TƏDQİQATLAR
A- A A+

Erməni faşizmini ifşa edən fundamental əsər

2018-06-08 23:40:52

Azərbaycanın tanınmış filosofu Əmrəli İsmayılovun rus dilində yazdığı "Erməniliyin və erməni faşizmin ideologiyası, fəlsəfəsi və cinayəti" adlı kitab bu yaxınlarda çapdan çıxıb

Zəngin tarixi faktlar əsasında qələmə alınmış bu fundamental kitabı elmi ictimaiyyət böyük maraqla qarşılayıb.

Bakı Dövlət Universitetinin dosenti Məcid Əfəndiyev kitab haqqında rəyini ifadə edərək deyib: "Fəlsəfə üzrə fəlsəfə doktoru, nəinki Azərbaycanda, eləcə də keçmiş SSRİ-də və postsovet məkanında tanınmış görkəmli alim Əmrəli İsmayılovun "Erməniliyin və erməni faşizmin ideologiyası, fəlsəfəsi və cinayəti" adlı geniş həcmli kitabının çapdan çıxması diqqətəlayiq elmi-tarixi hadisə kimi dəyərləndirilməlidir. Əmrəli İsmayılov onlarla beynəlxalq, regional və respublika elmi simpoziumlarında, konfranslarda və seminarlarda fəal çıxış etmiş, respublikamızı, xalqımızı və elmimizi ləyaqətlə təmsil etmişdir. Onun 40 çap vərəqi (628 səh.) həcmində yazdığı bu kitab hər bir vətənpərvər azərbaycanlıya, vətənpərvər Azərbaycan oxucusuna böyük mənəvi-elmi hədiyyədir.

18 bölmədən ibarət, dərin elmi, siyasi və milli məzmuna malik olan bu kitabda erməniliyin, erməni faşizminin iç üzü açıqlanır, erməni ideologiyasının mənfur, insanlığa zidd mahiyyəti, Ermənistanın təcavüzkar, işğalçı siyasətinin məqsədi, ermənilərin tarixən digər ölkələrə və xalqlara, qonşularına, ilk növbədə Türkiyə və Azərbaycana qarşı əsassız, çirkin ərazi iddiaları konkret faktlar əsasında nəzərə çatdırılır. Kitabın ən dəyərli məqamlarından biri ondan ibarətdir ki, ermənilərin riyakarlığı, yalançılığı, simasızlığı, mənfur mənəviyyatı real elmi, publist mənbələr əsasında açıqlanır. Təkcə belə bir məqamı qeyd etmək kifayətdir ki, müəllif erməni ideologiyası, faşizmi barədə fikirlərini əsaslandırmaq üçün məhz xristian aləmini təmsil edən mütəfəkkirlərin, dünyada tanınmış alim və siyasətçilərin fikirlərinə, eləcə də xristianlıq mətbuatının səhifələrinə müraciət etmişdir.

Müəllifin böyüklüyü və fikirlərinin inandırıcı olması həm də onunla təsdiqlənir ki, o, heç bir türk və Azərbaycan mənbələrindən istifadə etməmişdir. Ən maraqlı cəhət eləcə də bundan ibarətdir ki, ermənilərin mənəviyyatsızlığı, siyasi riyakarlığı məhz erməni müəlliflərinin fikirləri, məlumatları əsasında oxucuya çatdırılır. Kitabda 1918-ci ilin martında ermənilərin Bakıda, Şamaxıda, Qubada və digər bölgələrdə törətdiyi qırğınlara hərtərəfli, real faktlar əsasında və dərindən aydınlıq gətirilir. Xocalı soyqırımına xüsusi diqqət yetirilir, yaşlılara, qadınlara və uşaqlara qarşı qəddar, amansız və qeyri-insani münasibət yalnız yazılı formada deyil, həm də çoxsaylı foto şəkillər əsasında ifadə olunur, erməni faşizminin və ideologiyasının mürtəce və qeyri-bəşəri məqsədi beləcə vurğulanır.

Zənnimizcə, Əmrəli müəllimin bu çox dəyərli kitabı ermənilərin tarixini, bugününü, ideologiyasını, fəlsəfəsini və faşizmini, türklərə və azərbaycanlılara qarşı tarixi düşmənçiliyini çılpaqlığı ilə açan ilk kitabdır. Vətənpərvər Azərbaycan oxucusuna bu kitabı əldə edib oxumağı tövsiyə edirəm".


Kateqoriya : TƏDQİQATLAR Baxış sayı : 865

QHT və MEDİA

2020-04-01 13:25:59

QHT və MEDİA
Mehriban Əliyevadan koronavirusla bağlı ...
Mehriban Əliyevadan koronavirusla bağlı ...

Fact-ınfo.az məlumatına görə, paylaşımda deyilir:

"Əziz həmvətənlərim...

2020-03-31 20:30:46

QHT və MEDİA
QHT-lərin koronovirusla mübarizəyə həsr ...
QHT-lərin koronovirusla mübarizəyə həsr ...

Azərbaycan Respublikasının Prezident yanında Qeyri-Hökumət Təşkilatlarına Döv...

CƏMİYYƏT

2020-04-01 15:10:10

CƏMİYYƏT
31 mart 1918-ci il Bakı hadisələri bir i...
31 mart 1918-ci il Bakı hadisələri bir i...

XX əsr tariximizin ən ağrılı, ən qanlı, ən faciəli məqamı - xalqımızın və əra...

2020-03-30 14:00:00

CƏMİYYƏT
Milli həmrəyliyimiz, məsuliyyətli davran...
Milli həmrəyliyimiz, məsuliyyətli davran...

Bu barədə QHT.az-a Sosial Rifah və Tədqiqatlar İctimai Birliyinin sədri Əkrəm...

İQTİSADİ

2020-04-02 09:30:45

İQTİSADİ
İqtisadi sektorlar və sahibkarlar üçün g...
İqtisadi sektorlar və sahibkarlar üçün g...

Koronavirus pandemiyasının milli iqtisadiyyata və insanların gündəlik sosial-...

2020-03-23 12:10:28

İQTİSADİ
Könül Nurullayeva: Azərbaycan Prezidenti...
Könül Nurullayeva: Azərbaycan Prezidenti...

Fevralın 9-da Milli Məclisə keçirilən seçkilər Azərbaycanda demokratik dəyərl...