SİYASƏT
A- A A+

Prezident İlham Əliyev: Bizim sözümüz ədalətdir və həqiqətdir

2018-06-04 07:35:47

“İlham Əliyev. İnkişaf - məqsədimizdir” çoxcildliyinin 62-ci kitabı çapdan çıxıb

Bizim sözümüz bütün mötəbər tribunalardan səslənir. Biz sözümüzü deyirik. Bizim sözümüz ədalətdir və həqiqətdir. Ədalət və həqiqət bizim tərəfimizdədir. Ona görə strateji xəttimizi nəzərə alaraq biz öz ardıcıl addımlarımızı atırıq və atacağıq. Əminəm ki, hər bir vətənpərvər Azərbaycan vətəndaşı bu gün cəmiyyətdə mövcud olan həmrəylik, vətənpərvərlik duyğuları ilə fəxr edir. Fəxr edir ki, Azərbaycan bu zirvələrə çata bilmişdir.

...Azərbaycan cəmiyyəti monolitdir. Bizi bir-birimizə bağlayan əsas amil həmrəylikdir və düzgün seçilmiş hədəfdir. Hədəf isə çox aydındır. Biz müasir dövlət qururuq, azad cəmiyyət yaradırıq, demokratiyanın inkişafı əsas şərtdir, korrupsiyaya, rüşvətxorluğa qarşı mübarizə bundan sonra daha da ciddi aparılacaqdır. Biz ancaq və ancaq öz gücümüzə güvənirik. Bu siyasət öz səmərəsini vermişdir.

AZƏRTAC xəbər verir ki, “İlham Əliyev. İnkişaf - məqsədimizdir” çoxcildliyinin 62-ci kitabında yer alan bu fikirləri dövlətimizin başçısı 2014-cü il mayın 10-da ümummilli lider Heydər Əliyevin anadan olmasının 91-ci ildönümünə və Heydər Əliyev Fondunun yaradılmasının 10 illiyinə həsr olunmuş təntənəli mərasimdə səsləndirib.

Azərbaycan Respublikası Prezidenti Administrasiyasının rəhbəri akademik Ramiz Mehdiyevin buraxılışına məsul olduğu çoxcildliyin 62-ci kitabındakı materiallar 2014-cü ilin aprel-may aylarını əhatə edir. Nəşrin bu cildində Prezident İlham Əliyevin İran İslam Respublikasına, Çex Respublikasına, Gürcüstana səfərləri zamanı keçirdiyi görüşlər, imzalanan sənədlər, mətbuat üçün bəyanatlar, habelə ölkəmizə səfər etmiş Fransa Prezidenti ilə apardığı danışıqlar barədə materiallar yer alıb. Çoxcildliyin bu kitabına dövlətimizin başçısının Litva, Fransa, Səudiyyə Ərəbistanı, ABŞ, Qazaxıstan, İspaniya, Niderland, Rusiya və digər ölkələrin, NATO, Türkdilli Dövlətlərin Əməkdaşlıq Şurası və digər beynəlxalq təşkilatların ölkəmizə gəlmiş yüksəkvəzifəli şəxslərini, eləcə də Bakıda keçirilən II Qlobal Açıq Cəmiyyətlər Forumunun iştirakçısı olan nüfuzlu ictimai-siyasi xadimləri qəbul etməsinə dair informasiyalar daxil edilib. Azərbaycan Prezidenti bütün görüş və danışıqlarda dünya ictimaiyyətini Dağlıq Qarabağ münaqişəsinin beynəlxalq hüququn norma və prinsipləri çərçivəsində həllinə dəstək verməyə çağırıb.

Bu cilddə, həmçinin ölkə rəhbərinin Xəzər Beynəlxalq Su Texnologiyaları sərgisi və konfransının, Beynəlxalq İdman Mətbuatı Assosiasiyasının 77-ci konqresinin iştirakçılarına müraciətləri dərc edilib. Prezident İlham Əliyevin Nazirlər Kabinetinin 2014-cü ilin birinci rübünün sosial-iqtisadi inkişafının yekunlarına və qarşıda duran vəzifələrə həsr olunmuş iclasındakı nitqinin, Naxçıvanda muxtar respublikanın 90 illiyinə həsr olunmuş mərasimdəki çıxışının mətnləri, habelə muxtar respublikada, Ağdaş, Şamaxı və Bakıda müxtəlif infrastruktur obyektlərinin açılış mərasimlərində iştirakı, ictimaiyyət nümayəndələri ilə görüşləri barədə informasiyalar 62-ci kitaba daxil edilib. Oxucular bu kitabda dövlətimizin başçısının “The Business Year” nəşrinə müsahibəsinin mətni ilə də tanış ola bilərlər.

Kitaba “Qeydlər”, “Şəxsi adlar”, “Coğrafi adlar” göstəriciləri daxil edilib. “Azərnəşr” tərəfindən buraxılan 62-ci kitabın hazırlanmasında Azərbaycan Dövlət İnformasiya Agentliyinin (AZƏRTAC) materiallarından istifadə olunub.


Kateqoriya : SİYASƏT Baxış sayı : 436

QHT və MEDİA

2019-07-18 14:25:20

QHT və MEDİA
Qeyri-Hökumət Təşkilatlarına Dövlət Dəst...
Qeyri-Hökumət Təşkilatlarına Dövlət Dəst...

Azərbaycan Respublikasının Prezidenti yanında Qeyri-Hökumət Təşkilatlarına Dö...

2019-07-18 11:05:04

QHT və MEDİA
“Gənclik İlləri” adlı kitab təqdim olund...
“Gənclik İlləri” adlı kitab təqdim olund...

Tədbiri giriş sözü ilə acan Xurşudbanu Natavan adına kitabxananın müdiri Tura...

CƏMİYYƏT

2019-07-19 08:40:08

CƏMİYYƏT
Akademik Azərbaycan Xalq Cümhiriyyətini...
Akademik Azərbaycan Xalq Cümhiriyyətini...

Azərbaycan Respubliksının Prezidenti İlham Əliyevin 27 may 2019-cu il tarixli...

2019-07-16 08:20:48

CƏMİYYƏT
Müharibə şəraitində mediamız
Müharibə şəraitində mediamız

Ancaq bəzi məqamları diqqətsiz buraxmaq olmur. Ümumiyyətlə, jurnalistikanın ...

İQTİSADİ

2019-07-17 08:50:31

İQTİSADİ
100,6 milyard dollar investisiya yatırıl...
100,6 milyard dollar investisiya yatırıl...

Energetika Nazirliyindən bildirilib ki, Energetika naziri Pərviz Şahbazov ADA...

2019-07-16 09:25:35

İQTİSADİ
Aİ-Azərbaycan: strateji tərəfdaşlığın ak...
Aİ-Azərbaycan: strateji tərəfdaşlığın ak...

Bir sıra ekspertlər son zamanlar Avropa İttifaqı-Azərbaycan münasibətlərində ...