MƏDƏNİ
A- A A+

“Azərxalça” hərraclarda satışa çıxarılan Azərbaycan xalçalarının çeşniləri əsasında yeni məhsullar istehsal edir

2018-07-26 11:10:36

Dünyanın müxtəlif ölkələrindən olan tacirlər həmişə Azərbaycan xalçalarına maraq göstəriblər

Məhz bunun nəticəsidir ki, bu gün dünyanın nüfuzlu muzeylərinin ekspozisiyasını Azərbaycan xalçaları bəzəyir. Öz çeşnisi, toxunuş texnologiyası, orijinallığı və keyfiyyəti ilə seçildiyindən Azərbaycan xalçaları bütün dünyada hər zaman dəyərli olub. Müxtəlif vaxtlarda hərraca çıxarılan xalçalar rekord qiymətlərə satılıb.

“Azərxalça” Açıq Səhmdar Cəmiyyəti (ASC) dünyanın müxtəlif muzeylərində, şəxsi kolleksiyalarda saxlanılan qədim xalçalarımızı aşkara çıxararaq onların çeşniləri əsasında yeni xalçalar toxuyur. Cəmiyyət dünya muzeylərində, kolleksiyalarda saxlanılan, müxtəlif vaxtlarda hərraca çıxarılaraq satılan Azərbaycan xalçaları barədə məlumat bazası da yaradır. “Azərxalça” ASC-nin mətbuat xidmətindən AZƏRTAC-a bildirilib ki, 1998-ci ildən 2017-ci ilədək hərraca çıxarılan 100-dən çox qədim xalça haqqında məlumatlar əldə olunub. “Christieʼs” hərrac evində 1998-ci il oktyabrın 15-də keçirilən hərracda XVIII əsrin sonlarına aid “Əjdahalı” çeşnisi ilə toxunan xalça 58 min 747 ABŞ dollarına satılıb. Elə həmin hərrac evində 2002, 2003, 2006, 2008 və 2014-cü illərdə XVIII və XIX əsrlərdə toxunan 12 qədim Azərbaycan xalçası hərraca çıxarılıb. Bu xalçalar sırasında ən baha qiymətə satılanı XIX əsrin birinci yarısında toxunan xalçadır. Bu xalça 152 min 592 ABŞ dollarına satılıb.

2006-cı ilin dekabr ayında ABŞ-ın Pensilvaniya ştatının Filadelfiya şəhərində yaşayan Robert Montqomeri Skott tərəfindən hərraca çıxarılan, XVIII əsrin sonu, XIX əsrin əvvəllərində toxunan Azərbaycan xalçasına çox böyük maraq göstərilib. Həmin xalça 341 min 625 ABŞ dollarına satılıb. Bu, ölçüsünə görə ən baha qiymətə satılan Azərbaycan xalçasıdır. Cəmi 3 kvadratmetr olan heç bir xalça belə baha qiymətə satılmayıb. 2013-cü ildə Vyanada, Londonda, 2014-cü ildə isə Nyu-Yorkda keçirilən hərraclarda XVIII və XIX əsrlərdə toxunmuş Azərbaycan xalçaları satışa çıxarılıb. “Qarabağ”, “Qazax-Borçalı”, “Təbriz”, “Quba” qruplarına aid olan xalçaların ən ucuzu 10 min avroya, ən bahalısı isə 233 min ABŞ dollarına satılıb.

Azərbaycan xalçaları 2016-cı il noyabrın 20-də keçirilən “Grogan” hərracında da satışa çıxarılıb. ABŞ-da fəaliyyət göstərən bu hərrac evi Mitçel və Rozali Rudnikin şəxsi kolleksiyasının satışını həyata keçirib.

Mitçel və Rozali Qafqaz xalçalarını 1980-ci illərin əvvəllərindən toplamağa başlayıblar. Nyu-İqlənd Xalça Cəmiyyətinin fəal üzvləri olan ər-arvad həmin xalçaları əsasən İstanbul, Milan, Paris, London və Münxendən alıblar. Hərracda ABŞ və Avropa ölkələrindən olan alıcılar iştirak edib. “Grogan”da satışa çıxarılan bu xalçalar ümumilikdə 744 min 200 ABŞ dollarına satılıb.1810-cu ildə toxunmuş Quba namzalıq xalçasını hərracda ən baha qiymətə - 61 min ABŞ dollarına Boston İncəsənət Muzeyi alıb. 100 alıcının iştirak etdiyi hərracda 15-dən çox xalça 10 min ABŞ dollarından baha qiymətə satılıb.

“Azərxalça” hərraclarda satılan xalçaların çeşniləri əsasında yeni məhsullar istehsal edir. Müasir Azərbaycan xalçaçıları tarixi yaddaşın, qədim çeşnilərimizin bərpası ilə milli dəyərlərimizə sahib çıxdıqlarını nümayiş etdirirlər. Dünyanın müxtəlif ölkələrində keçirilən hərraclarda satılan xalçaların çeşniləri əsasında istehsal olunan bəzi məhsulların fotoşəkillərini təqdim edirik.


Kateqoriya : MƏDƏNİ Baxış sayı : 345

QHT və MEDİA

2019-05-24 09:00:29

QHT və MEDİA
Gürcüstan Patriarxlığından sərhəd açıqla...
Gürcüstan Patriarxlığından sərhəd açıqla...

Fact-info.az “Report”a istinadən xəbər verir ki, bunu Patriarxlığın Mətbuat x...

2019-05-23 16:40:50

QHT və MEDİA
“Son iclas” filmi qənclər tərəfindən bö...
“Son iclas” filmi qənclər tərəfindən bö...

Qeyd edək ki, “Son iclas” bədii-sənədli filmi Azərbaycan Xalq Cümhuriyyətini...

CƏMİYYƏT

2019-05-25 06:40:50

CƏMİYYƏT
Oleq Kuznetsov Tarix İnstitutunun fəxri ...
Oleq Kuznetsov Tarix İnstitutunun fəxri ...

nstitutdan verilən məlumata görə, O.Kuznetsov bu fəxri ada Azərbaycan və Rusi...

2019-05-24 08:40:50

CƏMİYYƏT
"Həmsədrlər əsirlərlə bağlı təklifləri m...
"Həmsədrlər əsirlərlə bağlı təklifləri m...

Bunu Trend-ə nazir Sergey Lavrovun “münaqişə zonalarında etimad mühitinin qur...

İQTİSADİ

2019-05-22 23:10:52

İQTİSADİ
ABŞ Konqresində Trans-Xəzər regionu ilə ...
ABŞ Konqresində Trans-Xəzər regionu ilə ...

Brifinqdə Azərbaycan, Əfqanıstan, Türkiyə, Gürcüstan və Özbəkistanın ABŞ-dakı...

2019-05-17 09:05:12

İQTİSADİ
Mamuka Baxtadze: Transxəzər Beynəlxalq N...
Mamuka Baxtadze: Transxəzər Beynəlxalq N...

Bu gün Qazaxıstan, Çin, Azərbaycan, Türkiyə və Gürcüstanın iştirakçısı olduğu...