QHT və MEDİA
A- A A+

“Səhra həkimləri” sənədli filminin təqdimatı keçirildi

2018-07-15 11:40:29

Vətən hər bir vətəndaş üçün əvəzolunmaz bir ünvandır. Vətənpərvərlik isə vətənə bağlılıq, vətən sevgisinin göstəricisidir. Nəzərə alsaq ki, müharibə şəraitində yaşayırıq, demək ki biz vətənimizin bütövlüyünün qorunmasında eyni dərəcədə maraqlı olmalı və hər hərəkətimizdə bunun üçün çalışmalıyıq

Bugünki vəziyyətdə Azərbaycanın ərazi bütövlüyünün bərpası güclü vətəndaşlıq mövqeyində vətənpərvərliyin təbliğini tələb edir. Gənclərdə vətənpərvərlik hissinin aşılanması “Vətənpərvərliyin Təbliğinə Dəstək” İctimai Birliyinin əsas məqsəd və məramıdır. Bu baxımdan birliyin sədri Şəmistan Əliamanlının rəhbərliyi ilə davamlı olaraq gənclərdə vətənpərvərlik hissinin aşılanması yolunda bir çox uğurlu layihə və tədbirlər həyata keçrilib.

“Vətənpərvərliyin Təbliğinə Dəstək” İctimai Birliyinin hazırladığı layihələrdən biri də “Səhra həkimləri” sənədli filmidir.Bu filmin ərsəyə gəlməsindən ötrü Respublika Prezidenti yanında Qeyri-Hökumət Təşkilatlarına Dövlət Dəstəyi Şurası xüsusi dəstək göstərdi. Filmin təqdimat mərasimi 13 iyul tarixində Respublika Gəncliyə Yardım Fondunda baş tutdu.

Filmin ssenari müəllifi Rey Kərimoğlu, rejissoru Anar Şuşalıdır. Film Azərbaycanın hərbi tibb sahəsinə olunub və bu sahədə zəhməti olan bəzi həkim və tibb bacılarının xidmətləri işıqlandırılmışdır. Film Azərbaycan Xalq Cümhuriyyəti zamanı, daha dəqiq desək, əsası 15 noyabr 1918-ci ildə Səməd bəy Mehmandarov tərəfindən qoyulan ilk tibb məntəqəsi, II dünya müharibəsi zamanı xidmət göstərən həkim və tibb bacılarının fəaliyyəti, eləcə də Qarabağ müharibəsi zamanı səngərdə əsgərlərlə çiyin-çiyinə mübarizə aparan hərbi həkim və tibb bacılarının fəaliyyətini əhatə edir. Filmdə adları çəkilən həkimlərdən Qurban Qurbanov(dünyasın dəyişib), Səməd Abdullayev, Muxtar Qasımov, Gültəkin Əsgərova(hər iki həkim şəhid olub), tibb bacılarından Radə Abbas və başqalarının müsahibələri öz əksini tapmışdır.

İlk öncə film nümayiş olundu. Filmin təqdimatı zamanı çıxış edənlər- “Vətənpərvərliyin Təbliğinə Dəstək” İctimai Birliyinin sədri, hərbi diktor, hərbi marş və mahnıların mahir ifaçısı Şəmistan Əlizamanlı, Respublika Milli Məclisinin deputatı, Respublika Mətbuat Şurasının sədri Əflatun Amaşov, sənədli filmin ssenari müəllifi, Qarabağ qazisi Rey Kərimoğlu, ehtiyatda olan polkovnik Xətai Baxışov, “Azərbaycan Milli Qəhrəmanı Asif (Fred) Məhərrəmov adına İnkişaf Fondu”nun sədri, II dünya müharibəsi əlili Ədalət Məhərrəmov, Beynəlxalq Avrasiya Mətbuat Fondunun sədri Umud Rəhimoğlu, hərbi həkimlər Şahlar Quliyev, tibb bacısı Radə Abbas və digər qonaqlar öz çıxışlarında dövlətin bu kimi filmlərin ərsəyə gəlməsinə dəstəyini yüksək qiymətləndirərək, bu tipli layihələrin davamlı olmasını arzu etdilər. Müharibə şəraitində yaşayan Vətənimizin ərazi bütövlüyü uğrunda mübarizə aparan hər bir zabitin, gizirin, əsgərin, torpaq uğrunda canından keçən igidlərin haqqında bu cür filmlərin çəkilməsinin zəruriliyini qeyd etdilər.

Biz, “Səhra həkimləri” sənədli filminin hazırlanmasında zəhməti olan hər bir şəxsə öz təşəkkürümüzü bildiririk. Qeyd etməyi özümüzə borc bilirik ki, 1992-ci il fevralın 17-də yaradılmış Azərbaycan hərbi tibbi səhiyyəsinin digər qurucuları-Tibb xidməti polkovniki Xanlar Hacıyev, Rahim Hüseynov, Səxavət Allahverdiyev,Məcid Məsimov, Romiq Məhərrəmov kimi...dəyərli tibb işçilərinə yer ayrılması da yaxşı olardı. Dəyərli dostlar, vətənpərvərlik hissinin aşılanması, gənc nəslin məlumatlandırılması üçün “Səhra həkimləri” kimi yüzlərlə sənədli və bədii filmin lentə alınması, onların təbliği işinin düzgün qurulması çox vacibdir.

Şamil Sabiroğlu, Xatirə Tahirqızı

“fact-info.az”saytının xüsusi müxbirləri


Kateqoriya : QHT və MEDİA Baxış sayı : 712

QHT və MEDİA

2019-09-19 08:35:00

QHT və MEDİA
Ülvi Mehdiyev: “Vətən sərhəddən başlayır...
Ülvi Mehdiyev: “Vətən sərhəddən başlayır...

"Könüllülük hərəkatının fəaliyyəti dövründə 600-ə yaxın layihə həyata keçiril...

2019-09-18 07:35:57

QHT və MEDİA
“Paşinyan Cənubi Qafqazı müharibəyə apar...
“Paşinyan Cənubi Qafqazı müharibəyə apar...

“Nikol Paşinyanın növbəti bəyanatı onu göstərir ki, artıq məsələ aydındır və ...

CƏMİYYƏT

2019-09-19 18:20:16

CƏMİYYƏT
Azərbaycan Milli Radiosunda nələr gözlən...
Azərbaycan Milli Radiosunda nələr gözlən...

1926-cü ildə təməli qoyulan və ölkəmizdə ilk kütləvi informasiya vasitəsi ol...

2019-09-15 05:55:09

CƏMİYYƏT
“Unudulmayan tarix”i dünyaya xatırladan ...
“Unudulmayan tarix”i dünyaya xatırladan ...

Doğrudur,bir zamanlar bu faciələri xalqımızın qan yaddaşından silməyə çalışa...

İQTİSADİ

2019-09-19 18:55:57

İQTİSADİ
SOCAR-ın Fontana Qarşı Dağmədənxilasetmə...
SOCAR-ın Fontana Qarşı Dağmədənxilasetmə...

Sentyabrın 19-da “Əsrin müqaviləsi”nin 25-ci ildöbümü və “Neftçilər günü” ərə...

2019-09-18 07:25:49

İQTİSADİ
Hikmət Hacıyev: "Azərbaycan türkmən qazı...
Hikmət Hacıyev: "Azərbaycan türkmən qazı...

Türkmən qazının idxalatçıları və ya Aşqabad tərəfindən təşəbbüs olarsa, Azərb...