MÜSAHİBƏ
A- A A+

Yosip Bozaniç: Azərbaycanda dinlərarası dialoqa və multikulturalizmə yüksək diqqət yetirilir

2018-06-01 12:30:52

Azərbaycanın Xorvatiyadakı səfiri Fəxrəddin Qurbanov Xorvatiya Roma Katolik Kilsəsinin kardinalı, Zaqreb arxiyepiskopu Yosip Bozaniç ilə görüşüb

F.Qurbanov Xorvatiya ilə Azərbaycan arasında münasibətlər haqqında məlumat verərək əlaqələrin dostluq və strateji əməkdaşlıq səviyyəsində olduğunu qeyd edib. Səfir 2017-ci ilin noyabr ayında keçirilmiş Azərbaycan-Xorvatiya İqtisadi Əməkdaşlıq üzrə Birgə Komissiyasının 1-ci iclasını qeyd edib. O, həmçinin Xorvatiyanın Bakıda səfirliyinin açılmasından məmnunluğunu ifadə edib. Bildirib ki, hər iki hadisə iqtisadi əlaqələrin genişləndirilməsinə təkan verəcək.

Diplomat Azərbaycanda bütün dinlərə və mədəniyyətlərə hörmətlə yanaşıldığını, millətlərin sülh və əmin-amanlıq içərisində yaşadığını diqqətə çatdırıb. Azərbaycanda katolik və pravoslav kilsələrinin, sinaqoq və məscidlərin açıq olduğunu və onların dövlət tərəfindən qorunduğunu qeyd edən F.Qurbanov multikulturalizm nümunəsi olan Azərbaycanda bunun bir həyat tərzi olduğunu vurğulayıb.

Azərbaycan ilə Vatikan arasında münasibətlər haqqında söz açan səfir Roma Katolik Kilsəsinin başçılarının ölkəmizə səfərləri barədə məlumat verib. O, Heydər Əliyev Fondu və Vatikan arasındakı əməkdaşlığa toxunaraq Azərbaycan Respublikasının Birinci vitse-prezidenti, Fondun prezidenti Mehriban Əliyevanın Azərbaycan-Vatikan əlaqələrinin dərinləşməsində müstəsna xidmətlərindən danışıb. Heydər Əliyev Fondunun Müqəddəs Marçellinio və Pietro katakombalarının bərpasına və digər layihələrin həyata keçirilməsinə verdiyi töhfələri vurğulayıb. Zaqreb Arxiyepiskopu Yosip Bozaniç, öz növbəsində, səfiri yeni təyinatı münasibətilə təbrik edərək ona fəaliyyətində uğurlar arzulayıb. O qeyd edib ki, Azərbaycanda son dövrdə gedən inkişafdan məmnunluq duyur. Azərbaycanda dinlərarası dialoqa və multikulturalizmə toxunan kardinal bildirib ki, ölkəmizdə qeyd olunan sahəyə ayrılan yüksək diqqətdən xəbərdardır. O, Vatikanın Bakıdakı nümayəndəliyindəki Xorvat əsilli həmkarının bununla bağlı müsbət təəssüratlarının olduğunu bildirib.

Daha sonra Fəxrəddin Qurbanov Ermənistan-Azərbaycan, Dağlıq Qarabağ münaqişəsi və Ermənistan silahlı qüvvələri tərəfindən həyata keçirilən təxribatlar haqqında həmsöhbətinə məlumat verib. Səfir münaqişə zamanı törədilmiş, müasir dövrün ən ağır faciələrindən olan Xocalı soyqırımı haqqında danışıb. O, Xocalıda baş verən vəhşiliklərin, mülki əhalinin amansız şəkildə qətlə yetirilməsinin insanlığa qarşı cinayət olduğunu vurğulayıb. Həmçinin diplomat məlumat verib ki, 2018-ci il mayın 28-də müsəlman Şərqində ilk parlamentli respublikanın – Azərbaycan Xalq Cümhuriyyətinin yaranmasının 100 illiyi tamam olub. Bununla əlaqədar 100 illik yubiley ölkəmizdə dövlət səviyyəsində geniş qeyd edilir və səfirlik tərəfindən də Azərbaycan Xalq Cümhuriyyətinin 100 illiyinin layiqincə keçirilməsini təmin etmək məqsədilə Xorvatiyada bir sıra tədbirlər təşkil olunub və yeni tədbirlərin keçirilməsi nəzərdə tutulub.


Kateqoriya : MÜSAHİBƏ Baxış sayı : 390

QHT və MEDİA

2019-05-24 09:00:29

QHT və MEDİA
Gürcüstan Patriarxlığından sərhəd açıqla...
Gürcüstan Patriarxlığından sərhəd açıqla...

Fact-info.az “Report”a istinadən xəbər verir ki, bunu Patriarxlığın Mətbuat x...

2019-05-23 16:40:50

QHT və MEDİA
“Son iclas” filmi qənclər tərəfindən bö...
“Son iclas” filmi qənclər tərəfindən bö...

Qeyd edək ki, “Son iclas” bədii-sənədli filmi Azərbaycan Xalq Cümhuriyyətini...

CƏMİYYƏT

2019-05-24 08:40:50

CƏMİYYƏT
"Həmsədrlər əsirlərlə bağlı təklifləri m...
"Həmsədrlər əsirlərlə bağlı təklifləri m...

Bunu Trend-ə nazir Sergey Lavrovun “münaqişə zonalarında etimad mühitinin qur...

2019-05-22 22:10:45

CƏMİYYƏT
Harvard Universitetinin saytı Azərbaycan...
Harvard Universitetinin saytı Azərbaycan...

ABŞ-ın Harvard Universitetinin rəsmi saytında Azərbaycanın Ukraynadakı səfiri...

İQTİSADİ

2019-05-22 23:10:52

İQTİSADİ
ABŞ Konqresində Trans-Xəzər regionu ilə ...
ABŞ Konqresində Trans-Xəzər regionu ilə ...

Brifinqdə Azərbaycan, Əfqanıstan, Türkiyə, Gürcüstan və Özbəkistanın ABŞ-dakı...

2019-05-17 09:05:12

İQTİSADİ
Mamuka Baxtadze: Transxəzər Beynəlxalq N...
Mamuka Baxtadze: Transxəzər Beynəlxalq N...

Bu gün Qazaxıstan, Çin, Azərbaycan, Türkiyə və Gürcüstanın iştirakçısı olduğu...