2015-07-16 10:05:37 | MƏDƏNİYYƏT
Polad Bülbüloğlu sənətinin daha bir təntənəsi

"Slavyan bazarı Vitebskdə" XXIV Beynəlxalq İncəsənət Festivalının Ulduzlar Xiyabanında Azərbaycanın Rusiyadakı səfiri, tanınmış müğənni və bəstəkar Polad Bülbüloğlunun Ulduzu parlayıb.

Belarus Prezidentinin "İncəsənət vasitəsilə sülhə və qarşılıqlı anlaşmaya doğru" xüsusi mükafatı laureatlarının Ulduzlar Xiyabanında artıq 11-ci ulduzunun təntənəli açılışı bu gün "Slavyan bazarı Vitebskdə" festivalının əsas konsert meydanının - Yay Amfiteatrının yanında olub. 
Bu il bu şərəfə "Vitebsk-2015" XXIV Beynəlxalq estrada mahnısı müsabiqəsinin münsiflər heyətinin sədri, Azərbaycanın Xalq artisti Polad Bülbüloğlu layiq görülüb.

P.Bülbüloğlu deyib: "Mən 70 illiyimdə belə bir hədiyyə aldığıma görə təşəkkür edirəm və həyəcan içindəyəm. 
Yaradıcılığıma və yubileyimə göstərdiyi diqqətə görə Belarus Prezidenti Aleksandr Lukaşenkoya təşəkkür edirəm. 
Çox sevinirəm ki, ulduzum məhz Belarusda açılıb. Biz əvvəllər bir ölkədə yaşamışıq, Böyük Vətən müharibəsində bir yerdə zəfər qazanmışıq. Bu da bizim ümumi yaddaşımızdır, bizim nəslin qırıb ata bilməyəcəyi bir əlaqədir.
 "Slavyan bazarı Vitebskdə" narahat dünyamızda sabitlik, firavanlıq, mədəniyyətin, musiqinin və ifaçılığın çiçəkləndiyi bir adadır. Biz bir neçə gün ərzində dünyanın 41 ölkəsindən istedadlı ifaçıların çıxışlarına tamaşa etdik. Belə tədbirin öhdəsindən hər dövlət, hər şəhər gələ bilməz. 
Buna görə təşkilatçılara, yerli hakimiyyət orqanlarına təşəkkür edirəm. Vitebsk sakinlərinin istənilən hava şəraitində konsertə gəlib artistləri hərarətlə alqışlamaları, onlara çiçək bəxş etmələri məni heyran qoyub". O əlavə edib ki, hətta dəvət olunmasa da, festivala baxmaq, öz ulduzuna baş çəkmək üçün hər il Vitebskə gələcək.

 

Səfir etiraf edib ki, mahnılarının xatırlandığını və hələ də ifa olunduğunu bilmək onun üçün xoşdur. Axı, artıq çoxdandır ki, çıxış etmir. Uzun illərdir diplomatik fəaliyyətlə məşğul olur.
 Daha əvvəl isə Azərbaycanın mədəniyyət naziri vəzifəsində çalışıb. Buna görə də ulduzun açılışında Vitebskin gənc ifaçılardan ibarət "Yeqoza" ansamblı onun mahnılarından ibarət popurri oxuyanda məmnuniyyətlə onlarla birlikdə zümzümə edib. 
O, səmimi qəbula və beynəlxalq müsabiqənin münsiflər heyətinin sədri olmaq şərəfinə layiq görüldüyünə görə mərasimdə iştirak edən Belarusun mədəniyyət naziri Boris Svetlova təşəkkür edib.

 

Baxış sayı : 1862
Laçın dəhlizi ətrafında yaranmış vəziyyət Üçtərəfli Bəyanatın 6-cı bəndi əsasında nizamlanmalıdır Rusiya ordusu bu qədər itki verib İşğaldan azad edilmiş ərazilərdə 42 abidə pasportlaşdırılıb “Ermənistan öhdəliklərinə zidd fəaliyyət göstərir və sülhə maneə törədir” - Ceyhun Bayramov Rafiq Quliyev: “Səsləndirilmiş fikirlərdən təşkilatçılar nəticə çıxarmalıdırlar” Agentlik QHT-lərlə online görüş keçirib Mövcud şəraitdən yararlanıb Qarabağ məsələsini birdəfəlik bitirmək lazımdır Ermənistan regionda vəziyyətin gərginləşməsinə xidmət edən addımlardan çəkinməlidir Birinci vitse-prezident Mehriban Əliyeva İslamiadanın açılış mərasimindən paylaşım edib "İstiqlal şairi Əhməd Cavad" adlı elektron məlumat bazası hazırlanıb Prezident İlham Əliyev və Mehriban Əliyeva V İslam Həmrəyliyi Oyunlarının açılış mərasimində iştirak ediblər Ceyhun Bayramov Türkiyənin tanınmış KİV-nə müsahibə verib MEK tərəfindən dünyaca məşhur alim Lütfi Zadənin biblioqrafik göstəricisi hazırlanıb Erməni vandalizminin Kələxana “etüdləri” Azərbaycanda dövlət-din münasibətləri dünya üçün nümunə sayılır Türkiyə Ermənistan və Azərbaycan arasında normallaşma prosesinə mühim töhfələr verir - ATƏT-in baş katibi Ceyhun Bayramov: “Azərbaycan və Türkiyə qlobal arenada sülhə töhfə verməyə davam edəcəklər” “Şuşa bəyannaməsi ilə müttəfiqliyimiz daha da möhkəmləndi” Şefik Caferoviç: Qlobal Bakı forumlarının böyük beynəlxalq əhəmiyyəti var "Beynəlxalq aləm Qarabağda işğala qarşı heç bir addım atmadı" - Ərdoğan Azərbaycan Ordusunda gənc əsgərlərin andiçmə mərasimləri keçirilib Ermənilər Laçını yandırırlar - 30 il öncə də, indi də.. Erməni Azərbaycan vətəndaşı olmaq üçün müraciət etdi Korotçenko: “Noyabra kimi Qarabağda silahlı erməni qalmamalıdır”