2018-05-12 10:40:26 | MƏDƏNİYYƏT
“Azərbaycanın mədəni irsi UNESCO-da” adlı sərgi açılıb

Azərbaycan xalqının ümummilli lideri Heydər Əliyevin anadan olmasının 95-ci ildönümü münasibətilə “İçərişəhər” Dövlət Tarix-Memarlıq Qoruğu İdarəsi və “Arts Council Azerbaijan” qeyri-hökumət təşkilatının təşəbbüsü və təşkilatçılığı, UNESCO üzrə Azərbaycan Respublikasının Milli Komissiyasının dəstəyi ilə “Azərbaycanın mədəni irsi UNESCO-da” adlı rəsm sərgisi açılıb

İçərişəhərdə yerləşən “Art Tover” rəsm qalereyasında keçirilən sərginin təşkil olunmasında əsas məqsəd ulu öndər Heydər Əliyevin Azərbaycanın UNESCO ilə əlaqələrinin qurulması və inkişaf etdirilməsi istiqamətində göstərdiyi əvəzsiz xidmətlərin əhəmiyyətini ictimaiyyətə çatdırmaqdır.

Sərgidə çıxış edən “İçərişəhər” Dövlət Tarix-Memarlıq Qoruğu İdarəsinin Elmi Mədəni Mərkəzinin direktoru Cavid Kazımov Ulu Öndərin müasir Azərbaycanın qurucusu olduğunu vurğulayaraq, onun Azərbaycan xalqının mədəni irsinə göstərdiyi diqqət və qayğıdan söz açıb.

Sonra çıxış edən Xarici İşlər Nazirliyinin xüsusi tapşırıqlar üzrə səfiri - UNESCO üzrə Azərbaycan Respublikasının Milli Komissiyasının baş katibi Elnur Sultanov Ulu Öndərin əziz xatirəsinin silsilə tədbirlərlə yad edildiyini söyləyib. E.Sultanov Ulu Öndərin müasir Azərbaycan dövlətinin memarı olduğunu və ölkəmizdə qazanılan bütün nailiyyətlərin Heydər Əliyevin uzaqgörən siyasətinin nəticəsi olduğunu vurğulayaraq deyib ki, ölkəmizin UNESCO ilə əlaqələrinin qurulmasında və inkişaf etdirilməsində Ümummilli Liderin xidmətləri əvəzedilməzdir. Natiq qeyd edib ki, dahi şəxsiyyətin diqqəti nəticəsində UNESCO-da Azərbaycan mədəniyyəti ilə bağlı müxtəlif tədbirlər keçirilib, Bakıda da bu beynəlxalq qurumun dəstəyi ilə müxtəlif tədbirlər təşkil olunub. E.Sultanov bildirib ki, Ümummilli Liderin 21 fevral 1994-cü il tarixli Sərəncamı ilə UNESCO üzrə Azərbaycan Respublikasının Milli Komissiyası yaradılıb.

Azərbaycanın UNESCO-nun fəal üzvü olduğunu və artıq 26 ildir ki, ölkəmizin UNESCO dəyərlərinin təşviqində müstəsna rol oynadığını qeyd edən baş katib Azərbaycan ilə UNESCO arasında mövcud olan sıx əlaqələrin inkişafında Azərbaycan Respublikasının Birinci vitse-prezidenti, UNESCO-nun xoşməramlı səfiri Mehriban xanım Əliyevanın xüsusi xidmətlərinin olduğunu qeyd edib. E.Sultanov bildirib ki, bu gün ictimaiyyətə təqdim edilən sərgidə nümayiş olunan hər bir əsər xalqımızın zəngin mədəni irsini əks etdirir, istər muğam sənəti, tar, kamança alətlərimiz, istər aşıq sənəti, yaxud da xalça sənətimiz, kəlağayımız, Qobustan qayaüstü abidələri, eləcə də tədbirimizin keçirildiyi İçərişəhərimiz qədim irsimizin parlaq nümunələridir. Sonra qonaqlar sərgi ilə tanış olublar. Sərgi mayın 19-dək davam edəcək.

