YAP-ın Nizamnamə və Proqramına, rayon təşkilatının müvafiq Fəaliyyət Planına uyğun qurub. Rayon təşkilatı daim səylə çalışıb, təşəbbüskarlıq göstərib, ümummilli lider Heydər Əliyev ideyalarının yaşadılmasında və təbliğində mühüm fəaliyyət həyata keçirib. Ölkə prezidenti cənab İlham Əliyevin uğurlu və məqsədyönlü siyasi rəhbərliyinin, ölkəmizin davamlı inkişafının və tərəqqisinin cəmiyyətə, insanlara çatdırılması, rayon təşkilatının sıralarının keyfiyyət göstəriciləri baxımından daha da genişlənməsi, partiya üzvləri arasında mövcud əlaqələrin daha da intensivləşdirilməsi və yüksək səviyyəyə çatdırılması istiqamətində yorulmadan çalışıb.

Rayon təşkilatının fəaliyyəti, həmçinin Pirallahı rayonunda görülən işlərin cəmiyyətə çatdırılmasında bəhs edib. YAP Pirallahı rayon təşkilatı Qadınlar Şurasının sədri Kəmalə Mustafayeva çıxış edərək rayon təşkilatının Qadınlar Şurası tərəfindən görülən işlər və keçirilən tədbirlər haqqında danışdı. Qeyd etdi ki, Azərbaycanın ictimai-siyasi həyatında qadınların rolunun artması və fəaliyyət dairəsinin genişləndirilməsi ölkəmizin uğurlarından biridir. Hazırda Azərbaycanın ictimai həyatının bütün sahələrində qadınların rolu və sayı getdikcə artır. Azərbaycanın inkişafında, beynəlxalq aləmdə nüfuzunun artmasında qadınların müstəsna rolu olmuşdur. Bu gün cəmiyyətdə fəal mövqe tutan qadınlar ulu öndər Heydər Əliyevin əsasını qoyduğu siyasi kursun Prezident İlham Əliyev tərəfindən davam etdirilməsini dəstəkləyir, bu siyasi xəttin reallaşmasında fəal iştirak edirlər. Prezident İlham Əliyevin həyata keçirdiyi siyasət ayrı-ayrı sosial qrupların deyil, bütövlükdə bütün cəmiyyət üzvlərinin həyatında müsbət dəyişikliklərə səbəb olmuşdur.

Hesabat məruzəsi dinlədildikdən sonra tədbir iştirakçıları yekdilliklə YAP Pirallahı rayon təşkilatının 2018-ci ilin birinci yarımilliyinə dair hesabatı qənaətbəxş hesab etdilər. Sonra YAP Pirallahı rayon təşkilatının sədri Hikmət Şikarov növbəti hesabat dövrü üçün müvafiq Fəaliyyət Planı haqqında danışdı və səsə qoyularaq təsdiq edildi,həmçinin müzakirə olunan digər məsələlər barədə də müvafiq qərarlar qəbul edildi. Şura iclası YAP Pirallahı rayon təşkilatının ictimai-siyasi həyatında fəal iştirakına görə fərqlənən bir qrup şəxsin Fəxri Fərmanla təltif edilməsi ilə başa çatdı.


Kateqoriya : CƏMİYYƏT Baxış sayı : 710

QHT və MEDİA

2019-11-22 09:50:24

QHT və MEDİA
“Daşnaklar Fərqanədən Qarabağa qədər” ki...
“Daşnaklar Fərqanədən Qarabağa qədər” ki...

Bakıda özbəkistanlı yazıçı Şöhrət Barlasın müəllifi olduğu “Daşnaklar Fərqanə...

2019-11-22 09:40:48

QHT və MEDİA
Ankarada “erməni-nasist əməkdaşlığı” möv...
Ankarada “erməni-nasist əməkdaşlığı” möv...

Ankarada fəaliyyət göstərən Avrasiya Araşdırmalar Mərkəzində (AVİM) “erməni-n...

CƏMİYYƏT

2019-11-21 21:30:38

CƏMİYYƏT
Faşist cəlladı Qaregin Njdenin heykəlini...
Faşist cəlladı Qaregin Njdenin heykəlini...

Hələ 2018-ci ilin martın 26-da Gürcüstanın Slavyan Xalqları Konqresinin sədr...

2019-11-19 09:25:12

CƏMİYYƏT
Sərt qayalar üzərində inşa edilmiş Diri ...
Sərt qayalar üzərində inşa edilmiş Diri ...

Qobustanda yerləşən Diri baba türbəsi Şirvan-Abşeron memarlıq üslubunda inşa ...

İQTİSADİ

2019-11-22 11:20:13

İQTİSADİ
Avropa-Qafqaz-Asiya nəqliyyat dəhlizinin...
Avropa-Qafqaz-Asiya nəqliyyat dəhlizinin...

Yanvar-sentyabr aylarında Avropa-Qafqaz-Asiya nəqliyyat dəhlizinin Azərbaycan...

2019-11-18 18:35:15

İQTİSADİ
2019-cu ilin 9 ayı ərzində avtomobil yo...
2019-cu ilin 9 ayı ərzində avtomobil yo...

-Agentlik yol infrastrukturunun inkişafı ilə bağlı işlərin kompleks şəkildə...