Bu rəsm sərgisində yer alan əsərlər bir çox gənc və tanınmış rəssamların müxtəlif üslubda işlədikləri, zəngin və qədim mədəni irsimizi əks etdirən mövzular üzrə özünəməxsus tərzdə yaratdıqları əsərlərdən ibarətdir. Qeyd edək ki, ötən il də Azərbaycan Respublikasının UNESCO-ya üzvlüyünün 25 illiyi münasibətilə Bakıda keçirilmiş tədbir zamanı UNESCO-nun müvafiq siyahılarında yer alan Azərbaycanın maddi və qeyri-maddi mədəni irs nümunələrinə həsr olunmuş rəsmlərdən ibarət sərgi təşkil olunub.

Baxış sayı : 2699
İƏT Ermənistanın Azərbaycana qarşı təxribatını və hücumlarını qınayır 2020-09-28 19:25:14 “Ermənistan adlı suveren dövlət mövcud deyil” 2020-09-28 16:05:34 Beynəlxalq təşkilatlar məlumatlandırılıb 2020-09-28 11:50:08 Ermənilər Azərbaycanın 26 mülki vətəndaşını yaralayıb - Baş Prokurorluq 2020-09-28 10:20:13 TRT HABER Ermənistan silahlı qüvvələrinin Azərbaycana hücumları ilə bağlı xüsusi proqram yayımlayıb 2020-09-28 08:50:46 Azərbaycanda hərbi vəziyyət qüvvəyə minib 2020-09-28 07:05:42 Emin Həsənli: Xalqımızın ürəyi Azərbaycan əsgəri ilə döyünür 2020-09-28 06:55:50 "Ermənistan beynəlxalq hüququn norma və prinsiplərini pozur" 2020-09-28 06:50:27 Rusiyalı deputat: Ermənistan hərbi qüvvələrini işğal olunmuş ərazilərdən qeyd-şərtsiz çıxarmalıdır 2020-09-27 21:45:51 Ölkə QHT-lərinin müraciəti: Ali Baş Komandanımızın və Ordumuzun yanındayıq! 2020-09-27 20:25:03 Qardaş Azərbaycanı dəstəkləyirik - Pakistan XİN 2020-09-27 20:05:14 Prezident İlham Əliyev: Ermənistanın Azərbaycana qarşı davam edən işğalçılıq siyasəti onun faşist mahiyyətini bütün dünyaya göstərir 2020-09-27 14:05:59 Qarabağın Azərbaycanlı İcması cəbhədəki vəziyyətlə bağlı bəyanat yaydı 2020-09-27 11:45:15 Hikmət Hacıyev: Yaranmış vəziyyətə və hadisələrin gələcək inkişafına görə bütün məsuliyyət tam şəkildə Ermənistanın siyasi-hərbi rəhbərliyinin üzərinə düşür 2020-09-27 08:00:45 Ermənilərin Gürcüstandakı özbaşnalığı sərhəd tanımır 2020-09-27 07:45:39 Ermənistan ordusunda ruh düşkünlüyü dərinləşəcək 2020-09-26 10:10:50 “Kommersant” Azərbaycan Prezidentinin BMT-dəki çıxışını “olduqca kəskin” adlandırıb 2020-09-26 06:45:13 Prezident İlham Əliyevin BMT-dəki çıxışları Gürcüstan KİV-ləri tərəfindən geniş işıqlandırılıb 2020-09-26 06:40:36 Azay Quliyev: “Prezident İlham Əliyevin BMT-dəki çıxışı mükəmməl yol xəritəsidir” 2020-09-25 18:30:13 Ümid yerimiz olan tələbə-gənclər, Sizi təbrik edirik! 2020-09-25 09:50:15 “Ordum varsa, yurdum var” 2020-09-25 09:15:30 Gürcüstan və Azərbaycan dövlət sərhədinin delimitasiyası məsələsi üzərində işləyir 2020-09-25 07:50:11 Prezident İlham Əliyev: Bizdə erməni ASALA terror təşkilatının işğal edilmiş ərazilərimizdə olması ilə bağlı etibarlı məlumatlar var 2020-09-25 07:40:51 Azərbaycan Prezidenti: Bəyanatlar kifayət etmir, bizim real addımlara ehtiyacımız var 2020-09-25 07:00:49